Kitail Anahne Kolokol Atail Loalopwoat ong Siohwa ni Imwio Eh Kerendohr

DAHME KAHREHDA E KESEMPWAL: Soahng kapwuriamwei kan pahn kereniong wiawi me pahn kasonge atail eimah oh likih Siohwa laudsang mahs. Kahn kamakam kowahlap pahn tepikihda kasohralahn pelien lamalam likamw kan. (Md 24:21; Kau 17:16, 17) Erein ahnsou kapwuriamwei wet, ele kitail pahn kalohki rongen kadeik kehlail. (Kau 16:21) Kok en Makok pahn uhwong kitail. (Ese 38:10-12, 14-16) Pwehn pere sapwellime aramas akan, Siohwa pahn ketikihdo “mahwen me pahn wiawi ni rahn lapalap en Koht, me Keieu Manaman.” (Kau 16:14, 16) Pwehn kakehlahda atail eimah ong mwekid en ahnsou kohkohdo pwukat, kitail anahne kolokol atail loalopwoat ni atail pwoson eh pahn lelohng kasongosong.

IA DUWEN OMW PAHN WIA MET:

• Eimah utungada sapwellimen Siohwa koasoandi ong mwomwen atail mour.—Ais 5:20

• Pousehlahte iang riatail Kristian kan kaudok.​—Ipr 10:24, 25

• Mwadang peikiong kaweid sang sapwellimen Siohwa pwihn.​—Ipr 13:17

• Doudouloale ia duwen Siohwa eh ketin kapitala sapwellime aramas akan mahso.​—2Pi 2:9

• Kapakap ong Siohwa oh likih ih.​—Mel 112:7, 8

KILANG KISIN KASDO FUTURE EVENTS THAT WILL REQUIRE COURAGE​—EXCERPT, OH MWURI SAPENGALA PEIDEK PWUKAT:

• 

  Kasongepen peik dah me sounkalohk kan lelohng ni ahnsou me arail mwomwohdiso patehng mwomwohdiso teikan?

• 

  Ia duwen atail kin kakairada eimah sang ni atail kin peik?

• 

  Dahme kahrehda kitail pahn anahne eimah ni ahnsou me Armakedon pahn leledo?

• 

  Iren Paipel dah kan me kak sewese kitail en kakehlaka atail kin pwoson me Siohwa pahn kak ketin doareikitailla?​—2Kr 20:1-24