Peidek kan ong Nai Pwuhk en Poadoapoad Kan en Paipel

Poadoapoad 1

Koht Tapiada Wiahda Mehkan

1. Me mwahu koaros me kitail ahniki kohsang rehn ihs, oh ke kak kihda karasepen met?

2. Dahme Koht keieu wiahda?

3. Dahme kahrehda keieun tohnlengo keieu kesempwal?

4. Kawehwehda duwen mwomwen sampah nin tapio. (Kilang kilel.)

5. Iaduwen Koht kaunopada sampah ong wasa kaselel ehu pwe mahn oh aramas en kak kousoan loale?

Pil ekei peidek kan:

1. Wadek Seremaia 10:12.

   Ia ekei sapwellimen Koht irair akan me sansalkihda soahng kan me e ketin kapikada? (Aiseia 40:26; Rom 11:33)

2. Wadek Kolose 1:15-17.

   Dahme Sises iang wia ni ahnsou me Koht ketin kapikada mehkoaros, oh iaduwen met pahn pidada iaduwen atail kilangwohng ih? (Kol. 1:15-17)

3. Wadek Senesis 1:1-10.

   1. Iaduwen sampah miehla? (Sen. 1:1)

   2. Dahme wiawi nan keieun rahn en kepikipikda? (Sen. 1:3-5)

   3. Kawehwehda dahme wiawi nan keriaun rahn en kepikipikda. (Sen. 1:7, 8)

Poadoapoad 2

Ehu Mwetuwel Kasehlel

1. Iaduwen Koht kaunopada sampah ong atail wasahn kousoan?

2. Kawehwehda duwen soangsoangen mahn me Koht ketin wiahda. (Kilang kilel.)

3. Dahme kahrehda mwetuwel en Ihden wia wasa tohrohr ehu?

4. Dahme Koht mwahuki sampah pwon en wiahla?

Pil ekei peidek kan:

1. Wadek Senesis 1:11-25.

   1. Dahme Koht kapikada nan kesiluhn rahn en kepikipikda? (Sen. 1:12)

   2. Dahme wiawi ni kapahieun rahn en kepikipikda? (Sen. 1:16)

   3. Soangen mahn dah kan me Koht kapikada ni kalimau oh kaweneu en rahn en kepikipikda kan? (Sen. 1:20, 21, 25)

2. Wadek Senesis 2:8, 9.

   Soangen tuhke tohrohr riau dah kan me Koht ketikihdi nan mwetuwelo, oh dahme tuhke pwukat kin karasaiong?

Poadoapoad 3

Keieu en Ohl oh Lih

1. Iaduwen kilel en Poadoapoad 3 weksang kilel en Poadoapoad 2?

2. Ihs me wiahda keieun ohl, oh ia eden ohlo?

3. Soangen doadoahk dah me Koht ketikihong Adam en wia?

4. Dahme kahrehda Koht kahrehong Adam en meir kelikala?

5. Ia uwen werei Siohwa kupwurki Adam oh Ewa en wie memour, oh soangen doadoahk dahieu me e ketin kupwurki ira en wia?

Pil ekei peidek kan:

1. Wadek Melkahka 83:18.

   Ia mwaren Koht, oh soangen manaman dahieu me e kin sapwellimaniki pohn sampah? (Ser. 16:21; Dan. 4:17)

2. Wadek Senesis 1:26-31.

   1. Dahme Koht kapikada ni kaweneun rahn me inenen kaselel, oh iaduwen kepikipikda wet ah weksang mahn akan? (Sen. 1:26)

   2. Soangen koasoandi dahieu me Siohwa ketin koasoanehdi ong aramas oh mahn koaros? (Sen. 1:30)

3. Wadek Senesis 2:7-25.

   1. Dahme doadoahk me Siohwa ketikihong Adam en kihong mahn akan adarail kin pidada? (Sen. 2:19)

   2. Iaduwen Senesis 2:24 kin sewese kitail en wehwehki duwen kupwuren Siohwa ong pwopwoud, katohrohrpeseng oh mweipeseng? (Madiu 19:4-6, 9)

Poadoapoad 4

Dahme Kahrehda Ira Sohlahr Mi Nan Ara Wasahn Kousoan

1. Nan kilel wet, dahme wiwiawiong Adam oh Ewa?

2. Dahme kahrehda Siohwa kaloke ira?

3. Dahme sineiko ndaiong Ewa?

4. Ihs me kahrehong sineiko en kak lokaiaiong Ewa?

5. Dahme kahrehda Adam oh Ewa sohlahr kak mi nan ara wasahn kousoan nan Paradais?

Pil ekei peidek kan:

1. Wadek Senesis 2:16, 17 oh 3:1-13, 24.

   1. Iaduwen serpent a peidek ong Ewa kahrehong Ewa en ahneki madamadau sapwung duwen Siohwa? (Sen. 3:1-5; 1 Sohn 5:3)

   2. Iaduwen ahn Ewa ah pilipil wia mehn kasukuhl ehu ong kitail? (Pil. 4:8; Seims 1:14, 15; 1 Sohn 2:16)

   3. Ni ahl dah Adam oh Ewa kasalehda me ira sohte men pwukoahki pein ara wiewia kan? (Sen. 3:12, 13)

   4. Iaduwen kerup kan me Siohwa ketikihong ni palimesehn mwetuwel en Ihden kasalehda me re kin utungada sapwellimen Siohwa pwung en kaunda lahng oh sampah? (Sen. 3:24)

2. Wadek Kaudiahl 12:9.

   Ia uwen laud en pweidahn en Sehdan doadoahk ni e kin nantihong pwe en kamwekid aramas akan en uhwong sapwellimen Koht kaunda? (1 Sohn 5:19)

Poadoapoad 5

Mour Apwal Ehu Tapiada

1. Ia mwomwen mour en Adam oh Ewa likin mwetuwel en Ihden?

2. Dahme Adam oh Ewa tapiadahr wia, oh dahme kahrehda?

3. Dahme kahrehda nein Adam oh Ewa seri kan pahn laudla, mahla oh mehla?

4. Ma Adam oh Ewa peikiong Siohwa, ia mwomwen mour ong ira oh neira seri kan?

5. Iaduwen ahn Ewa sapeik kahrehong ih medek?

6. Ia eden nein Adam oh Ewa keieun oh keriaun pwutak?

7. Ihs irail seri teikan nan kilel wet?

Pil ekei peidek kan:

1. Wadek Senesis 3:16-23 oh 4:1, 2.

   1. Iaduwen mour en Adam a lelohng apwal pwehki Koht kariala pwelen sampah? (Sen. 3:17-19; Rom 8:20, 22)

   2. Dahme kahrehda ahd me kohwong Ewa me wehwehki “Emen me Memour” konehng? (Sen. 3:20)

   3. Iaduwen Siohwa ketin kasalehda limpoak ong Adam oh Ewa pil mwurin ara dipadahr? (Sen. 3:7, 21)

2. Wadek Kaudiahl 21:3, 4.

   “Soahng mering” dah kan me ke kin kasikasik en sohralahr?

