Iren Sawas kan ong Doaropwehn Kasukuhl ong Mihting en Mour oh Kalohk
May 3-9
SOAHNG KESEMPWAL KAN SANG MAHSEN EN KOHT | NEMPE 27-29
“Kahlemengih Siohwa oh Sohte Lipilipilki Aramas”
Kalaudehla Atail Kesempwalki Sapwellimen Siohwa Irair Kaselel kan
14 Re kohla rehn Moses oh peki eh sawas, nda: “Pwehki eh sohte nah pwutak, ia kahrepen eden at pahpao eh pahn sohrala sang wehin Israel?” Ia duwe, Moses ndaiong irail, ‘Ih duwen Kosonnedo me, oh I sohte kak wia mehkot pwehn sewesehki kumwail’? Soh, e sohte wia met ahpw e patohwanohng Siohwa kahpwalo. (Nemp. 27:2-5) Dahme Siohwa ketin mahsanih? E ketin mahsanihong Moses: “En nein Selopehad serepein kan ar pekipek me pwung; ke pahn kihong irail arail sohso sang rehn kisehn arail pahpao. En arail pahpa eh sohso en kohieng irail.” Oh Siohwa pil ketin wia laudsang met. E ketin padahkihong Moses en kapatahiong met nan Kosonnedo: “Ahnsou me ohl emen pahn kin mehla sohte nah pwutak, nah serepein me pahn ale sohso.” (Nemp. 27:6-8; Sos. 17:1-6) Sang ahnsowo kohdo, lihen Israel koaros me mi nan soangen irairo pahn kin ale sohso.
Kalaudehla Atail Kesempwalki Sapwellimen Siohwa Irair Kaselel kan
15 Pilipil wet uhdahn kasalehda sohte lipilipilki aramas. Sohte me kak sewese pirien limmeno, ahpw Siohwa ketin kasalehiong irail wiewia pahrek oh wahu, duwehte eh ketin wiahiong mehn Israel teikan koaros. (Mel. 68:5) Koasoi wet wia kisehn koasoi tohto nan Paipel me kasalehda me sapwellimen Siohwa wiewia kan ong sapwellime aramas akan kin pahrek.—1 Sam. 16:1-13; Wiewia 10:30-35, 44-48.
Kalaudehla Atail Kesempwalki Sapwellimen Siohwa Irair Kaselel kan
16 Ia duwen atail kak sohte lipilipilki aramas duwehte Siohwa? Tamataman, ihte ma kitail sohte kin lipilipilki aramas iei me pahn kamwakid kitail en kasalehda wiewia pahrek ong koaruhsie. Mwein kitail kin medewe me kitail sohte kin lipilipilki aramas. Ahpw ekei pak, e kin apwal ong kitail en ese ia uhdahn atail pepehm duwen meteikan. Eri ia duwen omw kak diarada ma ke uhdahn sohte lipilipilki aramas? Sises ketin wia mehn kahlemeng mwahu ong kitail. Ni eh kin kupwurki mwahngih dahme aramas akan kin ndindahki ih, e keinemwe rehn kompoakepah ko: “Dahme aramas akan kin ndinda duwen Nein-Aramas, ihs ih?” (Mad. 16:13, 14) Mwein ke kak pilada kompoakepahmw men me ke ese pahn mehleliong uhk oh idek reh, ‘Ke leme ei wiewia ong aramas akan kin pahrek? Meteikan kin medewe me I sohte lipilipilki aramas?’ Karasepe, ele e kakete ndaiong uhk me ekei pak omw wiewia ong pwihn en aramas ehu kin mwahusang ekei aramas, de ke kin mwahu ong irail kan me naineki mwohni tohto de ale sukuhl laud. Ma e pahn ndaiong uhk mepwukat, dahme ke anahne wia? Kapakap ong Siohwa, oh peki en ketin seweseiuk ken wekidala mwomwen omw pepehm duwen meteikan pwe ken kak duwehte ih oh omw wiewia ong koaros en pahrek.—Mad. 7:7; Kol. 3:10, 11.
Ire Kesempwal kan
it-2-E 528 par. 5
Meirong kan
Meirong en wain kan. Meirong en wain kan kin iangete pali laud en meirong teikan meirongala, ahpw mehlel mwurin mehn Israel ko ar soandier nan Sapwen Inowo. (Nem 15:2, 5, 8-10) Met kin wiawihkihda wain (“sakau”) oh kin wudekdiong pohn pei sarawio. (Nem 28:7, 14; pil kilang Eks 30:9; Nem 15:10.) Wahnpoaron Pohl ntinglahng Kristian kan nan Pilipai: “Ma I mweidala pein ngehi en duwehte meirong en wain me kin wudekdiong pohn meirong en doadoahk sarawi me amwail pwoson kin kahrehiong kumwail en wia, I pahn perenda.” Wasaht e doadoahngki lokaiahn karasaras meirong en wain ehu, me kasalehda eh men mweidala pein ih ong rie Kristian kan. (Pil 2:17) Mwohnte eh mehla, e ntinglahng Timoty: “I mweidalahr pein ngehi en duwehte meirong en wain me kin wudekidi, oh ahnsoun ei mehla uhdahn keren.”—2Ti 4:6.
