Koulen Kohkohdalahng ni Kahnimwo.
121 I kin saradahng nahna kan.+
Ia wasa me sawasepei pahn kohdo sang ie?
2 Sawasepei kin kohsang rehn Siohwa,+
Sounwiepen nanleng oh sampah.
3 E sohte mwahn pahn ketin mweidohng nehmwen en kiris.+
Silepomwo sohte mwahn pahn ketin lislisoi.
4 Kilang! Silepen Israel
Sohte mwahn pahn ketin lisoi de pil seimwok.+
5 Siohwa kin ketin sinsileiuk.
Siohwa me wia perepomw+ ni pehmw palimaun.+
6 Ketipin sohte pahn kauweiukala nin rahn,+
De maram nipwong.+
7 Siohwa pahn ketin silehsang uhk soahng keper kan koaros.+
E pahn ketin sinsile omw mour.+
8 Siohwa pahn ketin sinsileiuk ni mehkoaros me ke kin wia
Sang met oh pil kohkohlahte.