Poadoapoad 6

Emen Pwutak Mwahu oh Emen Suwed

1. Soangen doadoahk dah kan me Kein oh Eipel kin wia?

2. Soangen kisakis dah kan me Kein oh Eipel wahdo pwehn meirongkihong Siohwa?

3. Dahme kahrehda Siohwa uhdahn pwungki kisakis me Eipel wahdo, oh dahme kahrehda e sohte pwungki ahn Kein kisakis?

4. Soangen aramas dahieu Kein, oh iaduwen Siohwa kin ketin song en kapwungala Kein?

5. Dahme Kein wia ni ahnsou me ih oh rie pwutak kelepwla nan mohso?

6. Kawehwehda dahme wiawi ong Kein mwurin ah kemehla rie pwutak.

Pil ekei peidek kan:

1. Wadek Senesis 4:2-26.

   1. Iaduwen Siohwa ketin kawehwehda duwen irair keper me Kein mihmi loale? (Sen. 4:7)

   2. Iaduwen Kein kasalehda irair en ah mohngiong oh madamadau? (Sen. 4:9)

   3. Ia kupwuren Siohwa ong kakerehdi nta ni sohte kahrepe (kemehla aramas)? (Sen. 4:10; Aiseia 26:21)

2. Wadek 1 Sohn 3:11, 12.

   1. Dahme kahrehda Kein lingeringerda, oh iaduwen met kin sewese kitail rahnwet en dehr alasang ih? (Sen. 4:4, 5; Lepin Padahk 14:30; 28:22)

   2. Iaduwen Paipel kin kasalehda me mendahki tohn atail peneinei kin uhwong Siohwa, kitail en kolokolete atail lelepek ong Siohwa? (Mel. 27:10; Madiu 10:21, 22)

3. Wadek Sohn 11:25.

   Dahme Siohwa kamehlelehiong irail kan me mehkihla arail pwoson oh wiewia pwung kan? (Sohn 5:24)

Poadoapoad 7

Ohl Aima Men

1. Iaduwen Ihnok kin weksang aramas teikan?

2. Dahme kahrehda aramas nan mwehin Ihnok kin wia me suwed?

3. Soangen wiewia suwed dah me aramas kin wia ahnsowo? (Kilang kilel.)

4. Dahme kahrehda Ihnok anahne aima?

5. Ia uwen werei aramas kin mour mahs, ahpw ia uwen werei Ihnok momour?

6. Dahme wiawi mwurin Ihnok mehla?

Pil ekei peidek kan:

1. Wadek Senesis 5:21-24, 27.

   1. Ia mwomwen nanpwungen Ihnok oh Siohwa? (Sen. 5:24)

   2. Nin duwen dahme Paipel kin kasalehda, ia eden ohlo me mour keieu werei nan sampah, oh ohlo sounpahr depe ni ahnsou me e mehla? (Sen. 5:27)

2. Wadek Senesis 6:5.

   Ia uwen suwed irair en sampah mwurin Ihnok mehla, oh iaduwen met kin pahrekiong irair en sampah rahnwet? (2 Tim. 3:13)

3. Wadek Ipru 11:5.

   Soangen irair dahieu me Ihnok ahneki me kin “kaperenda Koht,” oh ia imwilahn met? (Sen. 5:22)

4. Wadek Sud 14, 15.

   Iaduwen Kristian akan rahnwet kak kahlemengih aima me Ihnok ahneki ni ahnsou me irail kin pakairkihong aramas akan duwen mahwen en Armakedon me pahn wiawi ni ahnsou kohkohdo? (2 Tim. 4:2; Ipru 13:6)

Poadoapoad 8

Kodon Kan Nan Sampah

1. Dahme wiawi ni ahnsou me ekei tohnleng kan rongada ngilen Sehdan oh duhkiong ih?

2. Dahme kahrehda ekei tohnleng kan uhdi sang arail doadoahk nanleng oh kohdihdo sampah?

3. Dahme kahrehda tohnleng kan sapwung ni arail kohdihdo sampah oh ale ong irail paliwar en aramas?

4. Ia mwomwen nein tohnleng seri kan weksang seri teikan?

5. Sang ni ahmw pahn kilang kilel wet, dahme nein tohnleng seri kan wia ni ahnsou me irail wiahla kodon kei?

6. Mwurin Ihnok, mehnia ohl mwahu me memour pohn sampah, oh dahme kahrehda Koht pwungki ih?

Pil ekei peidek kan:

1. Wadek Senesis 6:1-8.

   Dahme Senesis 6:6 koasoia me kin kasalehda me atail wiewia kan kin kak kaperenda Siohwa de kansensuwedihal kupwure? (Mel. 78:40, 41; Lepin Padahk 27:11)

2. Wadek Sud 6.

   Iaduwen tohnleng kan me “sohte mihmihte nan uhdahn dewerail” ni mwehin Noha kin wia mehn kataman ong kitail rahnwet? (1 Kor. 3:5-9; 2 Pit. 2:4, 9, 10)

Poadoapoad 9

Noah Kauwada Warihmw Ehu

1. Aramas depe mihmi nan ahn Noah peneinei, oh ia eden nah pwutak silimen?

2. Dahme Koht koasoanehdi ong Noah en wia me kapwuriamwei, oh pwekihda?

3. Dahme aramas teikan wia ni ahnsou me Noah padahkiong irail duwen warihmwo?

4. Dahme Koht padahkiong Noah en wia me pid duwen mahn akan?

5. Mwurin Koht ritingihdi wenihmw en warihmwo, dahme Noah oh ah peneinei anahne wia?

Pil ekei peidek kan:

1. Wadek Senesis 6:9-22.

   1. Dahme kahrehda Noah wia emen tohnkaudok en Koht mehlel me inenen mwahu? (Sen. 6:9, 22)

   2. Ia kupwuren Siohwa ong tiahk lemei, oh iaduwen met pahn sewese kitail en pilada mwahu atail mehn kamweit? (Sen. 6:11, 12; Mel. 11:5)

   3. Iaduwen kitail kak kahlemengih Noah ni ahnsou me kitail kin ale kaweid sang sapwellimen Siohwa pwihn? (Sen. 6:22; 1 Sohn 5:3)

2. Wadek Senesis 7:1-9.

   Iaduwen en Siohwa e ketin wiahki ohl soh-unsek Noah en wia aramas pwung men kin wia mehn kangoang ong kitail rahnwet? (Sen. 7:1; Lepin Padahk 10:16; Aiseia 26:7)

Poadoapoad 10

Nohlik Lapalap

1. Dahme kahrehda aramas solahr kak pidelong nan warihmwo ni ahnsou me keteu tepida mweredi?

2. Rahn depe oh pwong depe Siohwa kahrehong keteu en mweredi, oh ia uwen loal en pihlo?

3. Dahme wiawiong warihmwo ni ahnsou me pihl tepida pwaindi sampah?

4. Irail kodon kan pitsang Nohliko, oh dahme wiawi ong pahpa en kodon pwukat?

5. Dahme wiawiong warihmwo mwurin sounpwong limao?

6. Dahme kahrehda Noah kadarala rapen sang nan warihmwo?

7. Iaduwen Noah ese me pihlo tepida keriwei sang pohn sampah?

8. Dahme Koht mahsanih ong Noah mwurin ih oh ah peneinei mihmi nan warihmwo daulih sounpahr ehu?

Pil ekei peidek kan:

1. Wadek Senesis 7:10-24.

   1. Ia uwen Nohliko a kaminehsang mour pohn sampah? (Sen. 7:23)

   2. Mwurin Nohliko, ia uwen werei pihl en Nohliko a wie pwapwainki pwelen sampah? (Sen. 7:24)

2. Wadek Senesis 8:1-17.

   Iaduwen Senesis 8:17 kin kasalehda me kupwuren Siohwa ong sampah sang nin tapio sohte wekila? (Sen. 1:22)

3. Wadek 1 Piter 3:19, 20.

   1. Ni ahnsou me tohnleng sapeik ko pwurdahla nanleng, soangen kadeik dah me kohwong irail? (Sud 6)

   2. Iaduwen poadoapoad en Noah oh ah peneinei kin kakehlailih atail likih Siohwa me E kak kapitala sapwellime aramas akan? (2 Pit. 2:9)