May 10-16
SOAHNG KESEMPWAL KAN SANG MAHSEN EN KOHT | NEMPE 30-31
“Kapwaiada Omw Inou me Ke Kahukihla”
it-2-E 1162
Inoun Kahula
Pein Nsene, ahpw Anahne Kapwaiada ma Kahukihla Inou Ehu. Aramas me kin pein toukihda pein irail en wiahda inoun kahula kan. Ahpw, ni ahnsou me e wiahda inoun kahula ehu, sang ni kosonned en Koht aramaso uhdahn pwukoahki kapwaiada met. Kahrehda inoun kahula ehu kin ‘mi ni mouren emen,’ me wehwehki eh mour uhdahn pidada eh mwekid ong dahme e inoukihdao. (Nem 30:2, NW; pil kilang Ro 1:31, 32.) Pwehki met pidada mour, e sansal dahme kahrehda Paipel kin kangoangehki aramas emen en kin uhdahn kanahieng mwohn eh pahn wiahda inoun kahula ehu, medemedewe ni keneinei soahng kan me e pahn pwukoahki wia. Kosonnedo mahsanih: “Ni amwail pahn kin wia inou ehu ong KAUN-O . . . Koht, kumwail dehr kin kasauala dahme kumwail inoukidahr; KAUN-O pahn ketin kapwukoahnekin kumwail, oh dihp ehu ma kumwail sohte pahn kapwaiada inowo. E sohte wiahda dihp ma kumwail sohte inoukihong KAUN-O mehkot.”—Deu 23:21, 22.
it-2-E 1162
Inoun Kahula
Iei inou kesempwal ehu me wiawihda ong Koht en kapwaiada mehkot, wiahda ekei meirong de kisakis, en mi nan ekei pwukoa de irair, de liksang soahng kei me sohte keinepwi. Inoun kahula iei kasalepen emen eh pein toukihda en wia mehkot ehu sang ni eh saledek en pilipil. Pwehki e wia inou kesempwal ehu, inoun kahula kin kehlail pwehki inou de kahula ehu, oh ekei pak lepin lokaia riau pwukat kin mi nan ire ehute nan Paipel. (Nem 30:2; Md 5:33) “Inoun kahula” kin dokedoke laud dahme emen nda e pahn wia, a “kahula” iei kilelepen pekipek me wiawihong lapalap men me kadehdehda mehlelpen de en uwen toutoun dahme inoudao. Kahula kin kalapw pidada kadehdepen inou lap ehu.—Sen 26:28; 31:44, 53.
Ire Kesempwal akan Sang Nan Pwuhken Nempe
30:6-8—Ohl en Kristian men kak kauwehla inou kan me ah pwoud lih pahn wiahda? Me pid inou kan, Siohwa kin mwekidki met ong emen emen tohnkaudok. Karasepe ehu, inoukihong Siohwa ahmw mour kin wia pein ahmw pilipil. (Kalesia 6:5) Ohl pwopwoud men sohte ahneki manaman en kauwehla ahn ah pwoud lih inou ong Siohwa. Ahpw, lih pwopwoud men pahn kanahieng wiahda inou ehu me pahn uhwongada Mahsen en Koht de ah pwukoa kan ong ah pwoud ohl.
Ire Kesempwal kan
it-2-E 28 par. 1
Sepda
Aramas akan kak poadidiong pwukoahn Siohwa kan me pidada wasa sarawio. Pahpa nohno kan ahneki pwuhng en wia met. Samuel iei emen, me inouda en papah ni impwal sarawio sang ni inoun kahula me eh nohno Ana wiahda mwohn eh ipwidi. Eh pwoudo Elkana pwungki inoun kahula wet. Ni ahnsowohte me Samuel mweisang dihdi, Ana wahla ih ni wasa sarawio. Ana iangahkihla meirong en mahn ehu me iangete Samuel. (1Sa 1:11, 22-28; 2:11) Samson pil emen seri me poadidiong sapwellimen Koht doadoahk nin duwen Nasaraid men.—Sk 13:2-5, 11-14; kapahrekiong en pahpa manaman pohn nah serepein men me kileldi nan Nem 30:3-5, 16.
May 17-23
SOAHNG KESEMPWAL KAN SANG MAHSEN EN KOHT | NEMPE 32-33
“Kasarehsang Tohn Sahpwo Koaros”
w10-E 8/1 23
Ke Kin Ese Duwen Met?
Dahkot “wasa ile kan” me kalapw pwarada nan Palien Paipel ni Lokaiahn Ipru?
Ni ahnsou me mehn Israel kan pahn kereniong pedolong nan Sapwen Inowo, Siohwa ketin mahsanihong irail ren kauwehla wasahn kaudok en mehn Kenan kan koaros me kin kousoan wasao. Koht ketin kehkehlingki: “Kumwail pahn . . . kauwehla arail takai perperda kan koaros oh arail sansal mete kan koaros, oh kumwail pahn kauwehla arail wasa ile sarawi kan koaros.” (Nempe 33:52, NW) Ele wasahn kaudok likamw pwukat mi ni kadoken dohl kan me mahsahspeseng de wasa patapat kan me wiawihda nan wasa teikan, me duwehte pahn tuhke kan de nan kahnimw kan. (1 Nanmwarki 14:23; 2 Nanmwarki 17:29; Esekiel 6:3) Wasa pwukat kak mie pei sarawi kan, uhr de tuhke sarawi kan, sansal kan, mehn isihs warpwohmwahu kan me uhda oh kepwe teikan ong kaudok.
w08-E 2/15 27 par. 5-6
Sukuhlkihsang Sapwung en Mehn Israel kan
Rahnwet, kitail kin lelohng kahpwal kan me duwehte me mehn Israel ko lelohng. Aramas akan rahnpwukat kin mie arail dikedik kan. Mepwukat kin duwehte mwohni, aramas ndand nan kasdo kan, sounmwadong kan, palien politik kan, kaunen palien lamalam kan, kisehn peneinei kan oh pil soahng teikan. Mepwukat kakete wiahla mehkot kesempwal nan atail mour. En kakairada nanpwungmwahu keren rehn irail me sohte kin poakohng Siohwa kak kauwehla atail nanpwungmwahu reh.
