Ia Omw Mehn Akadei ong Pahr en Kalohk Kapw?

Mehn akadei kan kin pidada soahng koaros me kitail kin nantihong lel pwehn kalaudehla atail papah Siohwa oh kaperenda kupwure. Mehn akadei kan kin sewese kitail en wiahla Kristian koahiek oh mie katepen atail kin tounmeteikihla atail ahnsou oh kehl. (1Ti 4:15) Dahme kahrehda kitail anahne kaukaule kasawih atail mehn akadei kan? Pwehki irair kan kin wekila. Atail mehn akadei en mahs ehu kakete sohla katepe, de kitail kapwaiadahr mehn akadeio oh kak wiahda pil ehu.

Ahnsou mwahu en koasoanehdi mehn akadei iei mwohn pahr en kalohk kapw eh tepida. Ke kak koasoiapene duwen met ni ahnsoun kaudok en peneinei oh wiahda ekei mehn akadei ong emenemen oh ong peneinei pwon?

Ia omw mehn akadei me pid mepwukat, oh dahme ke pilahn en wia pwe ken lel mehn akadei pwukat?