PEIDEK 6
Dahme Paipel kohpada duwen Mesaia?
KOKOHP
“Kowe, Pedleem Eprata, . . . sang rehmw emen me pahn kaunda Israel.”
Maika 5:2
PWEIDA
“Sises lao ketin ipwidi nan kahnimw en Pedleem nan wehin Sudia, ni mwehin Nanmwarki Erod iet pwihn ohl loalokong ehu ahpw lel Serusalem. Re pwarodo sang palimese.”
KOKOHP
“Re usuhski ei likou kan oh nehkpeseng nanpwungarail.”
Melkahka 22:18
PWEIDA
“Irail eri ndapene nanpwungarail, ‘Kitail dehr tehrpeseng likou wet, a kitail usuhski ihs me pahn ahneki.’”
KOKOHP
“KAUN-O kin ketin sinsile, sohte tih pwoat reh me timpeseng.”
Melkahka 34:20
PWEIDA
“Ni ar keiong mpen Sises, oh kilangada me e pwoulahr, re ahpw sohte katimpeseng aluweluwe kan.”
KOKOHP
“Re pahn saradahng ih me re doakoadier kemehla.”
Sekaraia 12:10
PWEIDA
“Sounpei men ahpw doakoahki ketieu pwoat pengepenge; eri, nta oh pihl ahpw mwadangete kusieisang.”
KOKOHP
“Irail eri kihong ie mwohni silper silihsek.”
Sekaraia 11:12, 13
PWEIDA
“Eri, emen rehn me ehk riemeno, me adaneki Sudas Iskariot, ahpw pwarala rehn samworo lapalap ako, oh idek rehrail, ‘Dahme kumwail pahn kihong ie, ma I pangodohng kumwail Sises?’ Irail eri kihong mwohni silper silihsek.”