Tiahk samin me pid wia nsenen pwopwoud wia kisehn kaudok en Paal me kamwakid oh kalowehdi mehn Israel tohto. Soangen lidip kohte pil kin kalowehdi sapwellimen Koht aramas akan. Karasepe, ihte me anahn ong emen me kin men rapahki soahng kan de sohte kin kanahieng pwehn kauwehla eh nsenmwakelekel iei en kelehpwla doadoahngki computer ehu nan imwe. Ia uwen eh pahn kansensuwed ma Kristian men lohdi ni eh kilang kilel de kasdo suwed nan Internet!
it-1-E 404 par. 2
Kenan
Ni loalokong Sosua “kapwaiada mehkoaros me KAUN-O ketin koasoanediong Moses” duwen en kamwomwala mehn Kenan kan. (Sos 11:15) Ahpw wehin Israel sohte idawehn eh kahlemeng mwahu oh sohte kamwomwala douluhl utupen suwed en sahpwo. En mehn Kenan kan kin mihmihte nanpwungarail me kahrehiong Israel eh saminla, me kedekedeo, ele met me kalaudehla mehlahn me tohto (me pil iangahki kauwehla kosonned, tiahk samin oh pwongih dikedik) sang ar pahn lelepek kapwaiada koasoandien kamwomwala mehn Kenan kan koaros. (Nem 33:55, 56; Sk 2:1-3, 11-23; Me 106:34-43) Siohwa ketin kehkehlingkihong mehn Israel kan me sapwellime pwung pahrek oh sapwellime kadeik sohte pahn lipilipil oh me mehn Israel ko pahn ahneki nanpwungmwahu rehn mehn Kenan kan, pwoudkinirailda, kapatapene pelien lamalam, oh alehda ar tiahk en pelien lamalam kan oh suwedlahn ar wiewia kan pahn wehwehki me re wadohng pein irail soangen koasoandien kamwomwalaohte oh me pahn imwikihla ar pil pahn “lekdeksang nan sahpwo.”—Eks 23:32, 33; 34:12-17; Lip 18:26-30; Deu 7:2-5, 25, 26.
Ire Kesempwal kan
it-1-E 359 par. 2
Irepen Sahpw
Mwurin usuhso eh kasalehda wasa ehu ong keinek ehu, eri e pahn konehng en koasoanehdi ia uwen laud en sapwe me poahsoankihda soahng keriauo: iei uwen tohtohn irail. “Kumwail nehkpeseng sahpwo nanpwungen kadaudok kan oh peneinei kan ni usuhs, oh pelien sahpw laud pahn kohieng peneinei me tohto kan, oh pelien sahpw tikitik pahn kohieng peneinei me malaulau kan.” (Nem 33:54) Pilipil en usuhso ong wasa me keineko pahn sapweniki sohte pahn wekidekla, ahpw e kak wekidekla ong ni uwen laud en ar sohso. Kahrehda ahnsou me e dierekda me sapwen Suda me nohn laud, sapweo katikala ni ekei eh wasa kan kohieng rehn keinek en Simion.—Sos 19:9.
May 24-30
SOAHNG KESEMPWAL KAN SANG MAHSEN EN KOHT | NEMPE 34-36
“Wiahki Siohwa Omw Wasahn Ruk”
Ke Kin Wiahki Siohwa Omw Wasahn Ruk?
4 Ahpw dahme kin wiawi ni mehn Israel men eh depweila kemehla emen? Mehnda ma met depweila ieu, aramaso pwukoahkihte dipen kemehla aramas. (Sen. 9:5) Ahpw nan soangen irairo Siohwa ketin mahsanih me mahk kak kohwong soangen aramaso. Me depweila kemehla aramaso kak tangasang me pwukoahki ikih ih oh kohla ni ehu rehn kahnimw en rukula weneu ko. Ni ahnsou me e mweimweidahr en mi nan kahnimwo, e poadoandoarlahr. Ahpw e anahne mi nan kahnimwo lao samworo lapalap en ahnsowo mehla.—Nemp. 35:15, 28.
Ke Kin Wiahki Siohwa Omw Wasahn Ruk?
6 Ma mehn Israel men depweila kemehla emen, e anahne tenge kahnimw en rukula oh “kawehwehiong kaun akan dahme pweidahro.” Kaun ako anahne kasamwo ih. (Sos. 20:4) Ahnsou ehu mwuhr, re pahn kapwurehla ih nan kahnimw me e kemehla aramaso pwe en ale kopwung rehn kaun akan wasao. (Wadek Nempe 35:24, 25.) Ma kaun ako pilada me kamakamalahn aramaso depweila ehu, irail pahn kapwurehla me kemehla aramaso nan kahnimw en rukulao.
Ke Kin Wiahki Siohwa Omw Wasahn Ruk?