Poadoapoad 11

Keieu en Ahia

1. Sang kilel wet, dahme Noah keieu wia ni ahnsou me ih oh ah peneinei pidoi sang nan warihmwo?

2. Dahme Koht padahkiong Noah oh ah peneinei en wia mwurin Nohliko?

3. Soangen inou dahieu me Koht wiahda?

4. Ni ahmw pahn kilang ahia, dahme e pahn katamankin kitail?

Pil ekei peidek kan:

1. Wadek Senesis 8:18-22.

   1. Iaduwen kitail rahnwet kak “wiahda meirong me pahn pwoh mwahu” ong Siohwa? (Sen. 8:21; Ipru 13:15, 16)

   2. Dahme Siohwa kasalehda duwen irair en mohngiong en aramas akan, oh dahme kitail anahne kanahieng pwe en dehr wia? (Sen. 8:21; Madiu 15:18, 19)

2. Wadek Senesis 9:9-17.

   1. Soangen inou dahieu me Siohwa wiahda ong tohn sampah koaros? (Sen. 9:10, 11)

   2. Ia uwen werei sapwellimen Siohwa inou me pid ahia wia manaman? (Sen. 9:16)

Poadoapoad 12

Aramas Kan Kauwada Ehu Tower Kalaimwun

1. Ihs Nimrod, ia kupwuren Koht ong ih?

2. Dahme kahrehda aramas wiahda prik kan duwehte me sansal nan kilel wet?

3. Dahme kahrehda Siohwa sohte pwungki doadoahk en kaukauw me re wia?

4. Iaduwen Koht a kahrehong aramas kan en uhdi sang arail kauw ihmw ileile wet?

5. Ia eden kahnimwo, oh ia wehwehn ahdo?

6. Dahme wiawiong aramas akan mwurin Koht kapingada arail lokaia kan?

Pil ekei peidek kan:

1. Wadek Senesis 10:1, 8-10.

   Soangen irair dah kan me Nimrod kin kasalehda, oh iaduwen met kin wia mehn kasukuhl ong kitail? (Lepin Padahk 3:31)

2. Wadek Senesis 11:1-9.

   Ia poahsoanpen madamadau me tepiada koukoudahn ihmw ileileo, oh dahme kahrehda doadoahk en kakau ihmwo sohlahr pweikihda? (Sen. 11:4; Lepin Padahk 16:18; Sohn 5:44)

Poadoapoad 13

Apram—Kompoakpen Koht

1. Soangen aramas dah kan kin kousoan nan kahnimw me adaneki Ur?

2. Ihs ohlo me mihmi nan kilel wet, iahd e ipwidi, oh iawasa e kin kousoan?

3. Dahme Koht padahkiong Apram en wia?

4. Dahme kahrehda Apram wiahla kompoakpen Koht?

5. Ihs me iang Apram ni ahnsou me e mweselwei sang Ur?

6. Dahme Koht mahsanih ong Apram ni ahnsou me irail lel sapwen Kenan?

7. Soangen inou dahieu me Koht wiahda ong Apram ni ahnsou me e mahkier sounpahr 99?

Pil ekei peidek kan:

1. Wadek Senesis 11:27-32.

   1. Ia mwomwen Apram oh Lohd ara peneinei? (Sen. 11:27)

   2. Edetehn e ntingdi nan Paipel me Tera me kasauwahda ah peneinei en kohlahng Kenan, iaduwen kitail ese me Apram me tepin medewehda irail en kosoulahng Kenan, oh dahme kahrehda Apram wia met? (Sen. 11:31; Wiewia 7:2-4)

2. Wadek Senesis 12:1-7.

   Iaduwen Siohwa kalaudehla sapwellime inou me e wia ong Apram ni ahnsou me Apram lel sapwen Kenan? (Sen. 12:7)

3. Wadek Senesis 17:1-8, 15-17.

   1. Ia wekideklahn ahd me wiawiong Apram ni ahnsou e mahkier sounpahr 99, oh pwekihda? (Sen. 17:5)

   2. Soangen kapai dah kan me Siohwa inoukihong Sara me pahn wiawi ong ih mwuhr? (Sen. 17:15, 16)

4. Wadek Senesis 18:9-19.

   1. Nan Senesis 18:19, soangen pwukoa dah kan me kileledi ong pahpa kan? (Deud. 6:6, 7; Episos 6:4)

   2. Dahme wiawiong Sara me kin kasalehda me kitail sohte kak ekihla mehkot sang Siohwa? (Sen. 18:12, 15; Mel. 44:21)

Poadoapoad 14

Koht Song Pwoson en Apram

1. Inou dahieu me Koht wiaiong Apram, oh iaduwen Koht e kapwaiada sapwellime inou?

2. Nin duwen me sansal nan kilel wet, iaduwen Koht song pwoson en Apram?

3. Dahme Apram wia, mendahki e sohte wehwehki kahrepe Koht kehkehlikiong ih en wia met?

4. Dahme wiawi ni ahnsou me Apram pwekada nah naip pwen kemehla nah pwutak?

5. Ia uwen kehlail en Apram a pwoson Koht?

6. Dahme Koht ketikihong Apram en meirongki, oh iaduwen e wia met?

Pil ekei peidek kan:

1. Wadek Senesis 21:1-7.

   Dahme kahrehda Apram sirkumsais nah pwutak ni ah mahki rahn waluh? (Sen. 17:10-12; 21:4)

2. Wadek Senesis 22:1-18.

   Iaduwen Aisek kasalehda ah lelepek oh uhpahiong seme, Apram, oh iaduwen met mwete wiewia kesempwal sang me pahn wiawi mwurin ahnsowo? (Sen. 22:7-9; 1 Kor. 5:7; Pilipai 2:8, 9)

Poadoapoad 15

Ahn Lod Pwoud Sohpeila Mwuhri

1. Dahme kahrehda Apram oh Lod tohrohrpeseng?

2. Dahme kahrehda Lod pilada en kousoanla nan Sodom?

3. Soangen aramas dah irail me kin kousoan nan Sodom?

4. Soangen kaweid dah me tohnleng riemen kihong Lod?

5. Dahme kahrehda ahn Lod pwoudo wiahla uren soahl?

6. Soangen mehn kasukuhl dah me kitail kak sukuhliki sang dahme wiawiong ahn Lod ah pwoudo?

Pil ekei peidek kan:

1. Wadek Senesis 13:5-13.

   Nin duwen atail kin nantihong kamwahuwihala kahpwal akan nanpwungen kitail oh aramas teikan, soangen mehn kasukuhl dah me kitail kak sukuhliki sang Apram? (Sen. 13:8, 9; Rom 12:10; Pilipai 2:3, 4)

2. Wadek Senesis 18:20-33.

   Iaduwen sapwellimen Siohwa wiewia kan ong Apram kamwekid kitail en likih me Siohwa oh Sises pahn wia kopwung pwung? (Sen. 18:25, 26; Madiu 25:31-33)

3. Wadek Senesis 19:1-29.

   1. Dahme poadoapoad en Paipel wet kin kasalehda duwen kupwuren Koht ong tiahk en ohl mwahuki ohl oh lih mwahuki lih? (Sen. 19:5, 13; Lipai 20:13)

   2. Ia wekpeseng en Lod oh Apram ara mwekidki kaweid sang Koht, oh dahme kitail kak sukuhliki sang met? (Sen. 19:15, 16, 19, 20; 22:3)

