PEIDEK 15
Ia duwen omw kak diar nsenamwahu?
“Tungoale tehntuhke rehn aramas me ke poakepoake mwahusang tungoale uduk iou wasa me kailok mie.”
Lepin Padahk 15:17
“Ngehi me KAUN-O omw Koht, me kupwurki padahkihiuk pwe en wia kamwahu ehu ong uhk oh kaweid uhk nan ahl me ke pahn keid ie.”
Aiseia 48:17
“Meid pai aramas akan me kin soikala kaweid en aramas suwed kan, me sohte kin men kahlemengih me dipan akan, de patehng irail akan me sohte kin wauneki Koht; ahpw re kin perenki peikiong Kosonned en KAUN-O, oh medemedewe nan kapehdihr nin rahn oh nipwong. Re rasehng tuhke kan limwahn pihl akan, me kin materek nan rahk koaros, oh tehrail kan sohte kin mengila. Re kin pweida mwahu ni soahng koaros me re kin wia.”
Melkahka 1:1-3
“Ke pahn poakohng mehn mpomw duwen omw kin poakohng pein uhk.”
“Duwen me ke men aramas en wiahiong uhk, ih duwen me ke pahn wiahiong irail.”
“Ahpw irail kan me kin rong mahsen en Koht oh kapwaiada, iei irail me paisang mehlel!”
“Pwe mour mehlel en aramas sohte kin mi ni kepwe kan me e ahneki, mehnda ma e kepwehpwe mehlel.”
“Eri, ma kitail tungoalenki kisin tungoal akan oh likou, met e itarohng kitail.”
“Kihwei kaperen sang ale.”