Pali 7: Wia Onop en Paipel Rehn Aramas akan ni Ahl me Pahn Sewese Irail en Kekeirada Mwahu

Kapakap Ni Ahnsoun Onop

1. (a) Dahme kahrehda e konehng ahnsoun onop Paipel rehn aramas akan en tepikihda oh imwikihla kapakap? (b) Mehnia iren Paipel kan kitail kak doadoahngki pwehn kasalehiong aramas me kitail kin onop Paipel rehrail duwen kesempwalpen kapakap?

¹ Ma tohnsukuhl en Paipel kan men kekeirada ni pali ngehn, re anahne sapwellimen Siohwa kapai kan. (1 Kor. 3:6) Ihme kahrehda, e konehng ahnsoun onop en tepikihda oh imwikihla kapakap. Pali laud en ahnsou, kitail kak kapakap ni tepin atail onop rehn irail akan me kin poadidiong palien sarawi. Ahpw, ong pil ekei aramas, kitail anahne wehwehki ahnsou me konehng pwehn kak tepida kapakap. Ke kak doadoahngki Melkahka 25:​4, 5 oh 1 Sohn 5:​14 pwehn sewese tohnsukuhlo en wehwehki dahme kahrehda kitail anahne kapakap oh ke kak pil doadoahngki Sohn 15:16 pwehn kasalehda kesempwalpen atail kapakap ong Siohwa ni mwaren Sises Krais.

2. Ma emen brother me papidaislahr de emen brother me wia sounkalohk ahpw saikinte papidais pahn iang emen sister onop, ihs me pahn kapakap ahnsoun onopo?

² Ihs me kak kapakap ni ahnsoun onop Paipel? Ma emen brother me papidaislahr kin iang emen sister onop, brothero me pahn kapakap, ahpw sistero pahn wia onop oh e anahne doadoahngki koaduhpwel. (1 Kor. 11:​5, 10) Ni pali teio, ma emen brother me wia sounkalohk me saikinte papidais pahn iang emen sister onop, sistero me pahn kapakap. Ni soangen ahnsou kan, sistero pahn doadoahngki koaduhpwel ni ahnsoun kapakap oh pil ni ahnsou me e pahn wia onopo.

3. Soangen ire konehng dah kan me kitail kak kasalehda nan atail kapakap kan me kitail kin wia ni ahnsou me kitail kin onop Paipel rehn aramas akan?

³ Dahme Pahn Wia Audepen Atail Kapakap: Kapakap kan ni ahnsoun onop sohte anahne reirei, ahpw e kesempwal kapakap kan en oaritik. Likin atail peki sapwellimen Koht sawas ni ahnsoun atail onop oh pil atail kalahnganki padahk mehlel me kitail sukuhliki, e konehng kitail en kapinga Siohwa pwehki Ih me wia Utupen kaweid mwahu. (Aiseia 54:13) Kitail pil kak kapataiong oh kasalehda me kitail kin nsenohki kekeiradahn tohnsukuhlo oh kitail pil kak kasalehda atail kalahnganki pwihn sansal me Siohwa kin ketin doadoahngki. (1 Des. 1:​2, 3; 2:​7, 8) Ni atail kin kapakapki Siohwa en ketin kapaiada ahn tohnsukuhlo ah kin nanti pwehn doadoahngki dahme e sukuhliki, met pahn sewese tohnsukuhlo en wehwehki kesempwalpen ‘kapwaiada mahsen en Koht.’​—Seims 1:​22.

4. Soangen kapai dah kan me kak kohsang tepikihda oh imwikihla kapakap ni atail kin onop Paipel rehn aramas akan?

⁴ Kapai tohto kin kohsang kapakap ni ahnsoun onop. E kin wahdo sapwellimen Koht kapai kan. (Luk 11:13) E kin kasalehda kesempwalpen onop Mahsen en Koht. Nin doken tohnsukuhlo ah pahn rongorong ahmw kapakap, pein ih pahn pil sukuhliki iaduwen ah pahn wia kapakap. (Luk 6:​40) Oh pil, kapakap kan me kin kohsang mohngiong me diren limpoak ong Koht oh diren kalahnganki sapwellime irair kaselel kan pahn kak sewese tohnsukuhlo en kekeirada ah nanpwung mwahu rehn Siohwa.

Dahme Kitail Kak Koasoia Duwen Makisihn kan

KAHN IROIR

PAKPAKAIRKI WEHIN SIOHWA

March 2005

“Aramas tohto rong duwen Rud sang nan Paipel. E wia mehn kahlemeng mwahu en loalopwoat. [Wadek Rud 1:16] Ke men kompoakepahnki emen me loalopwoat duwehte Rud? [Mweidohng en sapeng.] Makisihn wet kin kawehwehda iaduwen kitail kak ale kapai kan sang Koht ma kitail pahn kahlemengih Rud. Nin duwen me sansalda ni pali 2 en makisihn wet, aramas kin kihda arail sawas pwehn utungada doadoahk en kalohk wet. Ma ke men kihda ahmw kisin sawas pwehn sewese doadoahk en kalohk, se pahn perenki ale.”

The Watchtower Mar. 15

“Aramas wasa koaros nan sampah kin kapinga sapwellimen Sises padahk kan. [Wadek dahme ntingdi ni pali 3, parakrap 1.] Ahpw, ke lemeleme padahk pwukat, duwehte me kileledi nan iren Paipel wet, kin mwahu ong kitail pil rahnwet? [Wadek Madiu 5:​21, 22a. Mwuri, mweidohng en sapeng.] Makisihn wet kin kasalehda dahme Sises kin padahki oh iaduwen kitail kak paikihda sang sapwellime padahk kan.”

Awake! Mar. 22

“Aramas tohto kin linganki nahna kan pwehki ahr lingan, ahpw ke wehwehki me nahna kan kin wia mehkot kesempwal ong mour pohn sampah? [Mweidohng en sapeng.] Makisihn wet kin kawehwehda dahme kahrehda kitail anahne nahna kan oh pil dahme wiawiong nahna kan rahnwet. E pil kin kasalehda iaduwen Sounkapikpatail pahn apwalih nahna kan.” Wadek Melkahka 95:4.