Nting tikitik kan me mi pah

a  The Watchtower pak ehu kosoia ire mehlel wet: “Kitail endehr doadoahngkihla mwahl mour wet ong mehkan me soh katepe . . . Ma ihte mour en met, eri sohte mehkot me kesemwpwal. Mour wet duwehte umpwei ehu me kin pihrda nanleng me mwuri pil pwurehng pwupwudiohng nan pwehl. E duwehte mwete ehu, de wahnrohs ehu me sohla linge, de tehn dihpw me pahn lopedi oh mwadang mengla. . . . Ong ni ahnsou soutuk, uwen reirei en atail mour kin wia kisin mwahi ehu. Nan ireirekdohn ahnsou e sohte wia dingiding ehu. Ni mehlel [Solomon] me pwung ni ah kasawih mehkan oh wiewia kan nan mour me aramas tohto kin insenohki oh kasalehda me mepwukat sohte katepe. Kitail kin mwadang sohla likamwete kitail sohte mie, emen sang nanpwungen me dep kan me kohdo oh kohkohla, oh me malaulau ese me kitail mihmih wasaht. Mehlel en mepwukat kaidehn pwehn kihda lamalam en mwamwahleki wiewiahn meteikan de wia mehkot kansensuwed de pwehki se perenki kosoia mehkan me suwed. Met me mehlel, ire ehu me kitail anahne tehk, lamalam ehu me mie katepe, ma ihte mour en met.”​—Oahkos 1, 1957, pali 472.