Video Cassette Ehu me Pahn Kamarainih oh Kamwekid Uhk!
Mwekid wet wiawi nan pahr April 1951. Irail kihpene Sounkadehdehn Siohwa tohto nan Soviet Union en mahs—tohnpeneinei koaros—oh kihong irail nan werennansahpw, oh kadaralahng Siberia. Dahme kahrehda wehi kehlail Soviet Union men kausesang irail Sounkadehdehn Siohwa kan? Iaduwen riatail brother oh sister kan dadaurete oh kehlailte ni pali ngehn mendahki kalokolok wet wiawi erein sounpahr tohto? Ke pahn diar pasapengpen peidek pwukat nan video cassette me oaralap koasoia “Faithful Under Trials—Jehovah’s Witnesses in the Soviet Union.” Menlau kilang video cassette wet, oh mweidohng audepe en kamwekid uhk en lelepek ong Siohwa mendahki kahpwal sohte lipilipil pahn lelohng uhk!
Ke kak sapeng peidek pwukat? (1) Iahd me Sounkadehdehn Siohwa kan ale kamanaman sang wehin Russia? (2) Mwohn oh mwurin Mahwen Keriau en Sampah, dahme kahrehda peneinei en Sounkadehde kan tohtohla nan Soviet Union? (3) Iaduwen dahme Sounkadehde kin kamehlele weksang dahme Lenin kin kamehlele? (4) Dahkot “Operation North,” oh dahme Stalin koapworopworki pahn wiawi pwehki met? (5) Dahme wiawi ahnsou me Sounkadehde kan kalipilipala, oh dahme irail ndaiong Sounkadehde kan en wia pwe ren pitsang kalipilipala? (6) Ni ahnsou me riatail brother oh sister kan mihmi nan kisa ahnsou werei kohkohlahng Siberia, iaduwen irail kangoange emenemen irail oh dahme re wia me kahrehong irail me koledi irail en pwuriamweikihla? (7) Soangen kahpwal dah kan Sounkadehde kan lelohng oh powehdi ahnsou me irail mihmi nan Siberia? (8) Soangen kisakis en pali ngehn dahieu me sapwellimen Siohwa aramas akan kesempwaliki, oh dahme kahrehda? (9) Dahme kahrehda riatail brother oh sister kan nseneki tohnmeteiki arail mour pwe pwuhk kan en kak kohpeseng nanpwungarail, oh iaduwen irail powehdi kahpwal akan me pwarada ahnsou me kaunen wehi kan kin nantihong kauhdi kihseli en pwuhk kan? (10) Iaduwen Khrushchev kin pousehla arail uhwong sapwellimen Koht aramas akan? (11) Iaduwen kaunen wehi kan song en kauwehla pwoson en irail nein Sounkadehde seri kan? (12) Dahme riatail brother oh sister kan wehwehki duwen kahrepe me uhwong lelohng irail? (Pwuhken Pahr en 2002, pali 203-204) (13) Iaduwen uhwong laud me aramas akan wia ong Sounkadehde kan mwomwen sohte pweida ahpw uhd lelohng pein irail? (Pwuhken Pahr en 2002, pali 220-221) (14) Dahme wiawi nan Soviet Union en mahs me Sounkadehde sohte lemeleme kak wiawi ahpw irail wiawi duwehte ouraman me pweida? (15) Dahme wiawi me sewese riatail brother oh sister kan en dadaurete mendahki kasongosong laud kan me lelohng irail, oh iaduwen kaimwiseklahn kilel nan video cassette wet kasalehda me Seremaia 1:19 me mehlel? (16) Ke kak koasoia duwen ekspiriens en emen me uhdahn momour me lelepek mendahki e lelohng kasongosong oh iaduwen ekspiriens wet kamwekid uhk.