MOMOUR NIN DUWEN KRISTIAN KEI

Pilada Mehn Kamweit ni Loalokong

Dahme kahrehda kitail anahne pilada mehn kamweit ni loalokong? Met pwehki ni atail kin pilada kasdo ehu en kilang, koul ehu en rong, website ehu en kohla loale, pwuhk ehu en wadek, de video game ehu en mwadongki, kitail kin pilada dahme pahn audehda atail madamadau. Atail pilipil kan kin kamwakid atail pepehm oh wiewia kan. Kansensuwed me mehn kamweit tohto me mie rahnpwukat kin audaudki soahng kan me Siohwa ketin medewe suwed. (Me 11:5; Kal 5:19-21) Ih kahrepe wet Paipel eh kangoangehkin kitail en pousehlahte medemedewe soahng kan me kin kawauwih Siohwa.—Pil 4:8.

KILANG KISIN KASDO WHAT ENTERTAINMENT SHOULD I CHOOSE? OH MWURI SAPENGALA PEIDEK PWUKAT:

Ia duwen en mehn Rom en mahs ako arail mwadong en pei kan eh duwehte mehn kamweit en rahnpwukat?
Ia duwen tohn mwomwohdiso ar kak sewese me pwulopwul kan ren pilada mehn kamweit ni loalokong?
Ia duwen Rom 12:9 eh kin kamwakid atail pilipil en mehn kamweit?
Ia ekei karasepen mehn kamweit mwahu kan me mie nan omw wasa?

MEHN KAMWEIT ME KIN KAMWAKID UHK DE MEHN KAMWEIT ME SOHTE KIN KAMWAKID UHK?

Pali laud en mehn kamweit kan me aramas tohto kin perenki kin padahkihong aramas emen en kilang de wadek duwen dahme ekei aramas kin wia ahpw pein ih sohte kin wia mehkot. Kasdo kan, pwuhk kan oh prokram kan nan TV kin kasalehda ahn meteikan koahiek en madamadau ahpw kaidehn pein ahmw. Mendahki mie ahnsou ong kilang kasdo de wadek pwuhk kan, me tohto diarada me mehn kamweit me kin kahrehiong irail en pein wia mehkot me kin mwahusang. Karasepe, ekei kin perenki doadoahngki mehn keseng kan de mahlenihada ehu mahlen. Meteikan kin perenki mehn kamweit kan me duwehte mwadong de alu de kohla pweidi ehu wasa (camp). Sohte lipilipil mehn kamweit dah me kitail kin pilada, kitail en “wia mehkoaros ong ni kalinganpen Koht.”—1Ko 10:31.