13 Ni aramas me tango eh mihmihier nan kahnimw en rukulao, e solahr anahne perki mehkot. Siohwa ketin mahsanihki kahnimw pwukat: “Mehmen me pahn depweila oh kemehla emen aramas en kak kohla wasao pwehn rukusang aramas me men ikih.” (Sos. 20:2, 3) Siohwa sohte ketin kupwurki aramaso en pwurehng ale kadeikpen sapwung me e wiahdao. Pil ehu, me pwukoahki ikih sohte mweimweiong en pedolong nan kahnimwo pwe en kemehla aramaso. Ni aramas me tango eh mi nan kahnimwo, e kin ale mehn perepe sang rehn Siohwa. E sohte mi nan imweteng ehu. E kak doadoahk, sewese meteikan, oh papah Siohwa ni popohl. Ei, e kak ahneki mour nsenamwahu!
Ire Kesempwal kan
w91-E 2/15 13 par. 13
Pweipwei Ehu me Pahrekiong Dahme Salongala
13 Ahpw, Adam oh Ihp sohte iang paieki pweinen pweipwei sapahlo. Kosonned en Moseso audaudki ire mehlel wet: “Kumwail sohte pahn ale pweinen pweipwei sapahl ong mour en sounkam aramas men me konehng en mehla, pwe e uhdahn pahn kamakamala.” (Nempe 35:31, NW) Adam sohte lohdiong widing, e pein nsenki wiahda dihp. (1 Timoty 2:14) Met imwikihla kamaramas ong kadaudoke kan, pwe met re sohsohkiher soh unsek, eri mihla pahn kalokepen mehla. Sansal me Adam warohng mehla, pwe nin duwen aramas unsek men, e pein nsenki pilada en sapeikiong sapwellimen Koht kosonned. Siohwa en ketin mweidohng Adam en paiekihda pweinen pweipwei sapahlo pahn uhwong sapwellime kaweid pwung kan. Ahpw en pwainla pweinen dipen Adam pahn kemehla manaman en mehla me kowohng kadaudok en Adam kan! (Rom 5:16) Ni kosonned, manaman en dihp loplahr sang ni utupeo. Sounpwainla pweinen pweipwei sapahlo me “pwoukihla aramas koaros” me ketin pwukoahkihdi imwilahn dihp ong nein Adam seri kan koaros.—Ipru 2:9; 2 Korint 5:21; 1 Piter 2:24.
May 31–June 6
SOAHNG KESEMPWAL KAN SANG MAHSEN EN KOHT | DEUDERONOMI 1-2
“Amwail Koasoandi kan Kin Sang Rehn Koht”
w96-E 3/15 23 par. 1
Siohwa—Me Kin Ketin Poakohng me Pwung oh Pwung Pahrek
Elder idihdida en mwomwohdiso kan me pwukoahki kopwung dihp laud kan. (1 Korint 5:12, 13) Ni ar wia met, re kin tamataman me sapwellimen Koht pwung pahrek kin rapahki en kasalehda mahk kalahngan ma kak. Ma sohte kak pwehki me dipadao sohte men koluhla, mahk kalahngan sohte kak kohieng ih. Ahpw elder kan sohte kak pisekensang me wiahda sapwungo nan mwomwohdiso pwehki ar men dupukohng ih. Re pahn koapworopworki me koasoandi en piskenla pahn sewese aramaso en kapwungala eh madamadau. (Pil kilang Esekiel 18:23.) Pahn kaundahn Krais, elder kan kin papah pwehn kasalehda pwung pahrek, oh met pil kin pidada ar kin duwehte “wasahn rukusang kisinieng.” (Aiseia 32:1, 2) Kahrehda re anahne kasalehda ar sohte lipilipilki emen oh madamadau pwung.—Deuderonomi 1:16, 17.
Uhpah Ni Lelepek Sapwellimen Koht Kaunda
4 Ahpw, e sohte itar en ihte ese Kosonnedo pwe en kak wiahla sounkopwung men. Pwehki arail soh unsek, ohl mah pwukat anahne en tehk kanahieng pein arail ineng sapwung kan—me duwehte roporop ong pein irail, pou pali, oh noahrok—pwe mehpwukat kakete kasapwungehla arail kopwung. Moses mahsanih ong irail: “Kumwail dehr kin uhpalihki emen ni amwail pahn kin koasoanehdi pwunglahn ar repenpwung kan, kumwail wia soahng koaros ni pwung pahrek. Kumwail dehr masak emen aramas, pwe amwail koasoandi kan kin sang rehn Koht.” Ei, sounkopwung en Israel kan kin wia kopwung kan ong Koht. Ia uwen kapai wet e nohn sikila oh kaselel!—Deuderonomi 1:16, 17.
Ire Kesempwal kan
Sapwellimen Siohwa Mehn Kataman Kan Me Likilik
9 Ni mehn Israel kan ar tepida arail seiloakla nan sapwtehno me reireiki sounpar 40, Siohwa sohte ketin kawehwehiong irail ni oaritik ia duwen eh pahn ketin kaweid, pere oh apwalih irail. Ahpw e ketin kasalehiong irail ni ahl tohto me e pahn mwahuong irail ma re likih ih oh peikiong sapwellime kaweid kan. Sang ni eh ketin kahluwahkin irail pelien depwek ehu ni rahn oh mpwulen kisiniei ehu ni pwong, Siohwa ketin katamankihong mehn Israel kan me e ketin apwahpwalih irail nan arail seiloak apwalo. (Deud. 1:19; Eks. 40:36-38) E pil ketikihong irail soahng koaros me irail anahne pwe Paipel mahsanih: “Komw ketikihong irail mehkoaros me re kin anahne; ar likou kan sohte mwahn ohla de sohrala, pahnnehrail kan sohte mpwoskipeseng medek.”—Neh. 9:19-21.
