Iren Sawas kan ong Doaropwehn Kasukuhl ong Mihting en Mour oh Kalohk
March 1-7
SOAHNG KESEMPWAL KAN SANG MAHSEN EN KOHT | NEMPE 7-8
“Mehn Kasukuhl kan Sang Kahnimpwal en Israel”
it-1-E 497 par. 3
Mwomwohdiso
Nan Israel ohl kan me ahneki pwukoa kan kin kalapw mwekid pwe ren sewese aramas ako. (Esr 10:14) Kahrehda, “kaunen kadaudok” ko wiahda meirong kei mwurin koukoudahn impwal sarawio. (Nem 7:1-11) Pil, wiliepe kan me kin sidampih “inou lapalap” ni mwehin Nehmaia iei samworo kan, mehn Lipai kan oh “kaunen peneinei kan.” (Neh 9:38–10:27) Erein en mehn Israel ko seiseiloak nan sapwtehno, mie “kaun akan en mwomwohdiso, me pilipilda kan en mwomwohdiso, ohl lapalap akan,” meh 250 me iangala Kora, Dadan oh Apiram oh On me kohpene uhwongada Moses oh Aaron. (Nem 16:1-3) Pwehn kapwaiada kaweid en Koht, Moses pilada ohl mah en Israel 70 me wia kaun kei pwehn sewese ih “apwahpwalih aramas” ako me e sohte kak kelehpwki wia. (Nem 11:16, 17, 24, 25) Lipai 4:15, (NW) koasoia “ohl mah kan en mwomwohdiso,” oh e sansal me wiliepen aramas ako iei ohl mah kan en wehio, kaun akan en wehio, sounkopwung kan en wehio.—Nem 1:4, 16; Sos 23:2; 24:1.
it-2-E 796 par. 1
Reupen
Nan kahnimpwal en Israel ko mehn Reupen kan mi nanpwungen kadaudok en Simion oh Kad kan, me mi ni palieir en impwal sarawio. Ni ahnsou me re kin karis kohwei mehn Reupen kan me kin tiengki keinek siluh pwukat a me kin idawehndo mwurirail iei keinek siluh teiko Suda, Isakar oh Sepulon. (Nem 2:10-16; 10:14-20) Pil koasoandi wet me kadoadoahk ni ahnsou me keinek ko wiahda ar meirong kan ni rahn me impwal sarawio kasarawi.—Nem 7:1, 2, 10-47.
Ire Kesempwal akan Sang Nan Pwuhken Nempe
8:25, 26. Pwehn kak pilada ohl akan me koahiek en wia pwukoa en mehn Lipai kan, oh pwehki arail sounpahr, kaweid kohwong irail ohl me mahlahr akan en kommoaldi sang pwukoa toutou kan. Ahpw, irail kak pil pein pilada en sewese mehn Lipai teikan. Mendahki kitail sohte kin kommoaldi sang atail pwukoa en wia sounkalohk kei rahn pwukat, iren mehn kasukuhl sang kosonned wet wia iren mehn kasukuhl kesempwal ehu. Ma Kristian men mahlahr oh solahr kakohng ekei ah pwukoa kan, e kak alehda pwukoa kan me e kakohng.
Ire Kesempwal kan
it-1-E 835
Mesenih
Pwehki mesenih ohl kan en mehn Israel kan iei irail me mi nan lain en wiahla kaunen ehuehu tohnpeneinei, re wia wiliepen wehio pwon. Ni mehlel, Siohwa ketin wiahkihla wehio pwon nin duwen sapwellime “mesenih,” me wia tepin sapwellime mesenih en wehi ehu pwehki inou en Eipraamo. (Eks 4:22) Pwehki e ketin doarehla ar mour, Siohwa ketin kehkehlingki me “mesenih ohl koaros, oh mesenih mahn koaros,” en kasarawihong ih. (Eks 13:2) Kahrehda, mesenih ohl koaros kin kasarawihong Koht.
