Koul 98 (220)
Atail Paradais: Ahnsouwet oh Ahnsou Kohkohdo
1. ‘Iohwa, Koht erpit men, se kaping
Ki aht paradais en ngehn,
Wasa onop, kaudok oh mihding
Kin wahdohng kiht loalokong.
Oh danke ki kapai
Laud me se ale
Nan omwi doadoahk
Se diar meleilei!
Limpoak ohng Komwi oh mehn mpaht
Iei mehn kateng kehlail ehu.
E kaminimin kiht ohng omw’ ‘doahk
Pwe sen dehr kak pwupwudi!
2. Omwi mwoalen kopwung Komw ket’-
Kihong Krais me nanmwariki.
Ni pali maun omw’ sang ahnsowo,
E kin kaundahr mehkoaros.
Se kapinga, ‘Iohwa,
Ahr kasalehda
Ahr koasoandi en
Rikpene sapwell’mahr.
Aht wiewia en kin warohng
Rongamwahu me se lohki,
Pwe sen dehr kadipekelekel
Sihpw kan me se padahk ohng!
3. Mwurin Mahwen en Rahn Lapalap
En Siohwa imw’seklahr
Tepil oh nah ngehn saut kan koaros
Lekidekdi nan pwoar loal,
Mwuhr omw’ laduhn mahs kan
Ias’da sang sousou
Pwehn peren papah Ihr
Paradais sampah.
Re wia aramas en unsek
Ki Nah Ohl me samworo;
Ohng ahnsou soh imwi nan sampah,
Peren soutuk pahn mih rehmw.