Ehuki “Mehkot Mwahu” Sang ni Omw Kin Kasalehda Kadek oh Nsenoh (Mad. 12:35a)

Kitail koaros uhdahn men ehuki “mehkot mwahu” kan ong meteikan sang ni atail pahn kin “kasamwo mehn keiru kan.” (Rom 12:13) Elder kan kin tiengla mwowe en koasoanehdi soahng kan ong brother kan me kohdo wia padahk kan pwe en kasamwo irail ni kadek oh mie arail wasahn pweidi, oh ren ale sawas en mwohni ong arail mehn peidaid kan. Ahpw, pein kitail kakete sohte kasalehda kadek oh nsenoh pwehki kitail semwehmwe, de ele kitail pahn ahneki pepehm en pwunod ma meteikan mwemweitdo nan imwatail. Atail tamataman sapwellimen Sises kaweid ong Marda kak sewese kitail en powehdi soangen pepehm pwukat. (Luk 10:39-42) E ketin kasalehda me “mehkot mwahwie” iei atail kin werekpene oh kangoangpene, ahpw kaidehn mwenge tohto de ihmw kaselel. Sang ni atail pahn kapwaiada kaweid wet, kitail koaros kak ehukihpene “mehkot mwahu” kan rehn riatail kan nin duwen me pahrekiong Mahsen en Koht.​—3 Sohn 5-8.