March 8-14
SOAHNG KESEMPWAL KAN SANG MAHSEN EN KOHT | NEMPE 9-10
“Duwen Siohwa Eh Kin Ketin Kaweid Sapwellime Aramas”
it-1-E 398 par. 3
Kahnimpwal
Mwekimwekid en kahnimpwal laud wet sang ehu wasa kohlahng ehu wasa (kereniong pak 40 re kauwada imwarail impwal kan me Moses kasalehda nan Nempe 33) wia mwekid laud ehu nin duwen pwihn ehu. Erein pelien depweko eh kin mihmi pohn impwal sarawio, kahnimpwalo kin mihmihte wasa e mihmi ie. Ni ahnsou me pelien depweko kin mwekid, kahnimpwalo kin mwekid. “Re kin mihmihte de mwekidida sang ni kupwur en KAUN-O.” (Nem 9:15-23) Mie mehn pepeuk silper riau me sukusukda pwehn wia mehn pouse kehkehlik pwukat sang Siohwa ong tohn kahnimpwalo pwon. (Nem 10:2, 5, 6) Ngilen pepeuk ehu me kin wia kilel en kihpene impwal kan. Tepin met eh wiawi iei “ni keriaun pahr [1512 B.C.E.], ni keriaun sounpwong, ni 20 en sounpwongo.” Kohpwahn Inowo kin tieng, tepin keinek siluh ko me Suda kin tiengki oh me Isakar oh Sepulon kin idawehn ahpw kin mwekidida. Mehn Kerson kan oh Merari kan ahpw kin idawehn mwurirail wa dipwisoun impwal sarawio me re pwukoahki wahda. Mwurirail iei keinek siluh me Reupen kin tiengki oh Simion oh Kad kin idawehn. Mwurirail iei mehn Kohad kan re kin wa dipwisoun wasa sarawio, mwurirail iei kesiluhn keinek, me iei en Epraim oh Manase oh Pensamin kin idawehn. Keieu mwuhr iei keinek en Dan oh iangahki Aser oh Napdali. Eri pwihn me keieu tohto oh kehlail kan me koasoansoandi en mi mwowe oh mwuri.—Nem 10:11-28, NW.
w11-E 4/15 4-5
Ke Kak Kilang Mehlelpen Sapwellimen Koht Kaweid?
Ia duwen atail kak kasalehda me kitail kalahnganki sapwellimen Koht kaweid? Wahnpoaron Pohl koasoia: “Kumwail en peikiong irail kan me kin tiengla mwohmwail oh uhpahiong irail.” (Ipr 13:17) E sohte mengei en ahnsou koaros wia met. Pwehn karasahda: Medewehla ma kowe mehn Israel men ni mwehin Moseso. Medewehla me mwurin amwail alialuhki erein ahnsou kei, uhro pa uhdi. Ia uwen werei e pahn mihmihte mwo? Rahn ehu? Wihk ehu? Sounpwong kei? Ele ke pahn medewe, ‘Mie katepen ei pahn kihpeseng ei kepwe kat?’ Keieu, ele ke pahn kihsangte soahng kan me anahn. Ahpw, mwurin rahn kei, ke pwangahki wie sansar nan omw kepwe kan, kowe eri tepida kihpeseng omw kepwe koaros. Ahpw mwurinte omw kihpeseng omw kepwe kan, ke kilang depweko eh wie kohkohda—oh ke anahne pwurehng kihpene omw kepwe kan! Met sohte pahn mengei de pil kansenamwahu. Ahpw mehn Israel ko kin “mwadangete mweselda.”—Nem 9:17-22, NW.
Eri, dahme kitail en wia ni atail alehdi kaweid sang Koht? Ia duwe, kitail kin song en “mwadangete” kapwaiada? De kitail kin usehlahte wia soahng kan me kitail kin epwehnki wia? Ia duwe, kitail ese kaweid kapw kan, me duwehte wia onop en Paipel kan, kalohk ong aramas akan me doadoahngki lokaia teikan, kaukaule wia kaudok en peneinei, koasoiong Pwihn me Kin Ehuiong Imwen Wini kan oh kasalehda tiahk mwahu kan ni mihting tohrohr kan? Kitail pil kin kasalehda atail kalahnganki sapwellimen Koht kaweid ni atail kin ale kaweid kan. Ni atail kin anahne wiahda pilipil laud kan, kitail sohte kin likih pein atail loalokong ahpw kitail kin kilengwohng Siohwa oh sapwellime pwihn pwehn ale kaweid. Oh duwehte kisin seri men eh kin rapahki perehpe rehn eh pahpa nohno ni ahnsoun melimel laud ehu, kitail kin rapahki perepatail rehn sapwellimen Siohwa pwihn ni ahnsou me kahpwal en sampah wet me karasaraskihong melimel ehu eh kin lelohng kitail.
