KAMWAHWIHALA OMW KOAHIEK NAN KALOHK | KALAUDEHLA OMW PEREN NAN KALOHK
Doadoahngki Neitail Mehn Roporop kan
Siohwa ketikihong kitail mehn kasukuhl kan pwe kitail en padahk ni koahiek, me duwehte kisin kasdo kan, kisin doaropwe kan, makasihn kan, kisin pwuhk kan, pwuhk kan oh neitail mehn kasukuhl keieu kesempwalo, Paipel. (2Ti 3:16) E pil ketikihda mehn roporop kan me kak sewese kitail en kawehwe iren Paipel kan. Mepwukat me iangahki Watchtower Library, JW Library® app, Watchtower ONLINE LIBRARY™, oh Sawas ong Wia Roporop en Sounkadehdehn Siohwa kan.
Ke pahn peren ni omw doadoahngki mehn kasukuhl kan koaros me mie pwe ken roporopki ire loal kan nan Paipel. Ke anahne kaiahnehda noumw tohnsukuhl kan ren ese doadoahngki mehn kasukuhl kat. Eri irail pil pahn perenki ar diarada pasapengpen arail peidek kan nan Paipel.
KILANG KISIN KASDO EXPERIENCE THE JOY OF DISCIPLE-MAKING—ACCEPT JEHOVAH’S HELP—USING RESEARCH TOOLS, OH MWURI SAPENGALA PEIDEK PWUKAT:
Ia duwen Jade eh kasalehda me e sohte kamehlele kepikipik?
Ia wasa Neeta diarada iren sawas me pid ireo?
Diarada oh ehuki ire kesempwal kan sang nan Paipel kin kaperenkitailda
Ia duwen eh pilada ire me pwungohng Jade?
Ia duwen Neeta eh paiekihda ni eh doadoahngki mehn roporop kan?