SAWAS ONG ONOP

Paiekihda Marginal Reference kan

Nan New World Translation of the Holy Scriptures, lepin nting tikitik me kin mihte limwahn lepin lokaia ehu nan iretikitik kan (marginal reference) kin kasalehda duwen audepen Paipel eh pwungpene sang ni eh kilelehdi iren Paipel teikan me pahrekpene. Pwehn diar marginal reference kan, rapahki lepin nting tikitik kan me kin kileldi limwahn lepin lokaia ehu. Ma ke kin doadoahngki Paipel me ntingdi nan pwuhk, rapahki lepin nting ko nan kisin kakon me kileldi nanwerengen pwuhko pwehn kilang iren Paipel teikan me pahrekiong ireo. Nan jw.org de nan JW Library^® app, padik lepin ntingo limwahn lepin lokaia ehu pwehn kasalehda iren Paipel teikan me dokedoke ireo.

Marginal reference kak seweseiuk en kilang:

Pahrekpenehn koasoipen mwekid ehu: Reference kan kin kasalehda wasa kan nan Paipel me kin koasoia duwen mwekid ehute. Karasepe, menlau kilang 2 Samuel 24:1 oh 1 Kronikel 21:1.

Dahme iren Paipelo mahsanih: Reference kan kin kasalehda ia wasa mahsen kan nan ehu iretikitik tepin ntingdi ie. Karasepe, menlau kilang Madiu 4:4 oh Deuderonomi 8:3.

Pweidahn kokohp: Reference kan kin kadokepene kokohp ehu oh pweidahn kokohpo. Karasepe, menlau kilang Madiu 21:5 oh Sekaraia 9:9.