Tepin Koasoi
Koht duwehte pahpa limpoak men. 1 Piter 5:6, 7
Koht iei Sounkapikpatail oh e kin ketin nsenohkin kitail. Duwehte pahpa loalokong oh limpoak men eh kin kaweid nah seri kan, Koht pil kin ketin padahkihong aramas koaros elen mour me keieu mwahu.
Koht kin ketin kasalehda padahk mehlel oh kesempwal kan me kin kihong kitail peren oh koapworopwor.
Ma ke pahn rong Koht, e pahn ketin kahluwaiuk oh pereiuk oh seweseiuk pwe ken kak powehdi kahpwal kan.
Ahpw laudsang met, ke pahn mour kohkohlahte!