MOMOUR NIN DUWEN KRISTIAN KEI
Rapahki Sapwellimen Koht Madamadau
Kitail men kaperenda Siohwa ni soahng koaros. (Lep 27:11) Pwe kitail en wia met kitail anahne wiahda pilipil kan me kin kasalehda sapwellime madamadau mehnda ma pil sohte mie kosonned de kehkehlik sansal me pahn kaweid kitail. Dahme kak sewese kitail en wia met?
Kaukaule wia omw onop en Paipel. Ehuehu ahnsou me kitail kin wadek Paipel, e kin duwehte kitail mihmi rehn Siohwa. Kitail kak sukuhlki elen sapwellime madamadau kan ni atail kin kasawih dahme e kin ketin wiahiong sapwellime aramas akan oh ni atail kin tehk mehn kahlemeng en irail kan me kin wia me mwahu de suwed mwohn silangi. Ma kitail anahne wiahda pilipil ehu, sapwellimen Koht manaman kak katamankihong kitail mehn kasukuhl kesempwal oh ire mehlel kan me kitail sukuhlki sang Mahsen en Koht.—Soh 14:26.
Wia omw roporop. Ni ahnsou me ke anahne wiahda pilipil ehu, pein idek rehmw, ‘Mehnia iretikitik de koasoipen Paipel me kak sewese ie I en wehwehki sapwellimen Siohwa pepehm ong irair wet?’ Kapakapki sapwellimen Siohwa sawas, oh doadoahngki mehn roporop kan me mie nan omw lokaia pwehn seweseiuk diarada oh kapwaiada kaweid oh ire mehlel en Paipel kan me kak seweseiuk nan omw irair.—Me 25:4.
KILANG KISIN KASDO WE MUST “RUN WITH ENDURANCE”—EAT NUTRITIOUS FOOD, OH MWURI SAPENGALA PEIDEK PWUKAT:
Kasongosong dah kan me sister pwulopwulo kin lelohng?
Ia duwen omw kak doadoahngki mehn roporop kan pwehn seweseiuk nan soangen kasongosongo?
Ia kamwahupen doadoahngki ahnsou en roporop oh wia pein atail onop me kak sewese kitail en wiahda pilipil mwahu kan?—Ipr 5:13, 14