KOUL 76
Ia Omw Pepehm?
1. Ia omw pepehm ong met,
omw kalohk, padahk ni ngoang,
Omw wiahda omw pwukoa
en kamwakid emen?
Ke wia ’wen omw kak,
Koht ahpw pahn kanekehla.
E mwahngih me mehlel kan—
irail me poakohng Ih.
(CHORUS)
E kaperen, se kin pohlki
kihda at mohngiong oh ngilat.
Eri at meirong en kaping
en mi erein at mour.
2. Ia omw pepehm ong met,
ni omw koasoi kin lingan
Ong irail me mohngiong pwung
pwehn mour kohkohlahte?
Ekei sohte men rong,
meteikan salongala.
Ahpw se pohlki wa mware
oh kin kal’kalohkte.
(CHORUS)
E kaperen, se kin pohlki
kihda at mohngiong oh ngilat.
Eri at meirong en kaping
en mi erein at mour.
3. Ia omw pepehm ong met,
omw ese Koht kin sawas,
Oh me E ket’kihong uhk
en wia doadoahk wet?
Se pohlki en kalohk,
ni eimah oh pil kadek,
Rapahki me warohng kan;
met pahn kereniong nek.
(CHORUS)
E kaperen, se kin pohlki
kihda at mohngiong oh ngilat.
Eri at meirong en kaping
en mi erein at mour.
(Pil kilang Wiewia 13:48; 1 Des. 2:4; 1 Tim. 1:11.)