4. Wadek Luk 17:28-32.

   Ia irair en mohngiong en ahn Lod pwoudo me pid duwen kepwe kan en sampah, oh iaduwen met kin wia mehn kasukuhl ehu ong kitail? (Luk 12:15; 17:31, 32; Madiu 6:19-21, 25)

5. Wadek 2 Piter 2:6-8.

   Pwehn kahlemengih Lod, kitail en ahneki soangen madamadau dah me pid sampah suwed wet me kin kapilpene kitail? (Esekiel 9:4; 1 Sohn 2:15-17)

Poadoapoad 16

Aisek Alehda Ah Pwoud Lih Kasehlel Men

1. Ihs ohlo oh liho me mihmi nan kilel wet?

2. Dahme Apram wia pwehn sewese nah pwutak en alehda ah pwoud lih, oh pwekihda?

3. Iaduwen kapakap en ahn Apram ladu sapengla?

4. Iaduwen Rihpeka sapeng ni ahnsou me re idek reh ma e men pwoudki Aisek?

5. Dahme kahrehda Aisek pwurehng nsenamwahula?

Pil ekei peidek kan:

1. Wadek Senesis 24:1-67.

   1. Soangen irair kaselel dah kei me Rihpeka kasalehda ni ahnsou me e tuhwong nein Apram laduo ni pwarer ehu? (Sen. 24:17-20; Lepin Padahk 31:17, 31)

   2. En Apram koasoandi ong Aisek kin wia mehn kasukuhl mwahu dahieu ong Kristian kan rahnwet? (Sen. 24:37, 38; 1 Kor. 7:39; 2 Kor. 6:14)

   3. Dahme kahrehda kitail en koasoanehdi atail ahnsou pwehn kak doudouloale, duwehte Aisek kin wia? (Sen. 24:63; Mel. 77:12; Pilipai 4:8)

Poadoapoad 17

Mpwer Ehu Me Wekpesang

1. Ihs Ihsau oh Seikop, oh iaduwen ira wekpeseng?

2. Ihsau oh Seikop mahki sounpahr depe ni ahnsou me ara pahpa kahlap Apram mehla?

3. Dahme Ihsau wia me kahrehong ah nohno oh pahpa en ahneki nsensuwed laud?

4. Dahme kahrehda Ihsau mwakarada kowahlap pahn rie pwutak, Seikop?

5. Soangen kaweid dah me Aisek kihong nah pwutak Seikop?

Pil ekei peidek kan:

1. Wadek Senesis 25:5-11, 20-34.

   1. Dahme Siohwa kohpada duwen nein Rihpeka pwutak riemeno? (Sen. 25:23)

   2. Ia wekpeseng ahn Seikop oh Ihsau ara madamadau me pid duwen pwungen sohso? (Sen. 25:31-34)

2. Wadek Senesis 26:34, 35; 27:1-46; oh 28:1-5.

   1. Iaduwen Ihsau kasalehda me e sohte kin kesempwaliki soahng ngenin kan? (Sen. 26:34, 35; 27:46)

   2. Dahme Aisek padahkiong Seikop en wia pwe Seikop en kak alehdi kapai kan sang Koht? (Sen. 28:1-4)

3. Wadek Ipru 12:16, 17.

   Iaduwen dahme wiawiong Ihsau kasalehda duwen dahme pahn wiawi ong irail me sohte kin kesempwaliki soahng ngenin kan?

Poadoapoad 18

Seikop Kohieila Aran

1. Ihs serepeino me mihmi nan kilel wet, oh dahme Seikop wia pwehn sewese ih?

2. Dahme Seikop perenki wia pwehn kak pwoudki Resel?

3. Dahme Lapan wia ni ahnsou me e lelehr ahnsou me Seikop kak pwoudki Resel?

4. Dahme Seikop pwungki en wia pwehn kak pwoudki Resel?

Pil ekei peidek kan:

1. Wadek Senesis 29:1-30.

   1. Mendahki Lapan pitihdi Seikop, iaduwen Seikop kasalehda wahu, oh dahme kitail kak sukuhliki sang met? (Sen. 25:27; 29:26-28; Madiu 5:37)

   2. Iaduwen mehn kahlemeng mwahu en Seikop kasalehda wekpeseng nanpwungen limpoak mehlel oh mwahukihda aramas emen? (Sen. 29:18, 20, 30; Melkahkahn Melkahka kan 8:6)

   3. Ia eden lih pahmen me wie kisehn tohn imwen Seikop oh mwuhr neitikihong ih pwutak kan? (Sen. 29:23, 24, 28, 29)

Poadoapoad 19

Seikop Ahniki Ehu Peneinei Laud

1. Ia eden pwutak wenemen me ahn Seikop tepin pwoud, Liah, neitikihehdi?

2. Ia eden pwutak riemen me ahn Liah lidu, Silpah, neitik ong Seikop?

3. Ia eden pwutak riemen me ahn Resel lidu, Pilhah, neitik ong Seikop?

4. Ia eden pwutak riemen me Resel neitikihdi, ahpw dahme wiawi ni ahnsou me e neitikihehdi keriemen en nah pwutako?

5. Nin duwen me sansal nan kilel wet, pwutak depe Seikop naineki, oh dahme kohsang irail?

Pil ekei peidek kan:

1. Wadek Senesis 29:32-35; 30:1-26; oh 35:16-19.

   Nin duwen me sansalda rehn nein Seikop pwutak 12, iaduwen mehn Ipru en mehn kawa ko kin kihong neirail pwutak kan adarail?

2. Wadek Senesis 37:35.

   Mendahki eden Dainah te me ntingdi nan Paipel, iaduwen kitail ese me Seikop naineki serepein tohto likin ih? (Sen. 37:34, 35)

Poadoapoad 20

Dainah Lelohng Apwal

1. Dahme kahrehda Apram oh Aisek sohte mwahuki neirail seri kan en pwoudki mehn Kenan kan?

2. Seikop pwungki nah serepein ah kompoakepahnki serepein en Kenan kan?

3. Ihs ohlo nan kilel wet me kangkakil Dainah, oh dahme e wia me inenen suwed?

4. Dahme rien Dainah pwutak kan, Simion oh Lipai, wia ni ahnsou me ira rongada dahme wiawi?

5. Seikop pwungki dahme Simion oh Lipai wia?

6. Iaduwen kahpwal pwukat koaros tapiada?

Pil ekei peidek kan:

1. Wadek Senesis 34:1-31.

   1. Ahn Dainah ah mwemweitla rehn serepein en Kenan kan iei mehkot me sohte kin kalap wiawi? Kawehwe. (Sen. 34:1)

   2. Dahme kahrehda Dainah pil iang pwukoahkihki dihp en kauwehla ah meipwon? (Kalesia 6:7)

   3. Iaduwen me pwulopwul kan nan rahnwet kasalehda me irail sukuhliki mehkot sang wiewia suwed kan en Dainah? (Lepin Padahk 13:20; 1 Kor. 15:33; 1 Sohn 5:19)

Poadoapoad 21

Rien Sosep Kan Kailongki Ih

1. Dahme kahrehda rien Sosep pwutak kan peirinki ih, oh dahme irail wia?

2. Dahme rien Sosep pwutak kan men wia ong Sosep, ahpw dahme Rupen nda?

3. Dahme wiawi ni ahnsou me sounpisnis en kadaudok en Ismael leldo wasao?

4. Dahme rien Sosep pwutak kan wia pwe arail pahpa en lemeleme me Sosep mehlahr?

Pil ekei peidek kan:

