MOMOUR NIN DUWEN KRISTIAN KEI
Pahpa Nohno kan, Padahkihong Noumwa Seri kan Dahme Ren Wia
Kitail mour nan sampah ehu me kin song kahrehiong kitail en medewe me mwahu iei suwed oh suwed me mwahu. (Ais 5:20) Kansensuwed me ekei aramas kin wia soahng kan me Siohwa ketin kalahdeki, me iangahki wiewia sohte konehng kan nanpwungen lih lih oh ohl ohl. Me pwulopwul kan nan sukuhl oh meteikan ele pahn song en kasonge neitail me pwulopwul kesempwal kan ren alasang irail. Ia duwen omw kak kaunopada noumw seri kan ren pweida ni ar lelohng soahng wet oh soangen kasongosong kan me duwehte met?
Padahkihong noumw seri kan dahme re pahn wia me pid sapwellimen Siohwa koasoandi kan. (Lip 18:3) Ekisekis padahkihong irail dahme Paipel mahsaniheki duwen wia nsenen pwopwoud. Dahme ke pahn padahkihong irail en pid arail sounpar oh dahme re kak wehwehki. (Deu 6:7) Pein idek rehmw: ‘I padahkihongehr nei seri kan duwen ahl konehng en kasalehda pepehm kan, kesempwalpen en likawih likou me konehng, oh anahnepen meteikan en wauneki ar pahn tohrohrala (privacy)? Nei seri kan ese dahme re pahn wia ma emen song en kasalehiong irail kilel de kasdo suwed de ndaiong irail ren wia mehkot me Siohwa mahsanih me suwed?’ Arail pahn ese dahme re pahn wia kak sewese irail en soikala kahpwal tohto. (Lep 27:12; Ekl 7:12) Sang ni omw kaiahne noumw seri kan, ke kin kasalehda me ke kesempwalki sohso kesempwal wet sang Siohwa.—Me 127:3.
KILANG KISIN KASDO BUILD A HOUSE THAT WILL ENDURE—SAFEGUARD YOUR CHILDREN FROM “WHAT IS EVIL,” OH MWURI SAPENGALA PEIDEK PWUKAT:
Dahme kahrehda ekei kin pweiek en padahkihong neirail seri kan duwen wia nsenen pwopwoud?
Dahme kahrehda pahpa nohno kan anahne kaiahne neirail seri kan “ni kaiahn oh kaweid en Siohwa”?—Ep 6:4
Loalokong iei mehn perehpe ehu
Dahme sapwellimen Siohwa pwihn kaunopadahr pwehn sewese pahpa nohno kan ren padahkihong neirail seri kan duwen wia nsenen pwopwoud?—w19.05 12, koakon
Dahme kahrehda ke anahne usehlahte koasoakoasoiong noumw seri kan mwohn kahpwal laud kan pwarada?