Ire Kesempwal kan
it-1-E 199 par. 3
Pokonpene
Kesempwalpen Pokonpene. Kesempwalpen en doadoahngki dahme Siohwa kin ketikihda ong atail kin pokonpene pwehn paiekihda sapwellime padahk kin kasansalda dahme kin wiawi nan kasarawien Pahsohpao me kin wiawi pahr koaros. Ohl emen me mwakelekel oh sohte seiloak ahpw sohte wia kasarawien Pahsohpao pahn kamakamala. (Nem 9:9-14) Ni ahnsou me Nanmwarki Esekaia ileklahng tohn Suda oh Israel kan ren kohdo Serusalem ong kasarawien Pahsohpao, iet ekei soahng kan me e koasoia: “Kumwail mehn Israel kan, . . . kumwail wiliakapwala oh sapahldohng rehn KAUN-O. . . . Kumwail dehr duwehte amwail pahpa kahlap ako. . . . Kumwail dehr keptakai duwehte irail, ahpw kumwail peikiong KAUN-O. Kumwail patohdo nan Tehnpas Sarawio nan Serusalem, wasa me KAUN-O, amwail Koht ketin kasarawihalahr kohkohlahte, oh kaudokiong pwe en dehr pwurehng engieng pahmwail. . . . KAUN-O, amwail Koht me kupwur kadek oh kalahngan, oh ma kumwail pahn pwurodohng pahn kupwure, e pahn kupwur perenkinkumwailla.” (2Kr 30:6-9) Ni emen eh kin nsenki sohte iang towehda kin uhdahn kasalehda me e soikala Koht. Oh, pwehki Kristian kan sohte kin kasarawi soangen kasarawi wet me duwehte Pahsohpao, Pohl kangoangehki irail ren dehr katihasang en kin iang sapwellimen Koht aramas akan ni ar kin pokonpene, ni eh nda: “Kitail en medemedewe emenemen pwe kitail en kangoange emenemen en kasalehda limpoak oh wiewia mwahu kan, dehr soukautihong atail kin tuhpene duwen ekei ar kin epwehnki wia, ahpw kitail en kangoange emenemen, oh wia mepwukat laud sang mahs ni amwail kilang rahno kerendohr.”—Ipr 10:24, 25; kilang CONGREGATION.
March 15-21
SOAHNG KESEMPWAL KAN SANG MAHSEN EN KOHT | NEMPE 11-12
“Dahme Kahrehda Kitail en Soikala Kaulim?”
Dehr Wia Aramas Akan Me Kin Rong, Ahpw Manokehla
Pali moron en Kristian akan sohte kin lohdi ong dipen nenek. Ahpw, kitail anahne en kanahieng pwe kitail sohte pahn mweidong pein kitail en lipahned oh met pahn kak imwikihla kadeik sang powe. Pohl kihda kaweid wet ong kitail: “Kitail dehr kasongosonge kupwuren Koht, duwehte me ekei irail wiadahr—re ahpw mehkihla pwoisin en sineik ko. Kumwail dehr kin lipahned, duwen me ekei irail wiadahr—re ahpw ohkihla kamakam en Tohnleng en Kamakamo.” (1 Korint 10:9, 10) Mehn Israel akan kin lipahnedih Moses oh Aaron—ei, irail pil lipahnedih Koht—re kin lipahned duwen kenarail mwenge manna. (Nempe 16:41; 21:5) Sapwellimen Siohwa engieng kin tikitik ni ahnsou me re kin lipahnede Ih sang ni ahnsou irail wiahda dipen nenek? Paipel kin kawehwehda me aramas tohto me kin lipahned me kamakamkihla mahn sineik akan. (Nempe 21:6) Ekis mwowe, daulih aramas 14,700 me kamakamala. (Nempe 16:49) Eri, kitail en dehr kasongosonge sapwellimen Siohwa kanengamah, sang ni atail kin mwamwahleki sapwellime sawas kan.
‘Dehr Lipahned’
Ia uwen wekideklahn madamadau en irail mehn Israel kan! Ni tepio, arail kalahnganki arail pitsang mehn Isip kan oh pil ni arail pitla ni Sehd Weitahta kamwekid irail en koulki koul en kaping ohng Siohwa. (Eksodus 15:1-21) Mendahki met, ni arail sohla nsenamwahu nan sapwtehno oh arail masak mehn Kenan ko, kahrehda en irail sohla ahneki ngenin kalahnganki ahpw irail uhd ahneki ngehn en sohte itarki. Irail sohte kalahngankihong Koht arail saledekla, ahpw irail uhd kapwukoahkin ih arail madamadau sapwung kan me dene arail anahn sohte itar. Lipahned kin kasalehda duwen soh itar en kalahngan ohng sapwellimen Siohwa sawas kan. E sohte kapwonopwon ni ah mahsanih: “Ia erein pokon en aramas suwed pwukat ar pahn lipilipahnede ie?”—Nempe 14:27; 21:5.
