8. Ia duwen me ahpwtehn pwosonla ko ni Pendekos ar kasalehda me re pohnese ni sansal koasoandi me Krais ketin doadoahngki?

⁸ Sang ni Pendekos pahr 33, Krais me kaiasadahro ketin doadoahngki koasoandi ehu pwe sapwellime wahnpoaron ko en kamwenge sapwellime tohnpadahk me keidi teikan. (Wadek Wiewia 2:41, 42.) Koasoandi wet kin sansal ong Kristian me keidi kan me kohsang mehn Suhs kan oh mehn liki kan me wekiongehr pelien lamalam en mehn Suhs. Re sohte peikasal oh “re kin poadidiong ale padahk sang rehn wahnpoaron ko.” Me ahpwtehn pwosonla ko uhdahn men esehla padahk mehlel rasehng re duhpekla, oh re ese wasa re pahn ale ie. Ni loalopwoat, re kamehlele me wahnpoaron ko me pahn kawehwehda sapwellimen Sises mahsen kan oh wiewia kan, oh kamarainihekin irail wehwehn iren Paipel kan me pid Sises.c​—Wiewia 2:22-36.