Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • wp21 No. 1 pp. 14-15
  • Dahme Kapakap Kak Wiahiong Uhk

Sohte kasdo ong met

Kupwurmahk, mehkot sapwung en kihda kasdo

  • Dahme Kapakap Kak Wiahiong Uhk
  • Kahn Iroir Pakpakairki Wehin Siohwa (Ong Wehipokon)—2021
  • Ire kan me Duwehte Met
  • Kapakap​—Ia Duwen Met Eh Kak Sewese Iuk
    Kahn Iroir Pakpakairki Wehin Siohwa—2015
  • Karanih Koht ni Kapakap
    Dahme Paipel Uhdahn Padahngki?
  • Pwais Kaselel en Kapakap
    Dahme Paipel Kak Padahkihong Kitail?
  • Karanihala Koht Sang ni Kapakap
    Pereperenki Mour Kohkohlahte!​—Koasoiapene Duwen Paipel
Kilang Pil Ekei
Kahn Iroir Pakpakairki Wehin Siohwa (Ong Wehipokon)—2021
wp21 No. 1 pp. 14-15

Dahme Kapakap Kak Wiahiong Uhk

Pamela ahnekihda soumwahu laud ehu, ih eri kohla rapahki sawas sang palien wini. Ahpw, e pil kin kapakapki kehl sang rehn Koht pwehn dadaur pahn eh kahpwal. Ia duwe, kapakap sewese ih?

Pamela kawehwehda: “Erein ei kin ale sawas en wini ong ei kansero, I kin kalapw masak. Ahpw ni ahnsou me I kin kapakap ong Siohwa Koht, I kin meleileidi oh kakehr apwalih ei irairo. I kin ahnekihte medek, ahpw kapakap kin sewese ie en ahneki madamadau toupahrek ong ei irairo. Ni aramas ar kin idek rehi ia irei, I kin nda, ‘I soumwahu, ahpw I peren!’”

Mehlel, kitail sohte anahne awih lao kitail ahnekihda soumwahu laud de kahpwal laud ehu, kitail ahpw kapakap. Kitail koaros kin lelohng kahpwal kan, mehnda ma laud oh tikitik, oh kitail kin kalapw pehm me kitail anahne sawas pwe kitail en dadaurete. Ia duwe, kapakap kak sawas?

Paipel mahsanih: “Mweidohng KAUN-O omw kahpwal akan, eri e pahn ketin doareiukala; pwe e sohte kin ketin mweidohng me lelepek kan en lohdi.” (Melkahka 55:22) Ia uwen madamadau wet eh kansenamwahu! Eri, ia duwen kapakap eh kak seweseiuk? Ni omw pahn kapakap ong Koht ni ahl me pwung, e pahn ketikihong uhk dahme ke anahne pwe ken kak dadaur pahn omw kahpwal kan.​—Menlau kilang koakon “Dahme Kapakap Kak Wadohng Uhk.”

Dahme Kapakap Kak Wadohng Uhk

Madamadau meleilei

Ohl en mwoweo me kin doadoahk nan pesines me sohla eh doadoahko, sinsirei oh alialu kohwei.

“Kumwail en peki rehn Koht sawas; . . . oh sapwellimen Koht popohl me inenen siksang madamadau en aramas koaros pahn pere amwail mohngiong oh amwail kehl en madamadau pwehki Krais Sises.” (Pilipai 4:6, 7) Ni omw pahn patohwanohng Koht omw pwunod akan koaros, e pahn ketin seweseiuk ken kolokol omw meleilei oh mwekid ni loalokong mehnda ma ke pwunod laud.

Erpit sang Koht

Lih me mwoweo e kin wadek kapakap kan sang nan pwuhk ehu, wadewadek nah Paipel ni imweo.

“Ma emen rehmwail sohte ahneki erpit, a en usehlahte pekipeki rehn Koht, pwe e kin ketin sapankihong aramas koaros erpit oh e sohte kin ketin rapahki sapwung, oh erpit pahn kohieng aramaso.” (Seims 1:5) Ni ahnsou me kitail kin pwunod laud, kitail kin ekei pak wiahda pilipil suwed kan. Ma ke kapakapki erpit, Koht pahn ketin katamankihong uhk kaweid mwahu tohto me kileldi nan sapwellime Mahsen, Paipel.

Kehl oh nsenamwahu

Pwopwoud me mwoweo ira mihmi nan imwen wini ehu, alialu nan wasahn mwemweit ehu. Ni keneinei ohlo sewese eh pwoudo ni eh doadoahngki sokon pwoat.

“I kakohng mehkoaros pwehki I ahneki kehl sang rehn me ketikihong ie manaman.” (Pilipai 4:13) Pwehki Siohwa iei Koht me Keieu Manaman, e kak ketikihong uhk kehl me ke anahne pwehn dadaur pahn omw kahpwal kan de en kakehlaiuk erein omw kahpwal kan. (Aiseia 40:29) Paipel pil kin kahdaneki Siohwa “Koht en kansenamwahu koaros.” E kak ketin kansenamwahwihkitailla “nan atail kahpwal koaros.”​—2 Korint 1:3, 4.

KE PAHN PAIEKIHDA?

Mehlel, Siohwa sohte ketin iding uhk ken kapakap ong ih. Ahpw ni limpoak, e kin ketin lukeiuk ken wia met. (Seremaia 29:11, 12) Ahpw ia duwen ma mahso ke kin medewe me omw kapakap kan sohte kin pasapengla? Dehr mworusala. Pahpa nohno limpoak kan ele sohte kin sewese neirail seri kan ni ahl ehu de ni ahnsowohte me neirail seri kan kin kasik. Mwein ele pahpa nohno kan ese dahme pahn keieu mwahu. Ahpw me uhdahn mehlel: Iei pahpa nohno limpoak kan kin sewese neirail seri kan.

Siohwa Koht iei Sahm men me keieu limpoak oh e ketin kupwurki seweseiuk. Ma ke tehk mwahu kaweid kan me kitail koasoiapenehr oh wia uwen omw kak en kapwaiada, Koht pahn ketin sapeng omw kapakap kan ni ahl me keieu mwahu!​—Melkahka 34:15; Madiu 7:7-11.

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share