Koul 31
Kiht Sounkadehdehn Siohwa!
(Aiseia 43:10-12)
1. Tohto pwongih koht likamw,
Koht mehlel re soh ese.
Iei Koht Lapalahpie,
Pein ih kadehde.
Koht teikan soh kak kilang
Dahme pahn wiawi mwuhr.
Sohte pil arail sounkadehde,
Pwe irail koaros koht likamw.
(CHORUS)
Sounkadehdehn Siohwa.
Se kalohk ni soh masak.
At Koht kin kohpada mehlel’te;
Eh kokohp kan pahn pweida.
2. Peren kalohk mwaren Koht,
Kalohk sapwell’me ndand.
Rongen sapwell’me Wehi,
Se eimah kalohk.
Pwe meteikan en kilang
Mehlel kamaiau irail.
Re kehlailda, ngilarail laudla,
Iang koulki sapwell’me kaping.
(CHORUS)
Sounkadehdehn Siohwa.
Se kalohk ni soh masak.
At Koht kin kohpada mehlel’te;
Eh kokohp kan pahn pweida.
3. Kalohk kawahu mwaren Koht,
Kihsang lahlahwehn mware.
Panawih me suwed,
Me kauwe mware.
Mahk mie ong aramas,
Ma re kin pwurodohng Koht.
Kalohk wahdo peren oh popohl
Koapworopwor en mour soutuk.
(CHORUS)
Sounkadehdehn Siohwa.
Se kalohk ni soh masak.
At Koht kin kohpada mehlel’te;
Eh kokohp kan pahn pweida.
(Pil kilang Ais. 37:19; 55:11; Esek. 3:19.)