it-2-E 719 par. 4
Akamai
Kaulim. Kaulim kin kaluwetehla oh kauwehla. Mehn Israel ko, mwurinte ar pedoisang Isip, re kaulim ong Siohwa, re kin rapahki sapwung ong wiepen kaweid kan me e ketikihda sang sapwellime ladu Moses oh Aaron. (Eks 16:2, 7) Mwuhr ar kaulim ko kaluwetehla Moses ih eri peki en mehla. (Nem 11:13-15) Kaulim kak keper ong aramas me kaulimo. Siohwa ketin wiahki soangen kaulim kan me kowohng Moses nin duwen kaulim ehu ong sapwellime kaunda. (Nem 14:26-30) Me tohto mehla pwehki imwilahn ar kin rapahki sapwung kan.
Ire Kesempwal kan
it-2-E 309
Manna
Mwomwen met. Manna duwehte “werentuhke koriander; ahpw poh pwetepwet” oh “mwomwe” duwehte pwilin tuhke delium, mehkot me mwomwen kirihs oh me kak kilangla pwar me duwehte perl ehu. Nemeneme duwehte “keik menipinip me doal sukehn loangalap” de “keik mem me doalkihda leh.” Mwurin ar ngidaridi nan mehn ngidar pilawa de sukedi nan takai ehu, manna pahn pwoailda de wiawidahng ni keik kan oh umwda.—Eks 16:23, 31, NW; Nem 11:7, 8, NW.
March 22-28
SOAHNG KESEMPWAL KAN SANG MAHSEN EN KOHT | NEMPE 13-14
“Ia Duwen Pwoson Eh Kin Kahrehiong Kitail en Eimah”
Eimah Pwehki Ahmw Pwoson Oh Lemwiki Koht
Ahpw, meh riemen sang rehn lipoahrok ko, Sosua oh Kalep, uhdahn men pidelong nan Sapwen Inouo. Ira nda: “Me mengei kitail en kaloweiraildi. Siohwa pahn ketin ieiang kitail. E ketin kamwomwala ar koht akan, mehn doareparail. Kumwail dehr masak.” (Nempe 14:9) Iaduwen, en Sosua oh Kalep eimah sou nohn daulihala? Uhdahn soh! Irail pil duwehte mehn Israel teikan me kilangehr ni en Siohwa kasarowehdi wehi kehlail Isip oh arail Koht akan ni kalokolok eiseko. Irail pil kilang ni en Siohwa kakihrala Parao oh iangahki nah karis ko nan Sehd Weitahta. (Melkahka 136:15) E sansal me sohte kahrepen irail lipoahrok ehk ko oh aramas ako en masepwehkada. Siohwa mahsanih met ni a kasalehda ah pahtou laud: “Ia erein ar pahn kahng kamehlele ie, ni ei wiadahr manaman tohtohie mwohn masarail kan?”—Nempe 14:11.
Siohwa kasalehda dahme kahrehda kahpwalo—arail masepwehk kahrehda arail pangala arail pwoson. Ei, pwoson oh eimah kin uhdahn ehupene me kahrehda wahnpoaron Sohn kak en ntingihdi met me pid duwen mwomwohdiso en Kristian kan oh arail mahwen ni pali ngehn: “Pwe sapwellimen Koht akan koaros kin kak kalowehdi sampah: kitail kin powehkihdi atail pwoson.” (1 Sohn 5:4) Rahnwet, soangen pwoson me Sosua oh Kalep kin kasalehda kin kahrehda irail Sounkadehde en Siohwa me tohtohsang wenerar, me mah oh pwulopwul, roson oh luwet, en kin kalohkiseli rongamwahu en Wehio nan sampah pwon. Sohte emen imwintihti kak en katokehdi pwihn en sounpei eimah wet.—Rom 8:31.
Ire Kesempwal kan
it-1-E 740
Sahpw me Koht Ketikihong Israel
SAHPW me Koht ketikihong Israel uhdahn wia sahpw mwahu ehu. Ni ahnsou me Moses kadarala lipoahrok kei ren tiengla mwohn tohnwehio pwe ren dawih Sapwen Inowo oh wahdo ekei wahn sahpwo pwe ren kilang, re wa pwurodo pik kan, pwohmakraneid kan oh dunen kreip kan me uhdahn laud me ohl riemen rowehki tuhke pwoat! Mendahki re masepwehkada pwehki ar sohte pwoson, re ripohtki: Sahpwo me “audapan oh pwelmwahu.”—Nem 13:23, 27.