1. Wadek Senesis 37:1-35.

   1. Iaduwen Kristian kan kak kahlemengih mehn kahlemeng mwahu en Sosep oh kehsehki elder kan duwen dihp laud kan me wiawi nan mwomwohdiso? (Sen. 37:2; Lipai 5:1; 1 Kor. 1:11)

   2. Dahme kahrehda rien Sosep pwutak kan wia soahng suwed kan ong ih? (Sen. 37:11, 18; Lepin Padahk 27:4; Seims 3:14-16)

   3. Dahme Seikop wia me kin kalap wiawi rehn aramas me mwahieiki mehlahn emen me re poakpoake? (Sen. 37:35)

Poadoapoad 22

Sosep Kohwong Nan Imweteng

1. Sosep mahki sounpahr depe ansou me irail wahdihlahng Isip, oh dahme wiawi ong Sosep ni ahnsou me re lel wasao?

2. Dahme kahrehda Sosep lekidek ong nan imweteng?

3. Soangen pwukoa dahieu Sosep ale ahnsou me e selidi?

4. Nan imweteng, dahme Sosep wia ong en Paroh sounlang dahl oh sounwia pilawa?

5. Dahme wiawi mwurin sounlang dahlo pidoi sang nan imweteng?

Pil ekei peidek kan:

1. Wadek Senesis 39:1-23.

   Pwehki ni mwehin Sosep sohte kosonned sang Koht me ntingdi me kasalehda e sapwung en kamwahl, dahme kamwekid Sosep en tang sang ahn Podipar pwoudo? (Sen. 2:24; 20:3; 39:9)

2. Wadek Senesis 40:1-23.

   1. Kawehwe ni mwotomwot dahme sounlang dahl auramenda oh kawehwehpen aurameno me Siohwa ketikihong Sosep. (Sen. 40:9-13)

   2. Dahme sounwia pilawa auramenda, oh ia wehwehn ah auramen? (Sen. 40:16-19)

   3. Iaduwen pwihn en ladu lelepek oh loalokong rahnwet kin kahlemengih en Sosep madamadau? (Sen. 40:8; Mel. 36:9; Sohn 17:17; Wiewia 17:2, 3)

   4. Iaduwen Senesis 40:20 kin sewese Kristian kan en ahneki madamadau pwung me pid kasarawi rahn en ipwidi? (Ekl. 7:1; Mark 6:21-28)

Poadoapoad 23

Paroh Auramenda

1. Pwong ehu, dahme wiawi ong Paroh?

2. Dahme kahrehda sounlang dahlo tamanda Sosep?

3. Nin duwen me sansal nan kilel wet, Paroh auramenehda duwen soangen auramen riau dah kan?

4. Dahme Sosep kasalehda duwen wehwehn auramen kan?

5. Iaduwen Sosep wiahla ohl me keriaun lapalap nan Isip pahnangin Paroh?

6. Dahme kahrehda rien Sosep pwutak kan kohdohng Isip, oh dahme kahrehda irail sohte ese Sosep?

7. Mehnia auramen me Sosep eri tamanda, oh met kin sewese ih en wehwehki duwen dah?

Pil ekei peidek kan:

1. Wadek Senesis 41:1-57.

   1. Iaduwen Sosep kin kasalehda me Siohwa me ketikihong ih wehwehn auramen kan, oh ni ahl dahieu Kristian akan rahnwet kak kahlemengih mehn kahlemeng mwahu en Sosep? (Sen. 41:16, 25, 28; Madiu 5:16; 1 Pit. 2:12)

   2. Iaduwen sounpahr isuh rahk lapalap nan Isip oh mwuri sounpahr isuh lehk lapalap kin rasehng irair en pali ngehn en sapwellimen Siohwa aramas rahnwet a kin weksang irair en pali ngehn en palien Kristendom? (Sen. 41:29, 30; Eimwos 8:11, 12)

2. Wadek Senesis 42:1-8 oh 50:20.

   E sapwung ma tohnkaudok en Siohwa kan pahn poaridiong aramas men pwehn kasalehda wahu pwehki aramaso ahneki pwukoa laud oh aramas en sahpwo kin wia met nin duwen tiahk en sahpwo? (Sen. 42:6)

Poadoapoad 24

Sosep Kasonge Rie Kan

1. Dahme kahrehda Sosep karaunehki me rie pwutak kan wia lipoahrok kei?

2. Dahme kahrehda Seikop mweidohng nah pwutak me keieu tikitik, Pensamin, en kohlahng Isip?

3. Iaduwen nein Sosep kep silpero a mihla nan ahn Pensamin ehdo?

4. Dahme Sudah nda me e kak wia pwe Sosep en mweidohng Pensamin en pitla?

5. Iaduwen rien Sosep pwutak kan wekila?

Pil ekei peidek kan:

1. Wadek Senesis 42:9-38.

   Iaduwen dahme Sosep nda nan Senesis 42:18 kin wia mehn kataman mwahu ong irail me ahneki pwukoa nan sapwellimen Siohwa pwihn rahnwet? (Nehmaia 5:15; 2 Kor. 7:1, 2)

2. Wadek Senesis 43:1-34.

   1. Mendahki Reupen iei ih me mesenih, dahme kahrehda e sansal me Suda me wia sounlokaiahki ih oh rie ko? (Sen. 43:3, 8, 9; 44:14, 18; 1 Kronikel 5:2)

   2. Iaduwen Sosep kasonge rie pwutak kan, oh pwekihda? (Sen. 43:33, 34)

3. Wadek Senesis 44:1-34.

   1. Pwe Sosep sohte men kasalehong rie pwutak kan ihs ih, e mwomwehda me ih mehn ia? (Sen. 44:5, 15; Lipai 19:26)

   2. Iaduwen rien Sosep pwutak kan kasalehda me irail solahr peiriniong riarail pwutak Sosep duwehte dahme re kin wia nin tepio? (Sen. 44:13, 33, 34)

Poadoapoad 25

Peneineio Kohdihla Isip

1. Dahme wiawi ni ahnsou me Sosep ndaiong rie pwutak kan ihs ih?

2. Dahme Sosep kin, ni lokaia kadek, kawehwe ong rie pwutak kan?

3. Dahme Paroh padahkiong Sosep ni e rongada duwen rien Sosep pwutak kan?

4. Irail meh depe me kisehn ahn Seikop peneinei ni ahnsou me irail kosoulahng Isip?

5. Ahd dahieu me kohwong kadaudok en Seikop kan, oh pwekihda?

Pil ekei peidek kan:

1. Wadek Senesis 45:1-28.

   Iaduwen poadoapoad en Sosep kasalehda me Siohwa kak kawekila irair ehu me kak kauwehla sapwellime ladu kan ong irair ehu me pahn imwila mwahu? (Sen. 45:5-8; Aiseia 8:10; Pilipai 1:12-14)

2. Wadek Senesis 46:1-27.

   Dahme Siohwa kamehleleiong Seikop ni ahnsou e kohkohlahng Isip? (Sen. 46:1-4, footnote)

Poadoapoad 26

Sop Lelepak ong Koht

1. Ihs Sohp?

2. Dahme Sehdan nantihong wia, ahpw e pweida?

3. Dahme Siohwa ketikihong Sehdan mweimwei en wia, oh pwekihda?

4. Dahme kahrehda ahn Sohp pwoudo ndaiong ih en “kariala Koht oh mehla”? (Kilang kilelo.)

5. Ni ahmw pahn kilang keriaun kilel, iaduwen Siohwa kapaiada Sohp, oh pwekihda?

6. Ma kitail, duwehte Sohp, pahn lelepek ong Siohwa, soangen kapai dah kan kitail kak alehdi?

Pil ekei peidek kan:

