-
“Omw Mwahu en Powehdi me Suwed” ni Omw Kaunda Omw LingeringerKahn Iroir Pakpakairki Wehin Siohwa—2010
-
-
10. Soangen madamadau dahieu me Kristian kan anahne kasalehda me pid dupungki me suwed?
10 Dahme wiawi rehn Simion oh Lipai oh pil nanpwungen Depit oh Apikail kasalehda ni sansal me Siohwa kin ketin uhwong irail kan me sohte kak powehdi ar lingeringer oh tiahk lemei, ahpw e kin ketin kapaiada irail akan me kin nantihong kahrehda popohl. Wahnpoaron Pohl ntingihedi: “Kumwail wia uwen amwail kak pwe kumwail en ahneki popohl rehn aramas koaros. Eri, riei ko, kumwail dehr pein dupuk, ahpw kumwail mweidohng engieng en Koht en doadoahk. Pwe Pwuhk Sarawi mahsanih, ‘Kaun-o ketin mahsanih, ngehi me pahn dupuk, ngehi me pahn ikih.’ Oh Pwuhk Sarawi pil mahsanih, ‘Ma omw imwintihti men men mwengedahr, eri, kamwenge; ma e men nimpildahr, eri, kanampile; pwe ma ke pahn wia met, ke pahn [“koasoakehda,” NW] mwoalus mwehl pohn moange.’ Eri, dehr mweidohng me suwed en poweiukedi, ahpw omw mwahu en powehdi me suwed.”—Rom 12:18-21.a
-
-
“Omw Mwahu en Powehdi me Suwed” ni Omw Kaunda Omw LingeringerKahn Iroir Pakpakairki Wehin Siohwa—2010
-
-
a “Mwoalus mwehl” iei lepin lokaia ehu me kin kadoadoahk mahsie ong wiepen kapeipeseng soangen takai ehu me kin kohsang nanpwel. Met sang ni arail kin toukada mwoalus karakar powe oh pahn takaio pwehn katohrehsang mete kesempwal kan ni takaio. Atail kin kasalehda kadek ong irail kan me sohte kin kadek kak kamwahwihala loalarail oh kapwarehda arail irair mwahu kan.
-