Ahnsou me Kileldi Kerendohr
DUWEHTE soukohp Apakuk, sapwellimen Sises tohnpadahk ko men lokolok eh pahn imwisekla. Ni arail sukuhlki duwen dahme Wehin Koht pahn wia pwehn kapwungala soahng kan nin sampah, re patohwanohng Sises: “Komw ketin mahsanihong kiht ahnsou dah me mepwukat pahn wiawi, oh kilel da kei me pahn kasalehda ahnsoun omwi pahn ketido oh imwin sampah.” (Madiu 24:3) Sises eri mahsanih me Siohwa Koht kelehpw me mwahngih ahnsou me Wehio pahn kaunda sampah pwon. (Madiu 24:36; Mark 13:32) Ahpw Sises oh meteikan kohpada duwen dahme pahn wiawi ong sampah me pahn kasalehda me ahnsowo kerendohr.—Kilang koakon.
Ke sou pwungki me mepwukat kin wiawi nan atail ahnsou? Sises pil ketin kohpada me doadoahk en kasukuhl pahn wiawi nin sampah pwon. E mahsanih: “Rongamwahu en Wehin Koht pahn lohkseli wasa koaros nin sampah, pwe kadehde en mie ong aramas koaros—a mwuri, imwin sampah ahpw pahn kohdo.”—Madiu 24:14.
Ih met me kin wiawi nan atail ahnsou. Sounkadehdehn Siohwa kan kin wia doadoahk wet. Mpen sahpw 236 me Sounkadehdehn Siohwa kan me tohto sang isirar kin padahkihong aramas kan duwen dahme Wehio pahn wia. Re kin sewese aramas akan en kapwaiada dahme Koht kupwurki. Koht menet kupwurki kaimwisekala lokolok oh medek. Eri, pousehlahte sukuhlki duwen Wehin Koht pwe ken ahneki koapworopwor en mour nin sampah me sohte pahn mie lokolok kohkohlahte.
[Koakon nan pali 8]
Iren Paipel kan me Kasalehda Duwen Imwin Rahn akan
• Mahwen laud kan
• Rerrer en sahpw laud kan
• Lehk lapalap
• Soumwahu lusulus kan
• Me suwed paraparala
• Limpoak tikitikla
• Kauwehla sampah
• Mehwo
• Sapeikiong pahpa oh nohno
• Roporop ong pein irail
• Sempoak
• Soh mahk
• Pehmara
• Kailongki me mwahu
• Inengieng pein arail peren laudsang kupwuren Koht
• Liksansalamwahuki mwomwen arail pelien lamalam
• Soukohp likamw tohto pwarada
• Kalokolok ong Kristian mehlel kan
• Aramas sohte kin nsenohki kehkehlik en Paipel kan
[Kilel nan pali 8]
Nin sampah pwon, Sounkadehdehn Siohwa kan kin padahkiong meteikan duwen Wehin Koht