March 29–April 4
SOAHNG KESEMPWAL KAN SANG MAHSEN EN KOHT | NEMPE 15-16
“Kanahieng Aklapalap oh Likih Pein Kowe”
Siohwa Ketin Kupwurkin Uhk?
Ahpw ni arail kohkohlahng Sapwen Inowo, Kora kin medemedewe me sapwellimen Siohwa elen kaweid wehio sapwung. E men wekidala. Eri ohl 250 iangala. Re kamehlele me re ahneki nanpwungmwahu rehn Siohwa. Irail eri ndaiong Moses oh Aaron: “Kumwa nohn daulihala! KAUN-O ketin sapwellimanki mehn Israel koaros, oh KAUN-O kin ketiket rehtail koaruhsie.” (Nemp. 16:1-3) Madamadau oh wiewia wet kasalehda aklapalap. Re nohn koapworopworki pein irail. Moses padahkihong irail: “KAUN-O pahn ketin kasalehiong kitail ihs me e ketin sapwellimanki.” (Wadek Nempe 16:5.) Mwohn rahn mwurio eh imwisekla, Kora oh ienge ko mehla.—Nemp. 16:31-35.
Siohwa Ketin Kupwurkin Uhk?
Kitail pahn tehkpene karasaras kan duwen ohl riemen, Moses oh Kora, ara wiewia kan wekpeseng. Ara wiewia kan sewese kitail en wehwehki me dahme Siohwa kin ketin medewehkin kitail poahsoankihda uwen atail wauneki sapwellime koasoandi oh pilipil kan. Kora emen mehn Lipai, kisehn peneineien Kohad. E iang kilang dahme Siohwa ketin wia pwehn kapitala mehn Israel ko ni ar kotehla Sehd Weitahtao. E pil iang utung sapwellimen Siohwa kadeik ong irail me sapeik kan ni Nahnahn Sainai, oh e pil iang sawas wa kohpwahn inowo. (Eks. 32:26-29; Nemp. 3:30, 31) E mwomwen me e loalopwoat ong Siohwa sounpar tohto, oh pwehki met, tohto mehn Israel kan kin wauneki.
Ire Kesempwal kan
Tehk Pwe Ken Mwohneki Mahs Dahme Kesempwal!
Siohwa kin ketin kesempwalki ire wet. Paipel mahsanih: “Kauno [“Siohwa,” NW] eri mahsanihong Moses, ‘Aramas menet pahn kamakamala.’” (Nempe 15:35) Dahme kahrehda Siohwa mwekidkihda laud dahme ohl menet wia?
Mie rahn weneu me aramas kan kak wesei tuwi iangahki kadoahke arail anahn kan me pid mwenge, likou, oh wasahn kousoan. Rahn keisuhwo kin katohrohralahng arail anahn en pali ngehn. Nindoken e sohte sapwung en wesei tuwi, e sapwung en doadoahngki rahno me katohrohrala ong kaudok ong Siohwa en wiahla arail rahn en wesei tuwi. Mendahki Kristian kan sohte mih pahn Kosonned en Moses, ire wet soh padahkihong kitail mehn kasukuhl ehu me kitail en koasoanehdi dahme kitail pahn mwohneki nan atail mour rahnwet?—Pilipai 1:10.
April 5-11
SOAHNG KESEMPWAL KAN SANG MAHSEN EN KOHT | NEMPE 17-19
“Ngehi me . . . Omw Sohso”
Ke Kin Mweidohng Siohwa en Ketin Wia Pwaisomw?
Medewehla mehn Lipai kan me sohte ale sapwarail sapwen sohso. Pwehki arail doadoahk me kaweid wehio en wia kaudok min, re anahne likih me Siohwa ketin wia pwaisarail oh pahn ketin apwalih arail anahn akan. (Nemp. 18:20) Mendahki kitail sohte kin doadoahk nan tehnpaso duwehte samworo kan oh mehn Lipai kan, kitail kak likih Siohwa duwehte irail. Ni atail kerenlahngehr imwin ahnsou, kitail kak kasik me mour pahn apwal ong kitail me kaidehn kisehn en Sehdan sampah. Kahrehda e uhdahn kesempwal kitail en likih Koht eh kin ketin apwalih kitail.—Kaud. 13:17.