June 7-13
SOAHNG KESEMPWAL KAN SANG MAHSEN EN KOHT | DEUDERONOMI 3-4
“Sapwellimen Siohwa Kosonned kan me Erpit oh Pwung”
it-2-E 1140 par. 5
Dehdehki
Onopki oh kapwaiada sapwellimen Koht Mahsen oh kehkehlik kan ni keneinei kak sewese aramas emen en ahneki loalokong laud sang eh sounpadahk kan oh ahneki dehde mwahu laudsang me mah kan. (Me 119:99, 100, 130; pil kilang Lu 2:46, 47.) Pwehki erpit oh dehdehki mi nan sapwellimen Koht koasoandi oh kosonned min kan; ihme kahrehda en mehn Israel kan lelepek kapwaiada mepwukat kak kahrehiong wehi kan me kapil irail en kilengwohng irail nin duwen aramas “loalokong oh kupwurokong” kei. (Deu 4:5-8; Me 111:7, 8, 10; pil kilang 1Na 2:3.) Aramas me ahneki dehde kin pohnese me sohte mehkot kak kauwehla Mahsen en Koht, kahrehda e kin men eh elen mour en kin idawehnte met oh peki sapwellimen Koht sawas ni ahl wet. (Me 119:169) E kin mweidohng sapwellimen Koht rohng en kohdiong nan eh mohngiong (Md 13:19-23), ntingihedi met nan eh mohngiong (Lep 3:3-6; 7:1-4), oh eri kakairada eh kailongki “soangen tiahk suwed koaros” (Me 119:104). Ni ahnsou me sapwellimen Koht Ohlo ketiket nin sampah, e ketin kasalehda eh sapwellimaniki dehde ni ahl wet, pil ni eh sohte ketin pweieksang mehla pohn tuhkehn kalokoloko, pwehki sapwellime pwoula ni ahl wet kin pidada pweidahn dahme Paipel kohpadahr.—Md 26:51-54.
w99-E 11/1 20 par. 6-7
Ni Kadek Sapan Eh Kin Laudla
Lih nanmwarkio pwuriamweikihla dahme e rong oh kilang, oh e sapeng ni aktikitik: “Ia uwen paien sapwellimomwi ladu kan, me kin patopato pahn kupwuromwi ahnsou koaros oh kin patohwan rongorong sapwellimomwi mahsen erpit kan!” (1 Nanmwarki 10:4-8) E sohte koasoakoasoia me nein Solomon ladu ko peren pwehki ar mi wasa kepwehpwe—mendahki ar kepwehpwe. Ahpw, nein Solomon ladu ko pai pwehki re kin kak rongorong en Solomon koasoi erpit kan sang Koht. Ia uwen lih nanmwarki Sipa eh wia mehn kahlemeng mwahu ong sapwellimen Siohwa aramas akan rahnwet, me kin paieki erpit en Sounkapikadao oh sapwellimeo, Sises Krais!
E pil mwahu en tehk dahme lih nanmwarkio ndaiong Solomon mwurin mwo: “Kapinga KAUN-O, omwi Koht!” (1 Nanmwarki 10:9) Sansal me e kilang limen Siohwa nan en Solomon erpit oh paiamwahu. Met pahrekiong dahme Siohwa ketin inoukihong Israel mwoweo. E ketin mahsanih: “Kapwaiada ni loalopwoat [“ei kosonned kan,” NW], pwe met pahn wiahla kadehdepen amwail loalokong oh kupwurokong nan wehi teikan. Pwe ni ar pahn rong duwen kosonned pwukat koaros, re pahn kapingahla, nda, ‘Sohte wehi ehu me loalokong oh kupwurokong duwehte wehi lapalap wet.’”—Deuderonomi 4:5-7.
Ke Kin Kepwehpwe “Mwohn Silangin Koht”?
13 Ni ahnsou me Siohwa ketikihong sapwellime aramas akan kapai kan, e kin ahnsou koaros ketikihda me keieu mwahu. (Seims 1:17) Karasepe, ni ahnsou me Siohwa ketikihong mehn Israel kan sapwarail, sahpwo “diren kepwe oh pwelmwahu.” Mendahki sapwen Isip pil kileldi ni ahlohte, sahpwo me Siohwa ketikihong mehn Israel kan weksang ni ehu ahl me inenen kesempwal. Moses mahsanihong mehn Israel kan: “KAUN-O, amwail Koht, kin ketin apwalih sahpwet.” Met wehwehki me irail pahn pweida pwehki Siohwa pahn ketin apwalih irail. Ni en mehn Israel kan kin kolokol arail lelepek ong Siohwa, re kin ale kapai laud sang reh oh paieki soangen mour me siksang mouren wehi kan koaros me kapilirailpene. Ei, sapwellimen Siohwa kapai me kahrehda “kepwehpwe.”—Nempe 16:13; Deuderonomi 4:5-8; 11:8-15.
