2:8—Soahng dah kan me Pohl kaweidki kitail en liksang? E kaweidki en liksang soahng kan me kin wia kisehn ahn Sehdan sampah—mehkan de mour en koasoandi kan me kin wiahda, kahluwa, de kamwakid irair en sampah. (1 Sohn 2:16) Nanpwungen mepwukat iei loalokong widing mwahl en aramas akan, men kepwehpwehla, oh pil kaudok likamw akan en sampah.

Ke Pahn Kasamwo Arail Pwerek Rehmw?

Mendahki sampah wet inenen suwedla, ke kak ahneki peren ni ahmw pahn sukuhliki loalokong pwung sang Pwuhk Sarawi me pid duwen Koht, sapwellime Wehi, oh sapwellime koasoandi kaselel akan ong aramas akan. Ma ke men kalaudehla ahmw wehwehki Pwuhk Sarawi de ke men emen aramas en kohwei oh wia onop en Pwuhk Sarawi rehmw ni sohte isepe, ke kak ntinglahng Sounkadehdehn Siohwa kan, 143 Jehovah Street, Barrigada, Guam 96913, de ke kak doadoahngki address kan me kileledi ni pali 2 en makisihn wet.