PEIDEK 17
Ia duwen Paipel eh kak sewese omw peneinei?
OHL PWOPWOUD KAN/PAHPA KAN
“Pil duwehte, ohl pwopwoud kan uhdahn pahn kin poakohng arail pwoud kan duwehte ar kin poakohng pein paliwararail kan. Ohl me kin poakohng eh pwoud kin poakohng pein ih, pwe sohte me kin kailongki pein paliwere, ahpw e kin kamwenge oh kin kanai . . . Emenemen kumwail uhdahn pahn kin poakohng eh pwoud lih duwehte eh kin poakohng pein ih.”
“Oh pahpa kan, kumwail dehr kamwakara mwahl noumwail seri kan, ahpw kumwail pousehlahte kakairirailda ni kaiahn oh kaweid en Siohwa.”
LIH PWOPWOUD KAN
“Lih pwopwoud men uhdahn pahn kin wauneki laud eh pwoud.”
“Kumwail lih pwopwoud kan, kumwail uhpahiong amwail pwoud kan. Pwe ih met me konehng irail kan me kin idawehn Kauno.”
SERI KAN
“Seri kan, kumwail peikiong amwail pahpa nohno kan ni ahl me Kauno kin ketin kupwurki, pwe met me pwung. ‘Kahkahki semomw oh inomw’ iei tepin kehkehlik me inou ehu iang: ‘Pwe ken pweida mwahu oh mour werei nin sampah.’”
“Kumwail seri kan, kumwail peikiong amwail pahpa nohno kan ni mehkoaros, pwe met kin kaperenda Kauno.”