Ire Kesempwal kan
Ire Kesempwal akan Sang nan Deuderonomi
4:15-20, 23, 24—Kehkehlik me kohda nan iren Paipel pwukat me pid wiahda sansal kan kin wehwehki me e sohte mweimwei en wiahla sansal kan ong mehn kapwat? Soh. Kehkehlik me kohda wasaht iei kitail en dehpa wiahda sansal kan ong kaudok—pwe Deuderonomi 4:19 mahsanih: ‘kumwail dehpa sapwungala wiahkin irail koht oh pwongih irail.’ Pwuhk Sarawi sohte kin kihda kaweid me e sapwung en wiahda sansal de mahlen kan ong mehn kapwat.—1 Nanmwarki 7:18, 25.
June 14-20
SOAHNG KESEMPWAL KAN SANG MAHSEN EN KOHT | DEUDERONOMI 5-6
“Kaiahnehda Noumwail Seri kan Ren Poakohng Siohwa”
Kumwail Pahpa Oh Nohno Kan, Kihong Oh Kaitarala Anahn En Amwail Peneinei
11 Nan oaralap wet, mwein ehu ire me kin kalapw doadoahk iei Deuderonomi 6:5-7. Menlau pahkpeseng noumwail Pwuhk Sarawi oh wadek iretikitik pwukat. Tehk mwahu me pahpa oh nohno kan anahne en tiengla nan arail nantiong pali ngehn oh kakairada arail limpoak ong Siohwa oh kihong sapwellime mahsen kan nan mongiongarail. Ei, ke anahne wia tohnsukuhl mehlel men en sapwellimen Koht Mahsen, wadek Pwuhk Sarawi kaukaule pwe ken kak kekeirada ahmw loaloakong me pid Mahsen en Koht oh pil limpoak ong sapwellimen Siohwa irair akan, kaweid kan oh kehkehlik kan. Ni imwila, ahmw mongiong pahn direkihla soangen kapwuriamwei kan en Pwuhk Sarawi me pahn kahrehong ken ahneki peren, wauneki oh poakohng Siohwa. Ke pahn ahneki soahng mwahu tohto en ehukihong noumw seri kan.—Luk 6:45.
w07-E 5/15 15-16
Ia Duwen Ei Kak Sewese Nei Seri kan Ren Uhdahn Ale Kasukuhl?
Omw ouraman kan, dahme ke kin kesempwalki oh perenki sohte kin sansaldahte sang dahme ke kin nda ahpw sang pil dahme ke kin wia. (Rom 2:21, 22) Sang ni ar pwelel, seri kan kin sukuhlki mehkot ni ar kin tetehk ni keneinei ar pahpa nohno kan. Seri kan kin diarada dahme kesempwal sang rehn ar pahpa nohno kan, oh ih mepwukat me kin kalapw wiahla mehkot kesempwal ong me pwulopwul kan. Ma ke uhdahn poakohng Siohwa, noumw seri kan pahn kasawihada met. Karasepe, re pahn kilang me wadawad Paipel oh onop kin kesempwal ong uhk. Re pahn esehla me ke kin mwohneki mahs doadoahk en Wehio nan omw mour. (Madiu 6:33) Omw kin kaukaule iang towehda mihting en Kristian kan oh doadoahk en kalohki Wehio pahn kasalehiong irail me en wia pwukoa sarawi ong Siohwa me kin keieu kesempwal ong uhk.—Madiu 28:19, 20; Ipru 10:24, 25.
Kumwail Pahpa Oh Nohno Kan, Kihong Oh Kaitarala Anahn En Amwail Peneinei
14 Nin duwen Deuderonomi 6:7 kasalehda, mie soangen ahnsou tohto me pahpa oh nohno kan kak padahki soangen ngehnin kan ong neirail seri kan. Mehnda ma ahnsou me kumwail kin seiloak, de wiewia amwail doadoahk, de kommoal, ke kak diar ahnsou mwahu en kaitarala ahn noumw seri kan anahn en pali ngehn. Met sohte wehwehki ken ahnsou koaros doadoahngkihte Pwuhk Sarawi ong kaweid. Me weksang met, song en wia amwail koasoipene nan peneinei en wia ahnsoun kangoang ong mehkan en pali ngehn. Karasepe, makisihn en Awake! kin audaudki soangen artikel tohto me kin pidada soangen oaralap tohto. Soangen artikel pwukat kak wia audepen amwail koasoi me kin pid sapwellimen Siohwa kepikipik en mahn akan, wasa kaselel kan nan sampah oh wekpeseng en aramas kan oh arail tiahk me kin inenen kaselel. Soangen koasoakoasoiapene pwukat kak kahrehong irail me pwulopwul kan en tepida wadek duwen sawasepen pwuhk kan me kin kohsang ladu lelepek oh loalokong.—Madiu 24:45-47.
Ire Kesempwal kan
Limpoak oh Pwung Pahrek nan Israel en Mahso
11 Iren mehn kasukuhl kan: Siohwa ketin mwahngih laudsang dahme mi mas likin aramas emen. E ketin mwahngih dahme uhdahn mi loalatail, nan atail mohngiong. (1 Sam. 16:7) Sohte madamadau, pepehm, wiewia me kak wia mehkot rir mwohn silangi. E kin ketin rapahki oh kangoange dahme mwahu rehtail. Ahpw e ketin kupwurki kitail en esehda oh kaunda madamadau sapwung kan mwohn ar wiahla wiewia sapwung kei.—2 Kron. 16:9; Mad. 5:27-30.
