‘Weweid ni Pwoson a Kaidehn Dahme Kitail Kilang’

Mwohnte lohdi oh ohlahn Serusalem, wahnpoaron Pohl ntingihedi me Kristian akan, nin duwen sounpei loalopwoat en Krais kei, ren kasik me pahn mie kahpwal kan oh ren dehr mwohnkihte ar nsenamwahu de peren. (2 Tim. 2:3, 4) Ni kahpwal laud eh pahn lelohng sampah suwed wet, kitail anahne pwoson kehlail en loalenohngete atail wia soahng kan me pahn kakehle atail nanpwungmwahu rehn Siohwa. (2 Kor. 4:18; 5:7) Kilang kasdo wet ‘Walk by Faith, Not by Sight.’ (Kohla nan jw.org, oh kilang pahnangin PUBLICATIONS > VIDEOS.) Tehk ia duwen kesempwalki kepwe kan eh lidipihedi Naham oh Apital en mehla. Mwurin omw kilang, kousapahlih peidek pwukat.

(1) Dahkot “Sansal Kansensuwed Likemisiko . . . uhda nan wasa sarawio” ni mwehin tepin Kristian akan, oh mwekid dah me Kristian kan me koukousoan nan Serusalem anahne wia? (Mad. 24:15, 16) (2) Dahme kahrehda pwoson anahn pwehn tangasang nan kahnimwo? (3) Dahme re tounmeteikihla pwe ren kak tangasang wasao? (4) Dahme kahrehda Naham oh Apital pwapwandki? (Mad. 24:17, 18) (5) Dahme pil kasonge ahn Resel pwoson ni ahnsou me e pahn kohkohlahsang Serusalem? (Mad. 10:34-37; Mark 10:29, 30) (6) Ia duwen Edan eh wiahda mehn kahlemeng mwahu en emen me kin pwoson oh likih Siohwa? (7) Soangen kahpwal dah kan me Kristian kan kin lelohng nan Pella? (8) Ia duwen en Naham oh Apital ara pwoson eh ekisekis luwetala? (9) Ia duwen Siohwa eh ketin apwahpwalih Kristian akan me koukousoan Pella? (Mad. 6:33; 1 Tim. 6:6-8) (10) Ia duwen atail kak kahlemengih Eipraam oh Sara ni atail momour ni imwin koasoandi suwed wet? (Ipru 11:8-10) (11) Ia duwen Naham oh Apital dukila pahn ara madamadau en pwurala Serusalem oh dahme kahrehda ara madamadau sapwung? (Luk 21:21) (12) Ia uhdahn mwomwen mour nan Serusalem ahnsou me Naham oh Apital pwurala? (13) Dahme kahrehda kitail anahne kakehlaka atail pwoson ni ahnsou wet, mwohn imwin koasoandi suwed wet eh pahn kohdo?​—Luk 17:31, 32; 21:34-36.

Weweid ni pwoson kin wehwehki (1) likih sapwellimen Siohwa kaweid, (2) mweidohng sapwellime kaweid en kaweid atail kahk kan, oh (3) kasalehda me kitail kesempwalki atail nanpwungmwahu reh laudsang kepwe kan. Kitail en koasoanehdi teng kitail en weweid ni pwoson, kamehlele me “sampah wet oh mehkoaros nin sampah me aramas kin inengieng kin sosohrala; ahpw me kin kapwaiada kupwur en Koht pahn momour kohkohlahte.”​—1 Sohn 2:17.