Sang nan pahro kohdo, Tepilo ese me eh ahnsou mwohn e pahn kasohrala mwotomwotalahr. Mendahki ‘sampah unsek mi pahn eh manaman,’ aramas rar kei rahnwet solahr mweidohng ih en pitih oh kaunda irail. Paipel sewese irail ren wehwehki duwen ihs ih oh eh koasoandi kan. (2 Korint 2:11) Irail kin koapworopworki dahme Pohl ndaiong ienge Kristian kan: “Koht, me tepin atail popohl, pahn mwadang kamwutepene Sehdan pahn nehmwail kan.”b​—Rom 16:20.