June 21-27
SOAHNG KESEMPWAL KAN SANG MAHSEN EN KOHT | DEUDERONOMI 7-8
“Kumwail Dehpa Pwoudikihda Emen Irail”
w12-E 7/1 29 par. 2
Dahme Kahrehda Koht Ketin Kupwurki Sapwellime Tohnkaudok kan Ren Pwoudikihte Iengarail Kristian kan?
Siohwa ketin mwahngiher me Sehdan men kauwehla sapwellime aramas akan ni eh pahn kasohpeirailla ren kaudokiong koht likamw kan. Kahrehda Koht ketin kehkehlingkihong sapwellime aramas akan me irail me seupwoson kan “pahn kahrehiong noumwail seri kan ar pahn sohpeisang KAUN-O oh kaudokiong koht teikan.” Met pidada mehkot laud. Ma wehin Israel dukula en kaudokiong koht teikan, re sohla pahn ahneki kupwuramwahu en Koht oh sapwellime perehpe mwahu, e pahn mengeiong ar imwintihti kan en kaloweiraildi. Eri, ia pahn mwomwen wehio ar kak kapwarehda Mesaia me inoupe mie? Sansal, me mie kahrepen Sehdan eh men lidipe mehn Israel kan ren pwoudikihda me seupwoson kan.
Pwoudikihda “Ihte Emen me Kin Idawehn Kauno”—Kaweid Wet Doadoahkte?
Ahpw, Siohwa ketin kasalehda ni sansal nan sapwellime Mahsen me kitail en pwoudikihda ihte emen me kin idawehn Kauno. Dahme kahrehda? Pwehki e ketin mwahngih dahme mwahu ong sapwellime aramas akan. Kaidehn ihte e ketin kupwurki en pere sapwellime ladu kan sang nsensuwed me kohsang arail wiahda pilipil sapwung, ahpw e pil ketin kupwurki irail en nsenamwahu. Ni mwehin Nehmaia, ahnsou me mehn Suhs tohto pwoudikihda mehn liki kan me sohte kin kaudokiong Siohwa, Nehmaia koasoiahda duwen mehn kahlemeng suwed en Solomon. Mendahki “Koht kin ketin loalloale” Solomon, “lih en liki kan me kahrehiong Nanmwarki Solomon nan dihp.” (Neh. 13:23-26) Eri ong kamwahuparail, Koht ketin kaweid sapwellime ladu kan en pwoudikihda ihte tohnkaudok mehlel kan. (Mel. 19:7-10; Ais. 48:17, 18) Kristian mehlel kan kin uhdahn kalahnganki Koht eh kin ni limpoak ketin apwahpwalih irail oh re kin liki sapwellime kaweid kan. Eri sang ni arail kin uhpahiong ih nin duwen arail Kaun, re kin pohnese me ih me Kaunepen Lahng oh Sampah.—Lep. Pad. 1:5.
Tehk Ihs me Ke Kin Werekiong ni Imwin Rahn akan
12 Kristian kan me men pwopwoudida anahne uhdahn kanahieng ihs me re pilada ren werekiong. Mahsen en Koht katamankihong kitail: “Kumwail dehr kapahrek kumwail ong me seupwoson akan ni amwail doadoahk kan, pwe met sohte kak wiawi. Pwe ia duwen me pwung eh kak miniminiong me sapwung? Ia duwen marain eh kak ehuong rotorot?” (2 Kor. 6:14) Paipel padahkihong sapwellimen Koht ladu kan ren pwoudikihda “ihte emen me kin idawehn Kauno,” me iei, en pwoudikihdahte emen me inoukidahr eh mour oh papidaisla oh kin mour pahrekiong sapwellimen Siohwa koasoandi kan. (1 Kor. 7:39, NW) Ni omw pwoudikihda soangen aramas wet, emen me kin poakohng Siohwa, e pahn mie emen me pahn sewese iuk en kolokol omw lelepek ong Koht.
Ire Kesempwal kan
Siohwa Kin Ketikihong Kitail Atail Anahn En Rahn Koaros
4 Atail kapakap en ketihnain en pali war en ehu ehu rahn pahn pil katamankiong kitail atail anahn en ketihnain en pali ngehn. Mendahki Sises inenen duhpekla mwohn ah kaisihsol ahnsou reirei ehu, ahpw e soikala en Sehdan kasongosong oh mahsanih: “E ntingdier nan Pwuhk Sarawi, ‘Kaidehkin pilawahte me aramas kak mourki, pwe mahsen koaros me kin pwilipwilsang nin doauesen Koht.’” (Madiu 4:4) Wasaht, Sises mahsanih mahsen kan en soukohp Moses, me mahsanihong mehn Israel kan: “[Siohwa] ketin katikitikihkumwailla oh kalehkihkumwailla, e ahpw ketin katungoalehkin kumwail manna, soangen kisin tungoal me kumwail oh amwail pahpa kahlap ako sohte mwahn kin kilang sang mahs kohdo, pwe en kasalehiong kumwail me kaidehkte kisin tungoal me aramas akan kin mourki, pwe soangen mahsen koaros me kin pwilisang nin silangin Kauno.” (Deuderonomi 8:3) Siohwa kin ketikihda manna ong mehn Israel ko kaidehn nin duwen mwengehn paliwarte ahpw e pil wia mehn kasukuhl en pali ngehn. Ehu iren kasukuhl en pali ngehn iei irail pahn “rikada uwen me itarong emen emen ehu ehu rahn.” Ma irail pahn rikpene tohtohla sang me itarong rahno, luwe kan pahn matala oh e pahn diren mwahs. (Eksodus 16:4, 20) Ahpw, met sohte kin wiawi ni keweneu en rahn ni arail pahn kin anahne en rikpene en toutoukihla pak riau pwe en kak itarong ni rahn en Sapad. (Eksodus 16:5, 23, 24) Eri, manna kin katamankin irail laud me irail anahne en peik oh arail mour sohte poasonda pohn pilawa kelehpw ahpw “mahsen koaros me pwilsang douwesen Siohwa.”
