-
Uhpah Ni Lelepek Sapwellimen Koht KaundaKahn Iroir—2003 | July 1
-
-
13. (a) Dahme kahrehda e kasalehda aklapalap ni ahnsou ma irail me kin uhwong akan pahn wia meirong en warpwohmwahu kan ong Siohwa? (b) Ia mwomwen en Siohwa mwekid ong irail me uhwong kan?
13 Nan Kosonned en Koht, irail samworo kante me pahn kihda warpwohmwahu kan. Ma emen me sohte wia samworo ahpw iang isik warpwohmwahu, soangen mwekidete kak pil kamwekid lamalam en irail soun uhwong kan. (Eksodus 30:7; Nempe 4:16) Ahpw, met sohte kamwekid de kapwungala lamalam en Kora oh ienge kan! Rahn mwurio, e “kapokonepene pokono, irail ahpw uh sohpeiong Moses oh Aaron ni wenihmwen Impwalo.” E ntingihdi wasaht: “Kauno [“Siohwa,” NW] eri mahsanih ong Moses oh Aaron: ‘Kumwa keiweisang rehn aramas pwukat, pwe I pahn mwadang kamwomwirailla.’ ” Ahpw, Moses oh Aaron peki rehn Koht en dehr kihsang mour en aramas ako. Siohwa karonge ara pekipek. Ahpw, me pid Kora oh ienge ko, “Kauno [“Siohwa,” NW] ahpw ketin kadaridi kisiniei me kamwasikahla aramas 250 me meirongki warpwohmwahu.”—Nempe 16:19-22, 35.c
-
-
Uhpah Ni Lelepek Sapwellimen Koht KaundaKahn Iroir—2003 | July 1
-
-
c Mwohn Kosonnedo kokouda, emenemen moangen peneinei kin wiliandi eh pwoud oh nah seri kan pil ni ahnsoun wiahda meirong kan ong Koht. (Senesis 8:20; 46:1; Sohp 1:5) Ahpw, ni Kosonnedo kokouda, Siohwa koasoanehdi me irail ohl akan sang ni peneinei en Aaron me pahn uhd pwukoahki meirong kan. Irail meh 250 me uhwong ko sansal me irail sohte men kapwaiada koasoandi wet.
-