Social Media Kin Kauwehla Noumw Seri kan?—Paipel Kak Sewese Pahpa Nohno kan

“Me pwulopwul tohto ahneki kahpwal en roson en madamadau, met kin kapwunode aramas akan, oh se esehda me kahrepen kahpwal wet me keieu laud iei social media.”—Dr. Vivek Murthy, U.S. surgeon general, New York Times, June 17, 2024.

Ia duwen pahpa nohno kan ar kak pere neirail seri kan sang keperpen social media? Paipel kin kihda kaweid mwahu kan.

Dahme pahpa nohno kak wia

Tehk kaweid pwukat nan Paipel

“Aramas loalokong kin kanahieng arail kahk koaros.”—Lepin Padahk 14:15.

Pwehki mie keperpen social media, ke anahne medewe ma ke pahn mweidohng noumw seri kan en doadoahngki social media de soh. Mwohn omw mweidohng noumw seri en doadoahngki social media, tehkada mahs ma e kak idawehn omw koasoandi ong uwen ahnsou me e kak doadoahngki social media, oh pilada kompoakepah mwahu kan oh sohte kilang mehkan me sohte konehng.

• Pwehn kalaudehla omw ese met, wadek oaralap kan “Should My Child Use Social Media?” oh “Teaching Your Teenager Social Media Safety.”

“Kumwail doadoahngki mwahu amwail ahnsou.”—Episos 5:16.

Ma ke mweidohng noumw seri en doadoahngki social media, wiahda koasoandi kan duwen doadoahngki social media, oh kawehwehiong ih kamwahupen koasoandi pwukat. Tehk kanahieng mwomwen noumw seri, ma eh wiewia kan wekila oh suwedla, ke anahne katikala eh ahnsou en doadoahngki social media.

• Doadoahngki kisin kasdo Be Social-Network Smart pwehn sewese noumw seri en wehwehki kahrepen omw wiahda koasoandi en doadoahngki social media.

Kalaudehla omw ese

Paipel kin mahsanih me kitail kin momour nan “ahnsou apwal oh keper.” (2 Timoty 3:1-5) Ni ahnsowohte e kin kihda kaweid mwahu me kak sewese kitail. Mie ire oh kisin kasdo meh 20 samwa me poahsoankihda Paipel, me wiawihda ong pahpa nohno kan oh neirail seri kan. Mepwukat kak dierek nan ire wet roson en madamadau en me pwulopwul kan (teenage).