June 28–July 4
SOAHNG KESEMPWAL KAN SANG MAHSEN EN KOHT | DEUDERONOMI 9-10
“Dahme Siohwa Omw Koht Ketin Kupwurki Sang Rehmw?”
w09-E 10/1 10 par. 3-4
Dahme Siohwa Ketin Kupwurki Sang Kitail?
Dahme kak kamwakid kitail en men peikiong Koht? Moses koasoia met: “Lemmwiki Siohwa omw Koht.” (Iretikitik 12, NW) Met sohte wehwehki en masak pwehki imwila suwed de lelohng uhk, ahpw en wauneki Koht oh sapwellime ahl akan ni madamadau pwung. Ma kitail direkihla atail wauneki laud Koht, kitail pahn kin men soikala en kansensuwedihada kupwure.
Eri, dahme kin keieu kamwakid kitail en peikiong Koht? Moses koasoia: “Poakohng ih [Siohwa], ken papah Siohwa omw Koht sang nan omw mohngiong unsek oh mour unsek.” (Iretikitik 12, NW) Poakohng Koht kin pidada laudsang ahnekihte pepehm. Ehu pwuhk kawehwehda: “Lokaiahn Ipru me pid mwekid kan ong pepehm kin ekei pak dokedoke wiewia kan me kin kohsang ni pepehm.” Pil pwuhkohte nda me poakohng Koht kin wehwehki “en mwekid ni limpoak” ong ih. Me pil wehwehki, ma kitail uhdahn poakohng Koht, kitail pahn kin mwekid ni ahl akan me kitail ese kin kaperenda kupwure.—Lepin Padahk 27:11.
w09-E 10/1 10 par. 6
Dahme Siohwa Ketin Kupwurki Sang Kitail?
Atail peik sang ni nsenatail pahn wahdo kapai kan. Moses ntingihedi: “Kapwaiada . . . kosonned koaros me I kehkehlingkihong kumwail rahnwet pwe kumwail en nsenamwahu.” (Iretikitik 13) Ei, sapwellimen Siohwa kehkehlik koaros—mehkoaros me e kin ketin kupwurki kitail en wia—iei ong kamwahupatail. Met uhdahn pwung. Paipel mahsanih: “Koht iei limpoak.” (1 Sohn 4:8) Kahrehda, e ketikihongkitailehr soangen kehkehlik kohte me pahn doulahte wia kamwahupatail kohkohlahte. (Aiseia 48:17) En wia mehkoaros me Siohwa ketin kupwurki sang kitail pahn sewese kitail en dehr ahneki pwunod tohto ni ahnsou wet oh ahneki kapai ni ahnsou kohkohdo pahn kaundahn sapwellime Wehi.
cl-E 16 par. 2
Ke Kak Uhdahn “Karanihala Koht”?
2 Ohlen mahso Eipraam iei emen me ahneki nanpwungmwahu keren wet. Siohwa ketin mahsaniheki duwen semen keinek menet “kompoakepahi.” (Aiseia 41:8) Ei, Siohwa ketin wiahki Eipraam nin duwen pein kompoakepah. Eipraam alehdi nanpwungmwahu keren wet pwehki e “kin pwoson Siohwa.” (Seims 2:23) Pil rahnwet, Siohwa kin ketin rapahki ahnsou mwahu kan en “karanihala” irail me kin papah ih sang ni limpoak. (Deuderonomi 10:15, NW) Sapwellime Mahsen kin kangoangehkin kitail: “Kumwail karanihala Koht, oh e pahn ketin karanihala kumwail.” (Seims 4:8) Nan mahsen pwukat kitail kilang me e ketin luke oh wiahda inou ong kitail.
Ire Kesempwal kan
it-1-E 103
Mehn Anak
Keinek en aramas ehu me lapala me kin kousoan ni wasa nahnahn kan en Kenan pil iangahki ni oaroahr kan, ahpw ni mehlel ni palieir en sahpwo. Ehu ahnsowo ohl kesempwal silimen sang mehn Anak, me iei Aiman, Sesai oh Talmai kin kousoan Epron. (Nem 13:22) Iei wasao me lipoahrok en Ipru 12 ko tepin kilangada mehn Anak kan, oh me kahrehda lipoahrok 10 ko wiahda koasoi kamasepwehk ko, dene me ohl pwukat iei kadaudok en Nepilim ko mwohn Nohliko. Oh ma re kapahrekiong irail ong mehn Ipru kan, mehn Ipru kan pahn rasehng “mensiek.” (Nem 13:28-33; Deu 1:28) Ar paliwar laud me kahrehiong aramas kin kapahrekiong irail me re duwehte kodon en mehn Em oh mehn Repa kan. Ele uwen arail kehlail me wiahda lepin kahs me koasoia: “Ihs me kak pelian nein Anak pwutak kan?”—Deu 2:10, 11, 20, 21; 9:1-3, NW.