Koul 89 (201)

Iang Sapwellimen Koht Wehi Pereperen

(Melkahka 106:5)

1. Sang aht ‘doahk en lohki Wehin Koht,

Ohng koaros kitail pek’peki:

‘Kohdo rong padahk en Paipel,

Pwe Rohng mehlel en Wehin Koht en lel uhk.’

Koht kin luhke koaros

Sang nan koasoandi suwed wet

Ohng kapai me pahn kaperen,

Nan sampah kapw me E pahn ket’kihdo.

(Chorus)

2. Tehk! Mie “Wehi Sarawi” ieu

Me Siohwa Koht kauwadahr

Towe ko kin inoukihda,

Ren kalohkiseli rohng en komour.

Koht pahn ketin pwungki

Ma atail mwekid me kin pwung,

Alasang Krais iei aht Soundoar;

Atail keid en dehr wetsang elen Koht.

(Chorus)

3. Nan sahpw mwahu oh maledek ieu,

Sohte pei oh nsensuwed,

Kilang! Pwihn peren oh polaul

Nan doadoahk en Koht re me idipek.

Re solahr kin pahtou.

Padahk en Koht met re ngoangki,

Mahsen en Koht re doadoahngki,

Oh mware irail kin kasarawi.

(CHORUS)

Kohdo kumwail oh peren!

Ngis’ngiski ahn Koht Wehi

Ki rohng en komour wet me nohn mwahu.

Poar’di sang Koht mwohn mwoale.

Alehda ah kaudok.

Utungada sapwellime Wehio.