Sewese me Kapw kan en Kekeirda
1 Irail kan me ahpwtehn tepida mourki mouren Kristian anahne sawas oh kaiahn sang rehn irail kan me arail pwoson kehlail. (Rom 15:1) Ihme kahrehda nan nah kisinlikou ong mehn Ipru kan, Pohl kasalehda ire kan me Kristian akan anahne kamwahwihala pwe irail en kekeirda. Ia ekei ire pwukat, oh ia duwen kitail kak sewesehki me kapw kan?
2 Pein Onop Paipel: Duwehte Pohl koasoia, en wia tohnsukuhl mwahu men kin pidada en rong kanahieng, pwurehng katamanda ire kan, oh doadoahngki “kisin tungoal kekeluwak” me kohsang sapwellimen Siohwa pwihn. (Ipru 5:13, 14) Sang ni omw kin koasoiong me kapw kan duwen mehkan me pid kaudok oh ehukihong irail padahk mehlel kesempwal kan me ke diarada sang pein omw onop, ke pahn kak kamwakid irail en wiahda koasoandi mwahu ong arail onop. Mwein ekei pak ke kak luke me kapw men en iang pein omw onop de onop en omw peneinei.
3 Kaukaule Towehda Mihting kan: Omw mehn kahlemeng mwahu oh omw lokaiahn kangoang kan pahn sewese me kapw kan nan mwomwohdiso en dehr “kin epwehnki” tokedihsang en kaukaule towehda mihting en Kristian akan. Pwehki ih met me Pohl kasalehda me ekei kin wia ahnsowo. (Ipru 10:24, 25) Sewese irail en wehwehki me mihting kan kak sewese irail en kekeirda nan mwomwohdiso. Ke pil anahne sewese irail en pehm me irail kisehn atail mwomwohdiso.
4 Kapakap: Pwehn powehdi atail luwet kan oh soh unsek kan, kitail anahne peki rehn Siohwa sawas ni kapakap oh kasalehiong ih atail pepehm loal kan oh kapwunod kan. Me kapw kan anahne ese me ma irail kin kapakap ong Siohwa oh peki sawas duwehte Pohl kin kangoange irail en wia, met kak irehdi arail en luwetala. (Ipru 4:15, 16; 10:22) Omw kin ehukihong me kapw men ia duwen ke kin wia met pahn kak sewese ih en kamehlelehla me Siohwa kin ketin karonge kapakap kan.
5 Doadoahk en Kalohk: Pohl pil kasalehda me atail kin “wiahiong Koht atail tungoal meirong en kaping” kin kakehlaka kitail. (Ipru 13:15) Ke kak luke sounkalohk kapw men en iang uhk doadoahk en kalohk en ehuehu wihk? Mwein kumwa kak kaunopada amwa padahk kan de song wia ehu elen kalohk me e saikinte iang.
6 E kaperen en kilang sounkalohk kan en tohtohla. Atail kin toukihda atail ahnsou en kaiahne oh kangoange me kapw kan nan mwomwohdiso pahn sewese irail en kakairada pwoson kehlail pwehn kak ale ‘komourparail.’—Ipru 3:12, 13; 10:39.