Kangoange Emenemen

1. Ni at kangoange emenemen

Pwehn ni lelepek papah Koht,

Limpoak kin kekeirda nanpwungat;

Doadoahk mwahu kin wahdo popohl.

Limpoak me kin mi rehn riat kan

Kihong kiht kehl en dadaur’te.

At mwomwohdiso iei wasahn ruk,

Iei wasa me kansenamwahu.

2. Ni emen nda mehkot kangoang,

Ia ’wen kansenamwahu en rong!

Se kin rong mahsen kamweit pwukat

Sang kompoak’paht lelepek kan.

Ia ’wen eh mwahu en doadoahkpene

Oh ehukihpene koapwor’pwor!

Se kin kangoange emenemen

Pwehn powehdi at pwunod kan.

3. Ni at kin kilengwei ni pwoson

Rahnen Siohwa kerendohr,

Se anahne en kin tuhpene

Pwe sen kak kekeid nan ahlo.

Ni at iang sapwel’me aramas,

Se men papah kohkohlahte.

Se kin kangoange emenemen

Pwehn kolokol at loalopwoat.