Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • bh p. 230-p. 231 par. 4
  • Sises Krais—Mesaia me Mie Inoupe

Sohte kasdo ong met

Kupwurmahk, mehkot sapwung en kihda kasdo

  • Sises Krais—Mesaia me Mie Inoupe
  • Dahme Paipel Uhdahn Padahngki?
  • Ire kan me Duwehte Met
  • Re Awiawih Mesaiao
    Kahn Iroir Pakpakairki Wehin Siohwa—2011
  • Sises Krais Ih Me Wia “Kih” Ong Duwen Loalokongkihla Koht
    Loalokong Me Pahn Kahluwalahng Mour Soutuk (kl)
  • Re Diaradahr Mesaiao!
    Kahn Iroir Pakpakairki Wehin Siohwa—2011
  • Ihs Sises Krais?
    Dahme Paipel Uhdahn Padahngki?
Kilang Pil Ekei
Dahme Paipel Uhdahn Padahngki?
bh p. 230-p. 231 par. 4

OARITIK KAN

Sises Krais​—Mesaia me Mie Inoupe

PWEHN sewese kitail en kasawihada ihs me Mesaiao, Siohwa Koht ketin kamwakid soukohp tohto nan Paipel pwe ren kihda oaritik kan duwen Soundoarepen aramas menet me Koht ketin inoukidahr. Oaritik pwukat kin pid duwen eh pahn ketin ipwidi, sapwellime doadoahk en kalohk oh eh pahn ketin pwoula. Kokohp en Paipel pwukat koaros kin pweida rehn Sises Krais. Pweidahn kokohp pwukat kin inenen pwung oh oaritik. Kitail tehkpene mahs ekei kokohp kan me kohpada wiewia kan me kin pid duwen ipwidi en Mesaia oh duwen ahnsou me e seri.

Soukohp Aiseia kohpadahr me Mesaia pahn wia kadaudoken Nanmwarki Depit. (Aiseia 9:7) Sises ipwisang peneinei en Depit.​—Madiu 1:1, 6-17.

Pil emen sapwellimen Koht soukohp Maika kohpadahr me seri menet pahn wiahla kaun emen oh me e pahn ipwidi nan “Pedleem Eprata.” (Maika 5:2) Ni ahnsou me Sises ketin ipwidi, mie kahnimw riau nan Israel me adaneki Pedleem. Ehu iei me mi limwahn Nasaret ni paliepeng en wehio, oh mehteio karanih Serusalem nan Suda. Pedleem me karanih Serusalem mahs kin adaneki Eprata. Ih kahnimw wet me Sises ketin ipwidi ie, duwen me kokohpo kohpadahr!​—Madiu 2:1.

Pil ehu kokohp en Paipel kohpadahr me sapwellimen Koht Ohlo pahn ketin kapwurpwurdo “sang nan Isip.” Sises ketin wisiklahng nan Isip ni ahnsou me e seri. E ketin kapwurpwurdo sang nan Isip mwurin mehlahn Erod oh met kokohpo pweida.​—Oseia 11:1; Madiu 2:15.

Nan kisin koakon me oaralap koasoia “Kokohp kan Duwen Mesaia,” iren Paipel kan me irekidi pahn oaralap “Kokohp” kin kasalehda oaritik kan duwen Mesaia. Menlau kapahrekihpene ire pwukat oh iren Paipel kan me irekidi pahn oaralap me nda “Pweidahn kokohp.” Omw pahn wia met pahn kakehlakahda omw pwoson me Mahsen en Koht me mehlel.

Ni omw pahn kasawih iren Paipel pwukat, tamataman me iren kokohp pwukat ntingdier pahr epwiki kei mwohn Sises ketin ipwidi. Sises mahsanih: “Mehkoaros me ntingdier nan Kosonned en Moses, rehn soukohp ako, oh nan Pwuhken Melkahka Kan, uhdahn pahn pweida rehi.” (Luk 24:44) Ni omw kak kilang nan pein noumw Paipel, kokohp pwukat uhdahn pweidahr ni oaritik!

KOKOHP KAN DUWEN MESAIA

WIEWIA

KOKOHP

PWEIDAHN KOKOHP

Ipwidi sang keinek en Suda

Senesis 49:10

Luk 3:23-33

Ipwidi sang rehn meipwon men

Aiseia 7:14

Madiu 1:18-25

Wia kadaudoken Nanmwarki Depit

Aiseia 9:7

Madiu 1:1, 6-17

Siohwa mahsanih me menet iei sapwellime Ohl

Melkahka 2:7

Madiu 3:17

Pali laud en aramas sohte kamehlele ih

Aiseia 53:1

Sohn 12:37, 38

Ket pohn ahs emen oh ketilong nan Serusalem

Sekaraia 9:9

Madiu 21:1-9

Emen kompoakepah pangala ih

Melkahka 41:9

Sohn 13:18, 21-30

Pengpengkihla silper silihsek

Sekaraia 11:12

Madiu 26:14-16

Nennenla mwohn irail me karakaraunih ih

Aiseia 53:7

Madiu 27:11-14

Re usuhski sapwellime likou kan

Melkahka 22:18

Madiu 27:35

Re lahlahwe ih erein eh poasdahng ni tuhkeo

Melkahka 22:7, 8

Madiu 27:39-43

Sohte tih pwoat reh pahn timpeseng

Melkahka 34:20

Sohn 19:33, 36

Seridi rehn me kepwehpwe

Aiseia 53:9

Madiu 27:57-60

Iasada mwohn paliwere mwerpeseng

Melkahka 16:10

Wiewia 2:24, 27

Ketidiong ni palimaun en Koht

Melkahka 110:1

Wiewia 7:56

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share