Siohwa Iei Pwaisei
Ni ahnsou me Siohwa ketin pilada mehn Lipai kan en papah, ia duwen eh ketin wiahla pwaisarail? Pwehki eh sohte ketikihong irail arail sohso, Siohwa ketikihong irail doadoahk kesempwal ehu ren kin wia. Pwaisarail de arail sohso iei ren wia “samworo en KAUN-O.” (Sos. 18:7) Nempe irelaud 18 kawehwehiong kitail me re pahn alehte kepwe kan me re anahne. (Wadek Nempe 18:19, 21, 24.) Mehn Israel kan kin meirongkihong mehn Lipai kan “eisek kis ehun arail dipwisou kan . . . pwehn wia pweinen doadoahk.” Met kin wehwehki me re kin ale eisek kis ehun wahnsahpw kan oh peisengen mahn akan. Eri, mehn Lipai kan pahn kin meirongki eisek kis ehun en dahme re kin alehdi, “me keieu kaselel,” ong ahn samworo kan arail anahn. (Nemp. 18:25-29) Samworo kan pil kin ale “meirong kesempwal kan koaros” me mehn Israel kan kin wadohng Koht ni wasahn kaudok. Eri, samworo ko kak likih Siohwa en ketin apwalihala arail anahn kan.
Ire Kesempwal kan
g02-E 6/8 14 par. 2
Soahl—Mehn Netila Kesempwal ehu
Soahl pil wia mehkot me kin kak mihmi werei oh poatopoat. Kahrehda, nan Paipel inou ehu me kamanamanla pil kin adaneki “inou lap en soahl poatopoat ehu,” met kin kalapw wiawi ni pwihnen aramas kan ar kin mwengepene doadoahngki soahl pwehn kamanahla inou lapo. (Nempe 18:19, NW) Pahn Kosonned en Moseso, soahl pahn kin doaliong nan meirong kan me kohda pohn pei sarawio, ni soh peikasal met wia kilelepen eh pahn sohte kak ohla de matala.
April 12-18
SOAHNG KESEMPWAL KAN SANG MAHSEN EN KOHT | NEMPE 20-21
“Kolokolete Omw Opampap Pahn Kasongosong”
Kakairada Irair en Mpahi oh Kaperenda Siohwa
Kitail pahn soikala wiahda sapwung kan. Pil pwurehng medewehla duwen Moses. Sounpar tohto e kin kolokolete eh mpahi oh kaperenda Siohwa. Ahpw, kerenlahng ni imwin eh seiloak apwal nan sapwtehno erein sounpar 40, Moses sohte kasalehda mpahi. Rie serepeino, me ele keieu sewese kapitala ih nan Isip, ahpwtehn mehla oh seridi nan Kades. Ahpw met mehn Israel ko pil pwurehng ngihtehtehki me irail sohte ale epwel mwahu. Irail kin kaulimkihong Moses pwehki sohte nimarail pihl. Mendahki manaman kan koaros me Siohwa ketin kahrehiong Moses en wiahda oh mendahki Moses kin kahluwa mehn Israel ko ni soh roporop erein sounpar tohto, aramas ako kin kaulimte. Kaidehn ihte pwehki sohte pihl ahpw re pil kaulimki Moses, mwomwen me ih me kahrehda arail men nimpilda.—Nemp. 20:1-5, 9-11.
Kakairada Irair en Mpahi oh Kaperenda Siohwa
Moses uhdahn lingeringerda oh uhdihsang kasalehda mpahi. Mendahki Siohwa ketin mahsanihong ih en koasoiong paipo, Moses lingeringer ni eh koasoiong aramas ako oh nda me e pahn wiahda manaman ehu. Ih eri wokih paipo pak riau oh pihl eri kusieisang. E wiahda sapwung laud ehu pwehki eh aklapalap oh lingeringerda. (Mel. 106:32, 33) Pwehki eh sohte kasalehda mpahi ni ahnsou mwotomwot kis, Moses sohte ale mweimwei en pedolong nan Sapwen Inowo.—Nemp. 20:12.
Sang dahme wiawio, kitail sukuhlki mehn kasukuhl kesempwal kan. Keieu, kitail anahne kaukaule doadoahk pwehn kolokolete atail mpahi. Ma kitail uhdihsang atail nantihong kasalehda mpahi, ele kitail pahn mwadangete aklapalapala oh nda oh wia mehkot pweipwei. Keriau, pwunod kak kaluweteikitailla, eri kitail anahne nantihong kasalehda mpahi, pil ni ahnsou me kitail mi pahn kasongosong.
