“Sohte lipilipil soahng dah me kumwail kin wia, kumwail loalenohng duwehte ma kumwail wie doadoahk ong Kaun-o, ahpw kaidehn ong aramas.”

Kolose 3:23

“Aramas me kin epwehnki pirap, en tokedihsang eh pirap, oh en tapihada wia ehu soangen doadoahk me e kak momourki oh kak sewesehki me semwehmwe kan.”

Episos 4:28

“Kitail koaros eri en kin mwenge oh nim, oh nsenamwahuki wahn atail doadoahk, pwe met sang ni kalahngan en Koht.”

Eklesiasdes 3:13

“Mourenki kamadipw, wain, oh kisin tungoal kaselel kan sohte kak kakepwehpwehiukala.”

Lepin Padahk 21:17

“Pekihsang emen mwohni, ke ahpw pahn wiahla lidun aramas me ke pekihsang mwohnio.”

Lepin Padahk 22:7

“Pwe ihs rehmwail, nan eh koasoakoasoane en kauwada eh imwen doulik ehu, e soh pahn mwohndi mahs oh medemedewe uwen pweine, pwe en kilang ma mie reh mwohni me itar kanekehla ihmwo. Pwe ma e sohte pahn wia met, e sohte pahn kak kanekehla ihmwo mwurin eh kihdiongehr poahsoane. Aramas koaros me pahn kilang met, re pahn kouruhrki de kepitki, nda, ‘Aramas menet tapihada kauwada ihmw ehu, e ahpw sohte kanekehla!’”

Luk 14:28-30

“Ni ar medla, e ahpw ketin mahsanihong sapwellime tohnpadahk ko, ‘Kumwail doukada luhwarail kan, pwe ekis dehr lekdekla mwahl.’”

Sohn 6:12

“Tungoale tehntuhke rehn aramas me ke poakepoake mwahusang tungoale uduk iou wasa me kailok mie.”

Lepin Padahk 15:17

“Ngehi me KAUN-O omw Koht, me kupwurki padahkihiuk pwe en wia kamwahu ehu ong uhk oh kaweid uhk nan ahl me ke pahn keid ie.”

Aiseia 48:17

“Meid pai aramas akan me kin soikala kaweid en aramas suwed kan, me sohte kin men kahlemengih me dipan akan, de patehng irail akan me sohte kin wauneki Koht; ahpw re kin perenki peikiong Kosonned en KAUN-O, oh medemedewe nan kapehdihr nin rahn oh nipwong. Re rasehng tuhke kan limwahn pihl akan, me kin materek nan rahk koaros, oh tehrail kan sohte kin mengila. Re kin pweida mwahu ni soahng koaros me re kin wia.”

Melkahka 1:1-3

“Ke pahn poakohng mehn mpomw duwen omw kin poakohng pein uhk.”

Madiu 22:39

“Duwen me ke men aramas en wiahiong uhk, ih duwen me ke pahn wiahiong irail.”

Luk 6:31

“Ahpw irail kan me kin rong mahsen en Koht oh kapwaiada, iei irail me paisang mehlel!”

Luk 11:28

“Pwe mour mehlel en aramas sohte kin mi ni kepwe kan me e ahneki, mehnda ma e kepwehpwe mehlel.”

Luk 12:15

“Eri, ma kitail tungoalenki kisin tungoal akan oh likou, met e itarohng kitail.”

1 Timoty 6:8

“Kihwei kaperen sang ale.”

Wiewia 20:35

“Mweidohng KAUN-O omw kahpwal akan, eri e pahn ketin doareiukala; pwe e sohte kin ketin mweidohng me lelepek kan en lohdi.”

Melkahka 55:22

“Koasoanehdi ni keneinei dahme ke pahn wia, oh mehkan me ke pahn wia ahpw pahn pweida mwahu.”

Lepin Padahk 4:26

“Kumwail dehr masak, pwe I kin ieiang kumwail. Kumwail dehr perki mehkot, pwe ngehi me amwail Koht. I pahn kin kakehlakei kumwail oh sewesei kumwail I pahn kin apwalih kumwail oh doareikumwailla.”

Aiseia 41:10

“Ihs rehmwail me kak kareireikihla eh mour kisin ahnsou kis pwunupwunodki eh mour?”

Madiu 6:27

“Eri, kumwail dehr kin pwunodki dahme pahn wiawi lakapw; pwe lakapw pahn pwukoahki pein eh pwunod. E sohte konehng kumwail en kin katohtowehla kahpwal akan me rahn akan kin wadohng kumwail.”

Madiu 6:34

“Kumwail kin song rapahki dahme Kaun-o kin ketin kupwurperenki.”

Episos 5:10

“Kumwail dehr pwunodki mehkot, ahpw nan amwail kapakap akan kumwail en peki dahme kumwail kin anahne. Amwail kasapahlkalahngan en pil iang amwail kapakap ahnsou koaros. Eri, sapwellimen Koht popohl, me inenen laudsang uwen atail dehdehki, ahpw pahn nekinekid mohngiongimwail oh pil amwail lamalam rehn Krais Sises.”

Pilipai 4:6, 7

OHL PWOPWOUD KAN/PAHPA KAN

“Ohl akan uhdahn pahn poakohng ar werek kan duwehte ar kin poakohng pein paliwararail kan. Ohl me kin poakohng eh werek, kin poakohng pein ih. (Sohte me kin kailongki pein paliwere. Pwe e kin kamwenge oh e kin kanai, . . . emenemen ohl pwopwoud en poakohng eh werek duwehte eh kin poakohng pein ih.”

Episos 5:28, 29, 33

“Kumwail sahm akan, kumwail dehr kamwakara mwahl noumwail seri kan. A kumwail kakairada irail ni kaiahn oh madamadau en Siohwa.”

Episos 6:4; NW

LIH PWOPWOUD KAN

“Lih pwopwoud en wauneki eh pwoud.”

Episos 5:33

“Kumwail lih akan, kumwail peikiong amwail pwoud kan.”

Kolose 3:18

SERI KAN

“Seri kan, . . . kahkahki semomw oh inomw, iei tepin kosonned me inou ehu iang. Eri, iet inowo: ‘Pwe ke en pweida mwahu oh mour werei nin sampah.’”

Episos 6:1-3

“Kumwail seri kan, . . . kumwail pahn kin peikiong amwail pahpa oh nohno kan, pwe iei me Koht kin ketin kupwurperenki.”

Kolose 3:20