MOMOUR NIN DUWEN KRISTIAN KEI
Kakehlaka Omw Pwoson Mahsen en Koht
Mahsen en Koht kak wekidala atail mour. (Ipr 4:12) Ahpw, pwe kitail en paiekihda kaweid oh peneu kan loale, kitail anahne kamehlele me met iei “mahsen en Koht.” (1De 2:13) Ia duwen atail kak kakehlaka atail pwoson Paipel?
Wadek ekei wasa nan Paipel ehuehu rahn. Ni omw wadek, rapahki mehn kadehde kan me Paipel pwilisang rehn Siohwa. Karasepe, tehk kaweid kan me mi nan Lepin Padahk oh tehk ia duwen erpit kan loale eh kin kadoadoahk ong atail mour.—Lep 13:20; 14:30.
Wiahda omw koasoandi en onop. Esehla mwahu mehn kadehde kan me kasalehda Paipel pwilisang rehn Koht. Tehk Sawas ong Wia Roporop en Sounkadehdehn Siohwa kan, oh kilang pahnangin oaralap “Paipel” oh mwuri “Kohsang Rehn Koht.” Ke pil kak kakehlaka omw pwoson me rohng kan nan Paipel sohte wekila, sang ni omw kasawih ire kan me mi nan Kahn Iroir No. 4 2016.
KILANG KISIN KASDO WHY WE HAVE FAITH IN . . . GOD’S WORD, OH MWURI SAPENGALA PEIDEK PWUKAT:
Ia duwen dahme dierekda ni dihd en imwen kaudok en Karnak nan Isip, eh kasalehda mehlelpen Mahsen en Koht?
Ia duwen atail ese me rohng kan nan Paipel sohte wekila?
Ia duwen Paipel eh mihmihte leledo rahnwet eh kin kadehdehiong uhk me met iei Mahsen en Koht?—Wadek Aiseia 40:8