1. Wadek Sohp 1:1-22.

   Iaduwen Kristian akan rahnwet kak kahlemengih Sohp? (Sohp 1:1; Pilipai 2:15; 2 Pit. 3:14)

2. Wadek Sohp 2:1-13.

   Ni soangen ahl riau dah kan me Sohp oh ah pwoudo mwekidki ahn Sehdan uhwong? (Sohp 2:9, 10; Lepin Padahk 19:3; Maika 7:7; Mal. 3:14)

3. Wadek Sohp 42:10-17.

   1. Dahme duwepenehte nin duwen kapai kan me Sohp alehdi oh kapai kan me Sises alehdi pwehki ara ahneki mour lelepek? (Sohp 42:12; Pilipai 2:9-11)

   2. Iaduwen kitail kin ale kangoang ni ahnsou me kitail kin rong duwen kapai kan me Sohp alehdi pwehki e lelepek ong Koht? (Sohp 42:10, 12; Ipru 6:10; Seims 1:2-4, 12; 5:11)

Poadoapoad 27

Nanmwahrki Suwed Men Kaunda Isip

1. Nan kilel wet, ihs ohlo me doadoahngki mehn kamakam, oh ihs me e wetih?

2. Mwurin Sosep mehla, dahme wiawiong mehn Israel kan?

3. Dahme kahrehda mehn Isip kan kin masak mehn Israel kan?

4. Soangen kehkehlik dah me Paroh kihong lih kan me kaneitikih lihen Israel kan?

Pil ekei peidek kan:

1. Wadek Eksodus 1:6-22.

   1. Ni ahl dah me Siohwa kapwaiada sapwellime inou ong Apram? (Eks. 1:7; Sen. 12:2; Wiewia 7:17)

   2. Iaduwen sounkeneitik ko me kin kaneitikih lihen Ipru kan kin kasalehda ara kesempwaliki mour? (Eks. 1:17; Sen. 9:6)

   3. Iaduwen sounkeneitik pwukat ale kapai kan pwehki arail lelepek ong Siohwa? (Eks. 1:20, 21; Lepin Padahk 19:17)

   4. Iaduwen Sehdan songen kauwehla kupwuren Siohwa me pid Kadaudok en Apram me inoudahro? (Eks. 1:22; Madiu 2:16)

Poadoapoad 28

Iaduen Seri Moses Kamourala

1. Ihs serio me mihmi nan kilel wet, oh ihs liho me serio kolokol sendinpeo?

2. Dahme ahn Moses nohno wia pwehn kapitala ih sang kamakamala?

3. Ihs serepeino me mihmi nan kilel wet, oh dahme e wia?

4. Ni ahnsou me nein Paroh serepein diarada serio, dahme Miriam idek reh?

5. Dahme nein Paroh serepeino ndaiong ahn Moses nohno?

Pil ekei peidek kan:

1. Wadek Eksodus 2:1-10.

   Soangen ahnsou mwahu dah me ahn Moses nohno ahneki ong kaiahne Moses ni ahnsou me e wia seri pwelelte, oh soangen mehn kahlemeng mwahu dahieu met kin wia ong pahpa oh nohno kan rahnwet? (Eks. 2:9, 10; Deud. 6:6-9; Lepin Padahk 22:6; Episos 6:4; 2 Tim. 3:15)

Poadoapoad 29

Dahme Kahrehda Moses Tangwei

1. Moses laudla iawasa, ahpw dahme e ese duwen uhdahn ah nohno oh pahpa?

2. Dahme Moses wia ni ahnsou me e mahkier sounpahr 40?

3. Dahme Moses padahkiong ohlen Israel men me wie pepei, oh dahme ohlo nda ni e sapengki Moses?

4. Dahme kahrehda Moses tangasang Isip?

5. Moses tangalahng iawasa, oh ihs me e tuhwong wasao?

6. Dahme Moses wia erein sounpahr 40 mwurin e tangasang Isip?

Pil ekei peidek kan:

1. Wadek Eksodus 2:11-25.

   Mendahki Moses ale mehn kasukuhl laud me pid duwen loalokong en mehn Isip kan, iaduwen Moses kasalehda ah lelepek ong Siohwa oh lelepek ong sapwellimen Siohwa aramas akan? (Eks. 2:11, 12; Ipru 11:24)

2. Wadek Wiewia 7:22-29.

   Soangen mehn kasukuhl dah me kitail sukuhliki sang Moses ah nantihong pein kapitala mehn Israel oko sang pahn kanaudok en mehn Isip kan? (Wiewia 7:23-25; 1 Pit. 5:6, 10)

Poadoapoad 30

Tuhke Ehu Lulul

1. Ia eden nahna me mihmi nan kilel wet?

2. Kawehwe dahme wiawi me kapwuriamwei me Moses kilangada ni ahnsou me e kohla ni nahnao iangahki nah sihpw kan.

3. Dahme ngihl ehu me kohsang nan tuhkeo mahsanih, oh ngilen ihs mwo?

4. Dahme Moses nda ni ahnsou me Koht padahkiong ih en kahluwa sapwellime aramas sang nan Isip?

5. Dahme Koht padahkiong Moses en nda me aramas pahn idek reh ihs me kadarada ih?

6. Iaduwen Moses pahn kasalehda me Koht kadarala ih?

Pil ekei peidek kan:

1. Wadek Eksodus 3:1-22.

   Iaduwen dahme wiawiong Moses kin sewese kitail ni ahnsou me pwukoahn mwomwohdiso kohwong kitail oh kitail pepehm me kitail sohte itar ong wia pwukoah kan, kitail kak likih me Siohwa pahn sewese kitail? (Eks. 3:11, 13; 2 Kor. 3:5, 6)

2. Wadek Eksodus 4:1-20.

   1. Soangen wekideklahn madamadau dah me Moses ahnekihda ni a koukousoan nan Midian erein sounpahr 40, oh mehn kasukuhl mwahu dah met kin wia ong irail kan me men ale pwukoa kan nan mwomwohdiso? (Eks. 2:11, 12; 4:10, 13; Maika 6:8; 1 Tim. 3:1, 6, 10)

   2. Mendahki kitail kin ale kaweid sang Siohwa ki sapwellime pwihn, soangen pepehm en likilik dah me mehn kahlemeng mwahu en Moses kin kihong kitail? (Eks. 4:12-14; Mel. 103:14; Ipru 12:4-11)

Poadoapoad 31

Moses oh Aaron Tuhong Paroh

1. Iaduwen mehn Israel kan mwekidki manaman me Moses oh Aaron kasalehong irail?

2. Dahme Moses oh Aaron padahkiong Paroh, oh dahme Paroh sapeng?

3. Nin duwen me sansal nan kilel wet, dahme wiawi ni ahnsou me Aaron kesehdi nah sokon?

4. Iaduwen Siohwa peneukihong Paroh mehn peneu kei, oh iaduwen Paroh mwekidki met?

5. Dahme wiawi mwurin kalokolok kaeiseko?

Pil ekei peidek kan:

1. Wadek Eksodus 4:27-31 oh 5:1-23.

   Ia wehwehn ahn Paroh lokaia ni ahnsou me e nda: “Uhdahn I sehse ihs Siohwa”? (Eks. 5:2; 1 Sam. 2:12; Rom 1:21)

2. Wadek Eksodus 6:1-13, 26-30.

   1. Soang dah kan me pid duwen pein Ih me Siohwa saikinte kasalehong Abram, Aisek, oh Seikop duwen pein Ih? (Eks. 3:13, 14; 6:3; Sen. 12:8)

