SOAHNG KESEMPWAL KAN SANG MAHSEN EN KOHT | LIPAI 12-13
Sukuhlki Sang Kosonned kan me Pid Tokutok
13:4, 5, 45, 46, 52, 57
Dahme mouren padahk en kosonned kan me pid tokutok kak padahkihong kitail duwen atail pahn kanahieng pwe atail nanpwungmwahu rehn Siohwa en kehlailte?
Siohwa ketin padahkihong samworo kan ia duwen arail pahn mwadang kasawih oh diarada soumwahu tokutok. Silepen Kristian kan rahnwet kin mwadang tehkada irail me anahne kakehlaka arail nanpwungmwahu rehn Siohwa.—Sei 5:14, 15
Mehn Israel kan anahne kasohrehla kepwe kan me saminkihla tokutok pwehn irehdi doupeseng en soumwahwo. Kristian akan pil anahne men kesehla mehkot me re pil kin kesempwalki pwe en dehr kahrehiong ren wiahda dihp. (Md 18:8, 9) Met kak iangahki tiahk kan, irail me re kin werekiong, de mehn kamweit kan
Ia duwen Kristian men eh kak kasalehda eh uhdahn men ale sapwellimen Siohwa sawas?