Sawas ong Onop

Wadlikihala Atail “Koul Sarawi” kan

“Ni ei kin uhdahn nsensuwedla oh pehm me sohte katepei, Siohwa kin ketin kangoange ie sang ni eh ketin doadoahngki koul kan nan JW Broadcasting^®.”—Lorraine, U.S.A.

Kristian kan kin ahnsou koaros koulki “koul sarawi” kan pwehn kapinga Koht. (Kol. 3:16) Ma ke wadlikihala koul pwukat, e kak seweseiuk pil ni ahnsou kan me sohte pwuhken koul, sehlpwohn de tablet ape mi rehmw. Idawehn iren sawas kan me kileldi pah pwehn seweseiuk wadlikihala ekei koul.

• Wadek mwahu lokaia kan nan koulo pwehn wehwehkihla. Ma ke kin wehwehkihla mwahu wehwehn ire ehu, e kin mengei en tamataman. Lepin lokaia kan nan atail koul kan koaros, iangahki original songs oh koul ong seri kan, mi nan jw.org. Pahnangin wasa me nda Library, kohla Music.

• Ntingihedi nan doaropwe lepin lokaia kan nan koulo. Met pahn sewese kalaudehla omw taman lokaia ko.—Deud. 17:18.

• Praktis ni ngihl laud. Pwurupwurehng wadek de koulki koulo.

• Song ma ke taman lokaia ko. Dehr kilang doaropweo ahpw song en tamanda lepin lokaia kan nan koulo, oh mwuhr tehk nan doaropweo ia uwen me ke esehlahr.