   2. Ia atail pepehm ni atail sukuhliki me Siohwa doadoahngkihte Moses mendahki Moses pehm me e sohte warohng pwukoa wet? (Eks. 6:12, 30; Luk 21:13-15)

3. Wadek Eksodus 7:1-13.

   1. Ni ahnsou me Moses oh Aaron kin, ni eimah, kasalehong Paroh kadeik sang Siohwa, soangen mehn kahlemeng dah me ira wia ong sapwellimen Koht ladu kan rahnwet? (Eks. 7:2, 3, 6; Wiewia 4:29-31)

   2. Iaduwen Siohwa kasalehda me e sapwellimaniki manaman laud sang koht likamw akan en Isip? (Eks. 7:12; 1 Kronikel 29:12)

Poadoapoad 32

Kalokolok 10

1. Sang ni ahmw kilang kilel pwukat, kawehwe duwen tepin kalokolok siluh me Siohwa wiaiong Isip.

2. Ia wekpeseng en tepin kalokolok siluh oh kalokolok teikan?

3. Ia kalokolok kapahieu, kalimau, oh kawenou?

4. Kawehwehda mwomwen kalokolok kaisuh, kawaluh, oh kaduau.

5. Dahme Siohwa padahkiong mehn Israel kan en wia mwohn kalokolok kaeiseko?

6. Dahme wiawi ni kalokolok kaeiseko, oh dahme wiawi mwurin kalokoloko?

Pil ekei peidek kan:

1. Wadek Eksodus 7:19–8:23.

   1. Mendahki sounakmanaman kan en Isip kak wiahda soangen manamanohte me Siohwa wia ni kalokolok keieu oh keriau, dahme irail anahne wehkada ni kesiluhn kalokoloko? (Eks. 8:18, 19; Madiu 12:24-28)

   2. Iaduwen kapahieu en kalokolok kasalehda me Siohwa sapwellimaniki kehl en pere sapwellime aramas akan, oh ia pepehm en sapwellimen Koht aramas akan ong “kahn kamakam kowahlap” ni arail kin wehwehkihda duwen sapwellimen Siohwa kehl en pere sapwellime aramas? (Eks. 8:22, 23; Kaudiahl 7:13, 14; 2 Kronikel 16:9)

2. Wadek Eksodus 8:24; 9:3, 6, 10, 11, 14, 16, 23-25; oh 10:13-15, 21-23.

   1. Soangen pwihn en aramas riau dah kei me sansalda ni ahnsou me Kalokolok Eisek wiawi, oh iaduwen met kin kamwekid atail kilangwohng pwihn riau pwukat rahnwet? (Eks. 8:10, 18, 19; 9:14)

   2. Iaduwen Eksodus 9:16 sewese kitail en wehwehki dahme kahrehda Siohwa mweidohng Sehdan en memourete lel rahnwet? (Rom 9:21, 22)

3. Wadek Eksodus 12:21-32.

   Iaduwen Pasohpa sewese tohto en ale komourparail, oh Pasohpa kin wia kilelepen dahieu? (Eks. 12:21-23; Sohn 1:29; Rom 5:18, 19, 21; 1 Kor. 5:7)

Poadoapoad 33

Kotehla Sehd Weitahta

1. Ohlen Israel depe, iangahki lih oh seri kan, pidoi sang Isip, oh ihs me pil iang irail?

2. Ia mwomwen en Paroh ah pepehm mwurin arail kadarala mehn Israel kan, oh dahme e wia?

3. Dahme Siohwa ketin wia on mehn Isip kan pwehn kauhdi irail en dehr peiong sapwellime aramas akan?

4. Dahme wiawi ni ahnsou me Moses kauala nah sokon pohn Sehd Weitahta, oh dahme mehn Israel kan wia?

5. Dahme wiawi ni ahnsou me mehn Isip kan pwakihdiwei mehn Israel kan nan Sehd Weitahta?

6. Iaduwen mehn Israel kan kasalehda me re peren oh kalahngankihong Siohwa e kapitirailla?

Pil ekei peidek kan:

1. Wadek Eksodus 12:33-36.

   Dahme Siohwa wiaiong irail mehn Israel kan pwe ren kak ale kapai kan pwehki arail kaliduh pahn mehn Isip kan ki sounpahr tohto? (Eks. 3:21, 22; 12:35, 36)

2. Wadek Eksodus 14:1-31.

   Iaduwen sapwellimen Moses mahsen kan me kileledi ni Eksodus 14:13, 14 kamwekid sapwellimen Siohwa ladu kan rahnwet ni arail kin kaunopada ong mahwen en Armakedon me kohkohdo? (2 Kronikel 20:17; Mel. 91:8)

3. Wadek Eksodus 15:1-8, 20, 21.

   1. Dahme kahrehda sapwellimen Siohwa ladu kan en koulki koul en kaping kan ong Siohwa? (Eks. 15:1, 2; Mel. 105:2, 3; Kaud. 15:3, 4)

   2. Soangen mehn kahlemeng mwahu dah kan me pid kapinga Siohwa me Miriam oh lih kan ni Sehd Weitahta wia ong lih Kristian kan rahnwet? (Eks. 15:20, 21; Mel. 68:11)

Poadoapoad 34

Ehu Soahngen Mwenge Kapw

1. Nan kilel wet, dahme aramas kan rikirik sang pohn pwel, oh ia ede?

2. Soangen kaweid dahieu me Moses padahkiong aramas duwen rikirik manna?

3. Dahme Siohwa kin padahkiong aramas en wia ni kewenou en rahn, oh pwekihda?

4. Soangen manaman dah me Siohwa kin wia ni ahnsou me irail kin kolokol manna ong kaisuh en rahn?

5. Ia uwen werei Siohwa kin kamwengehkin sapwellime aramas akan manna?

Pil ekei peidek kan:

1. Wadek Eksodus 16:1-36 oh Nempe 11:7-9.

   1. Dahme Eksodus 16:8 kasalehda me pid duwen atail en wauneki irail kan me pilipilda nan mwomwohdiso? (Ipru 13:17)

   2. Nan sapwtehno, iaduwen mehn Israel kan kin rahn koaros ale mehn kataman en kin likih Siohwa? (Eks. 16:14-16, 35; Deud. 8:2, 3)

   3. Ni wehwehn karasaras, iaduwen Sises rasehng manna, oh iaduwen kitail kin iang paiekihda “pilawahn komour sang nanleng”? (Sohn 6:31-35, 40)

2. Wadek Sosua 5:10-12.

   Erein sounpahr depe me mehn Israel kan kang manna, oh iaduwen met kin wia kasongpen arail pwoson, oh dahme kitail kak sukuhliki sang met? (Eks. 16:35; Nempe 11:4-6; 1 Kor. 10:10, 11)

Poadoapoad 35

Siohwa Ketikihda Sapwellime Kosonned kan

1. Mwurin sounpwong riau mwurin arail mwesel sang Isip, iawasa irail mehn Israel kan kohla ie oh kousoandi ahnsoukis?

2. Dahme Siohwa kupwurki sapwellime aramas kan en wia, oh ia arail pasapeng ong met?

3. Dahme kahrehda Siohwa ketikihong Moses takai patapat riau kan?

4. Likin Kosonned Eisek ko, kosonned dah kei Siohwa ketikihong mehn Israel kan?

5. Kosonned riau dah kei me Sises Krais kasalehda me keieu kesempwal?

Pil ekei peidek kan:

1. Wadek Eksodus 19:1-25; 20:1-21; 24:12-18; oh 31:18.

   Iaduwen mahsen kan me kileledi ni Eksodus 19:8 kin sewese kitail en wehwehki soahng dah kan me pidada en inoukihong Siohwa atail mour? (Madiu 16:24; 1 Pit. 4:1-3)

