Kalendar en Pahr 2011 Kin Kasalehda Kesempwalpen Kaudok en Peneinei

Ire kesempwal ehu me Kalendar en pahr 2011 en Sounkadehdehn Siohwa kan (lokaiahn wai) kin kasalehda iei Kaudok en Peneinei. Kalendar wet kin kasalehda duwen peneinei kan nan atail ahnsou oh nan Paipel. E pil kin kasalehda irail sapwellimen Siohwa ladu kan me pwopwoud oh kiripw arail kin onopki sapwellime Mahsen.

Irail kan me Paipel kasalehda nan Kalendar wet kin perenki sapwellimen Siohwa kosonned oh met kesempwal ong irail pwe irail en powehdi kahpwal kan me re lelohng. (Mel. 1:2, 3) Ni atail pahn kasawih ehuehu kilel, e pahn kataman ong kitail kesempwalpen Kaudok en Peneinei, mehnda ma atail peneinei laud de tikitik, de ma koaros iang padahk mehlel de soh. Mie wasa nan kalendar wet me ke kak kilelehdi rahn me omw peneinei kin koasoanehdi pwehn wia Kaudok en Peneinei. Ke audehdahr wasaht?