4-6. Iaduwen Siohwa kin wia “atail wasahn kousoan”?

⁴ Sounmelkahkaho tepikihda lepin lokaia pwukat: “Maing Siohwa, komwi kin wia aht wasahn kousoan ahnsou koaros. Mwohn nahna kan ar wiawihda, mwohn omwi ketin kapikada sampah, komwi Koht poatopoat emen, oh pahn wia Koht kohkohlahte.”​—Melkahka 90:1, 2, footnote, NW.

7. Dahme kahrehda sounmelkahkao koasoia me nahna kan “ipwidiher” oh sampah me wiawihda kin rasehng “medek en neitik”?

⁷ Mwohn nahna kan ar wiawihda, oh mwohn sampah pil wiawihda, Siohwa ketiketier. Sang ni madamadau en aramas me pid wiawihdahn sampah oh wiepe kan me duwehte audepen nan pwehl kan oh iangahki soahng kan me sohte wehwe mwahu, mepwukat koaros wia mehkan me apwal ni wiepahr kan. Ni ahnsou me sounmelkahkao koasoia duwen nahna kan me “ipwidier” oh sampah me wiawihda kin rasehng “medek en neitik,” e kin kasalehda wahu ong Siohwa pwehki doadoahk laud me E ketin wia ni E ketin kapikada mehpwukat koaros. Eri, e sohte konehng kitail en pil kasalehda soangen wahuohte oh kalahngan ong Siohwa pwehki doadoahk kaselel kan me E ketin wiahda?

Siohwa Kin Ketin Sewese Kitail Ahnsou Koaros

8. Ia wehwehn mahsen pwukat me Siohwa pahn wia Koht “kohkohlahte”?

⁸ Sounmelkakaho koulki: “Komwi Koht poatopoat emen, oh pahn wia Koht kohkohlahte.” “Kohkohlahte” pil kak wehwehki mehkan me pahn kak tokedi ahpw e sohte dehde ahnsou dah me e pahn tokedi. (Eksodus 31:16, 17; Ipru 9:15) Nan Melkahka 90:2 oh pil nan iren Paipel teikan ni palien Pwuhk Sarawi ni lokaiahn Ipru, “kohkohlahte” kin wehwehki “sohte imwi.” (Eklesiasdes 1:4) Mehlel, kitail sohte kak wehwehki iaduwen Koht kin ketiket te sang mwohn tepin kawa. Ahpw, Siohwa sohte tepi oh sohte imwi. (Apakuk 1:12) E kin ieias oh kin ketin sewese kitail ahnsou koaros.