w09-E 9/1 19 par. 5
Sounkopwung Men me Tengediong Dahme Pwung
Keieu, Koht sohte ketin kehkehlikihong Moses en koasoiong aramas ako, de pil kadeingki irail nin duwen me uhwong kei. Keriau, Moses oh Aaron sohte kalinganahda Koht. Koht mahsanih “pwehki amwa sohte . . . kalohkihda roson en ei manaman.” (Iretikitik 12) Ni eh nda “se pahn kakusieisang pihl,” met mwomwen me Moses ndinda me ih oh Aaron—kaidehn Koht—me pahn wiahda manaman kapwuriamwei en pihlo. Kesiluh, sentence wet duwehte kadeik kan me wiawi mahso. Koht ketin soikala dih en mwoweo me uhwongada ren dehr pedolong nan Kenan, eri e pil wia soahngohte ong Moses oh Aaron. (Nempe 14:22, 23) Kapahieu, Moses oh Aaron wia kaunen mehn Israel kan. Irail me ahneki pwukoa laud kan kin pwukoahki laud soahng kan ong Koht.—Luk 12:48.
Ire Kesempwal kan
Ke Kin Kilangwohng Ahn Aramas Luwet kan Duwehte me Siohwa Kin Ketin Wia?
Siohwa kakete ketin kaloke Aaron ahnsou ko koaros me e wiahda sapwung ko. Ahpw Siohwa ketin mwahngih me mendahki Aaron kin luwetala ekei pak, kaidehn ih aramas suwed men. E wiahda sapwung pwehki e mihla nan irair apwal kei oh pwehki e rongala ekei me e sohte anahne rong. Ahpw Aaron sohte pweiek en wehkada me e wiadahr sapwung ko oh e pwungki sapwellimen Siohwa peneu. (Eks. 32:26; Nemp. 12:11; 20:23-27) Aaron poakohng Siohwa oh koluhla. Eri Siohwa ketin mahkohng. Ihme kahrehda sounpar tohto mwuri, kitail kin tamanda Aaron oh eh peneineio nin duwen sapwellimen Siohwa ladu lelepek kei.—Mel. 115:10-12; 135:19, 20.
April 19-25
SOAHNG KESEMPWAL KAN SANG MAHSEN EN KOHT | NEMPE 22-24
“Siohwa Ketin Kawekila Keria ong ni Kapai”
bt-E 53 par. 5
Kalohki “Rongamwahu Duwen Sises”
Rahnwet, duwehte ni mwehin tepin Kristian ko, kalokolok ong sapwellimen Koht aramas akan sohte kin kauhdi ar doadoahk en kalohk. Ehuehu ahnsou, me Kristian kan kin idihdiong ren keseu sang ehu wasa kolahng ehu wasa—ma nan kalapwuhs de ehu sahpw tohrohr—met kin ihte sewese lohkihpeseng rohng en Wehio rehn aramas akan nan wasa kapw kan. Karasepe, erein Mahwen Keriau en Sampah, Sounkadehdehn Siohwa kan kak wia kadehde laud nan imweteng en Nazi kan. Mehn Suhs men me tuhwongedi Sounkadehde kan wasao koasoia: “Dahme kin kakehlailih Sounkadehdehn Siohwa kan me wie sensel kamehlelehiong ie me arail pwoson poahsoankihda Paipel—oh ngehi eri wiahla Sounkadehde men.”
it-2-E 291
Pweipwei
Pweipwei en Uhwong Siohwa. Ni pweipwei soukohp Palaam men wia kokohp me uhwong Israel pwehn ale mwohni sang rehn Nanmwarki Palak en mehn Mohap kan, ahpw Siohwa ketin kawekila oh kapweiekihdi dahme e nannanti wiao. Wahnpoaron Piter ntingihekihdi duwen Palaam “dongki men me sohte kak lokaia ahpw lokaia ni ngilen aramas pwe en kauhdihsang ahn soukohpo eh wiewia pweipwei.” En Palaam pweipweio, wahnpoarono doadoahngki lepin lokaiahn Krihk pa·ra·phro·niʹa me kihda madamadau en “sahliella.”—2Pi 2:15, 16; Nem 22:26-31.
Ire Kesempwal kan
Ire Kesempwal akan Sang Nan Pwuhken Nempe
22:20-22—Dahme kahrehda Siohwa engiengda pahn Palaam? Mwowe, Siohwa mahsanih ong soukohp Palaam en dehr kariahla mehn Israel kan. (Nempe 22:12) Ahpw, soukohpo iangada nein Palak ohl akan pwe en uhdahn kariahla Israel. Palaam men kaperenih Nanmwarki en Mohap oh ale kisakis sang reh. (2 Piter 2:15, 16; Sud 11) Mendahki idihd kohwong Palaam en kapaiada Israel a kaidehn kariahla, ahpw e kin uhd rapahki ahl en kaperenda Nanmwarkio oh kaweidki lih akan me kin kaudokiong Paal en kasonge irail ohl en Israel kan en wia dipen nenek. (Nempe 31:15, 16) Ihme kahrehda, Koht engiengda pahn Palaam pwehki ah noarok sapwung.
