Melkahka kan
ל [Lamed]
10 Maing Siohwa, dahme kahrehda komw ketin uh dohwei?
Dahme kahrehda komw ketin karirihkomwihla ni ahnsou apwal akan?+
2 Me suwed men kin pwakih me sohte sawasepe ni aklapalap,+
Ahpw e pahn lohdi nan pilahn mwersuwed kan me e kin wiahda.+
3 Pwe me suwed men kin suweiki duwen eh ineng roporop kan+
Oh e kin kapaia me noahrok men;*
נ [Nun]
E kin mwamwahliki Siohwa.
4 Nan eh aklapalap, me suwed men sohte kin kasawih mehkot;
Ahnsou koaros e kin medemedewe: “Sohte Koht.”+
5 E kin pweida ni soahng kan me e kin wia,+
Ahpw e sohte kak dehdehki omwi kadeik kan;+
E kin kepitki* eh imwintihti kan koaros.
6 E kin nda nan eh mohngiong: “I sohte mwahn pahn rerada;*
Sang ehu dih lel ehu dih
I sohte mwahn pahn kilang kahpwal.”+
פ [Pe]
8 E kin rukuruk limwahn wasahn kousoan kan;
Sang eh wasahn rukula e kin kemehla me soh dipe men.+
ע [Ayin]
Mese kan kin mwasamwasahn pwehn koledi emen.+
9 E kin ewieu nan eh wasahn ruk rasehng laion men me mi nan dewe.*+
E kin awiawih pwehn koledi emen me sohte sawasepe.
E kin koledi me sohte sawasepe ni eh kin waikpene eh uhko.+
10 Me sohte sawasepe kin mwutpene oh pwupwudi nanpwel;
Me luwet kan kin pwupwudiong nan peh kan.*
11 Me suwed men kin ndinda nan eh mohngiong: “Koht ketin melielahr.+
E sohte kin ketin nsenohki.*
E sohte kin ketin mahsanih.”+
ק [Qoph]
12 Maing Siohwa, komw ketida.+ Maing Koht, komw ketin kapahda nin limomwi.+
Komw dehr ketin meliehla me sohte sawasepe kan.+
13 Dahme kahrehda me suwed men kin mwamwahliki Koht?
E kin ndinda nan eh mohngiong: “Komw sohte pahn kapwukoahkin ie.”
ר [Resh]
14 Ahpw komw kin ketin mahsanih kahpwal oh lokolok.
Komw kin ketin tehk oh apwalihala apwal akan.+
ש [Shin]
15 Komw ketin katimpeseng pehn me suwedo,+
Pwe ni omw pahn ketin rapahki eh wiewia suwed,
Komw sohla pahn diar.
16 Siohwa iei me Nanmwarki kohkohlahte.+
Wehi kan sohrasangehr nin sampah.+
ת [Taw]
17 Ahpw Maing Siohwa, komw pahn ketin karonge pekipek en me opampap kan.+
Komw pahn ketin kakehlahda ar mohngiong kan+ oh ketin karonge irail ni keneinei.+