9. Sounmelkahkao mahsanih me mouren aramas erein sounpar kid rasehng dah?

⁹ Sounmelkakaho mwekidki ngehn sarawi oh kapahrekpene mouren aramas erein sounpar kid me rasehng ahnsou mwotomwot ehu ong Sounkapikadao soutuk. Ni sounmelkahkao kapakap ong Koht, e ntingihdi met: “Komw ketin kilelehiong aramas akan pwe re en pwurelahng mehkan me kin mwerpeseng. Pwe mwohn silangomwi pahr kid rasehng rahn teieu, duwehte aio, me samwalahr, rasehng ahnsou mwotomwot kis nipwong.”​—Melkahka 90:3, 4, NW.

11. Dahme kahrehda kitail kak ndahki me ahnsou reirei ong kitail kin wia ahnsou mwotomwot ong Koht?

¹¹ Medusala, me mahkier sounpar 969, mourki ahnsou ehu me mwotomwot sang rahn ehu rehn Siohwa. (Senesis 5:27) Mwohn silangen Koht, sounpar kid rasehng rahn teieu​—⁠mwomwen ihte ahnsou ehu me kin reireiki aua 24. Sounmelkahkao pil kawehwehda me mwohn silangen Koht sounpar kid kin rasehng sounsilasil men me kin sinsile kahnimwpwalo ni aua pahieu. (Sounkopwung 7:19) Eri, e sansal me ong kitail, aramas akan, ahnsou reirei ehu kin wia ahnsou mwotomwot ong Koht soutuk, Siohwa.