April 26–May 2
SOAHNG KESEMPWAL KAN SANG MAHSEN EN KOHT | NEMPE 25-26
“Wiewiahn Aramas Emen Kak Wia Kamwahu ong me Tohto?”
“Kadohwaneweisang Kumwail Tiahk Samin me Pid Wia Nsenen Pwopwoud!”
MIE sounlaid men me kohla wasa me e kin kalapw laid ie. Mie soangen mwahmw me e men koledi. E pilada ehu pahn oh koskihla nansedo. Mwurin ahnsoukis, sahlo mwenge, ih eri apihada mwahmw men. E perenda pwe e ese me e pilada ehu pahn me pwung.
Met katamankin kitail dahme wiawi nan pahr 1473 Mwohn Krais. Ohl men me adaneki Palaam kin medemedewe duwen lidip ehu me e kak doadoahngki. E men lidipiheki sapwellimen Koht aramas akan me mi nan Patapat en Mohap limwahn Sapwen Inowo. Palaam dene ih sapwellimen Siohwa soukohp men, ahpw ni mehlel ih aramas noahrok men me nanmwarki en Mohap doadoahngki pwehn keriahla mehn Israel kan. Ahpw Siohwa sohte ketin mweidohng met en wiawi, kahrehda Palaam kak ihte kapaiada mehn Israel kan. Pwehki e men alehdi pweine, Palaam medewe me ma e pahn kasonge sapwellimen Koht aramas akan en wiahda dihp laud ehu, met pahn kak kahrehiong Koht en ketin keriahla irail. Pwehn wia met, Palaam doadoahngki lidip ehu, iei kasongosong sang lih pwulopwul en Mohap kan.—Nempe 22:1-7; 31:15, 16; Kaudiahl 2:14.
“Kadohwaneweisang Kumwail Tiahk Samin me Pid Wia Nsenen Pwopwoud!”
Dahme kahrehda kahpwal wet wiawi? Tohto irail kin kakairada mohngiong suwed sang ni arail sohpeisang Siohwa Koht me ketin kapitirailla sang Isip, kamwenge irail nan sapwtehn, oh kahluwairaillahng sapwen inou. (Ipru 3:12) Ni eh medemedewe met, wahnpoaron Pohl ntingihdi: “Kitail dehr nenek, duwehte me ekei irail wiadahr—kahrehda rienen silikid rehrail mehkihla rahnteieu.”—1 Korint 10:8.
Ire Kesempwal kan
it-1-E 359 par. 1-2
Irepen Sahpw
E mwomwen me nehnehpeseng en sahpwo nanpwungen keinek ko wiawihkihda soahng riau: sang ni ar kin kese mehn usuhs kan, oh uwen tohtohn keineko. Usuhso ele kin koasoanehdi depenehn sahpwo me ehuehu keinek pahn ahneki, eri met kasalehda ia wasa sapwen sohso ko pahn mi ie, duwehte ma e mi Paliepeng de Palieir, Palimese de Palikapi, limwahn oaroahr kan, de wasa nahnahn kan. Koasoandi en usuhso kohsang rehn Siohwa oh met pahn irehdi luwak de akamai nanpwungen keinek ko. (Lep 16:33) Sang ni koasoandi wet Koht pil pahn ketin kaweid soahng kan pwe irair en ehuehu keinek kan en pwungiong kokohp en ar pahpa kahlapo Seikop me e koasoia mwohnte eh mehlao, me kileldi nan Senesis 49:1-33.
Mwurin usuhso eh kasalehda wasa ehu ong keinek ehu, eri e pahn konehng en koasoanehdi ia uwen laud en sapwe me poahsoankihda soahng keriauo: iei uwen tohtohn irail. “Kumwail nehkpeseng sahpwo nanpwungen kadaudok kan oh peneinei kan ni usuhs, oh pelien sahpw laud pahn kohieng peneinei me tohto kan, oh pelien sahpw tikitik pahn kohieng peneinei me malaulau kan.” (Nem 33:54) Pilipil en usuhso ong wasa me keineko pahn sapweniki sohte pahn wekidekla, ahpw e kak wekidekla ong ni uwen laud en ar sohso. Kahrehda ahnsou me e dierekda me sapwen Suda me nohn laud, sapweo katikala ni ekei eh wasa kan kohieng rehn keinek en Simion.—Sos 19:9.