2. Wadek Deuderonomi 6:4-6; Lipai 19:18; oh Madiu 22:36-40.

   Iaduwen Kristian kan kak kasalehda arail limpoak ong Koht oh mehn mparail? (Mark 6:34; Wiewia 4:20; Rom 15:2)

Poadoapoad 36

Kou Kohl

1. Nan kilel wet, dahme aramas pwukat wiewia, oh dahme kahrehda?

2. Dahme kahrehda Siohwa engiengda kowahlap, oh dahme Moses wia ni ahnsou me e kilang dahme aramas akan wiewia?

3. Dahme Moses padahkiong ekei ohl ko en wia?

4. Soangen mehn kasukuhl dahieu kitail kak sukuhliki sang poadoapoad wet?

Pil ekei peidek kan:

1. Wadek Eksodus 32:1-35.

   1. Iaduwen poadoapoad wet kin kasalehda duwen kupwuren Siohwa ong patpenehn kaudok likamw oh kaudok mehlel? (Eks. 32:4-6, 10; 1 Kor. 10:7, 11)

   2. Dahme Kristian akan anahne kanahieng ni ahnsou me irail kin pilada arail mehn kamweit, duwehte koul kan oh kahlek kan? (Eks. 32:18, 19; Episos 5:15, 16; 1 Sohn 2:15-17)

   3. Iaduwen keinek en Lipai wia mehn kahlemeng mwahu me pid kesihnenda teng ong dahme pwung? (Eks. 32:25-28; Mel. 18:25)

Poadoapoad 37

Impwal Ehu Mehn Kaudok

1. Ia eden ihmw me mihmi nan kilel wet, oh aramas kin doadoahngki ihmwo ong dah?

2. Dahme kahrehda Siohwa padahkiong Moses me ihmw wet en wiawihda ni mwohmw ehu me pahn mengei en kamwermweridi?

3. Kohpwahn dahieu me mihmi nan pere tikitik, oh dahme kin mihmi nan kohpwao?

4. Ihs me Siohwa pilada en wia samworo lapalap, oh dahme samworo lapalapo kin wia?

5. Kawehwe ia eden soahng siluh me mihmi nan pere laud en impwalo.

6. Soahng riau dah kan me mihmi likin impwalo, oh iaduwen irail kin doadoahngki soahng riau pwukat?

Pil ekei peidek kan:

1. Wadek Eksodus 25:8-40; 26:1-37; 27:1-8; oh 28:1.

   Dahme tohnleng kerup kan me mihmi pohn “kohpwa en inou” kin wehwehki? (Eks. 25:20, 22; Nempe 7:89; 2 Nan. 19:15)

2. Wadek Eksodus 30:1-10, 17-21; 34:1, 2; oh Ipru 9:1-5.

   1. Dahme kahrehda Siohwa kin ketin kasalehda kesempwalpen samworo kan en mwakelekel ni paliwar ni ahnsou me irail kin doadoahk nan impwalo, oh iaduwen kitail pahn mwekidki met rahnwet? (Eks. 30:18-21; 40:30, 31; Ipru 10:22)

   2. Iaduwen wahnpoaron Pohl kasalehda me koasoandi en impwal oh pil Kosonned en Moses sohlahr manaman ni ahnsou me e ntingwohng mehn Ipru Kristian kan? (Ipru 9:1, 9; 10:1)

Poadoapoad 38

Lipahrok 12

1. Dahme ke kilang duwen wahn kreip ko me mihmi nan kilel wet, oh iawasa wahn tuhke pwukat kohsang ie?

2. Dahme kahrehda Moses kadarala lipoahrok 12 nan sapwen Kenan?

3. Dahme lipoahrok ehko padahkiong Moses ni ahnsou me irail pwurodo?

4. Iaduwen lipoahrok riemen kasalehda arail likih Siohwa, oh ia eden lipoahrok riemen?

5. Dahme kahrehda Siohwa engiengda kowahlap, oh dahme e padahkiong Moses?

Pil ekei peidek kan:

1. Wadek Nempe 13:1-33.

   1. Ihs me pilipilda pwehn dawih sahpwo, oh soangen kapai dahieu irail kakete ahneki sang met? (Nempe 13:2, 3, 18-20)

   2. Dahme kahrehda ahn Sosua oh Kalep ara madamadau weksang lipoahrok teikan, oh dahme kitail kak sukuhliki sang met? (Nempe 13:28-30; Madiu 17:20; 2 Kor. 5:7)

2. Wadek Nempe 14:1-38.

   1. Soangen kaweid dah me pid lipahnedih irail me Siohwa pilada en wilian Ih pohn sampah me kitail anahne tehk? (Nempe 14:2, 3, 27; Madiu 25:40, 45; 1 Kor. 10:10)

   2. Iaduwen Nempe 14:24 kasalehda me Siohwa kin nsenohki emen emen sapwellime ladu kan? (1 Nan. 19:18; Lepin Padahk 15:3)

Poadoapoad 39

Rohs Wosada Ni Sokon en Aaron

1. Ihs me uhwong kaundahn Moses oh Aaron, oh dahme irail ndaiong Moses?

2. Dahme Moses padahkiong Korah oh ienge meh 250 en wia?

3. Dahme Moses ndaiong aramas akan, oh dahme wiawi ni ahnsou me Moses kaimwisekela ah koasoi?

4. Dahme wiawiong Korah oh kiseh meh 250?

5. Dahme Eliasar, nein Aaron ohl, wia ong mehn deupen kisiniei ko sang rehn me mehlahr ko, oh pwekihda?

6. Dahme kahrehda Siohwa kahrehong rohs kan en wosada sang ni sokon en Aaron? (Kilang kilelo.)

Pil ekei peidek kan:

1. Wadek Nempe 16:1-49.

   1. Dahme Korah oh ienge kan wia, oh dahme kahrehda met wia wiewiahn uhwong Siohwa? (Nempe 16:9, 10, 18; Lipai 10:1, 2; Lepin Padahk 11:2)

   2. Soangen madamadau sapwung dahieu me Korah oh irail meh 250 en “kaun ndand kei me pilipilda sang rehn mehn Israel ko” ahneki? (Nempe 16:1-3; Lepin Padahk 15:33; Aiseia 49:7)

2. Wadek Nempe 17:1-11 oh 26:10.

   1. Dahme rohs me wosada ni en Aaron sokono kin wehwehki, oh dahme kahrehda Siohwa ketin koasoanehdi me sokono pahn nekinekila nan kohpwahn inou? (Nempe 17:5, 8, 10)

   2. Soangen mehn kasukuhl dahieu kitail kak sukuhliki sang dahme wiawiong nein Aaron sokon? (Nempe 17:10; Wiewia 20:28; Pil. 2:14; Ipru 13:17)

Poadoapoad 40

Moses Poakih Takai

1. Iaduwen Siohwa kin apwahpwalih mehn Israel kan ni ahnsou me irail mihmi nan sapwtehn?

2. Soangen kaulim dahieu me mehn Israel kin wia ni ahnsou me irail kousoandi ahnsoukis nan Kades?

3. Iaduwen Siohwa ketikihda itar pihl ong aramas oko oh neirail mahn akan?

4. Nan kilel wet, ihs ohlo me pein idih ih, oh dahme kahrehda e wia met?

5. Dahme kahrehda Siohwa engiengda pahn Moses oh Aaron, oh iaduwen e ketin kaloke ira?

6. Dahme wiawi ni Nahna Or, oh ihs me uhd wiahla samworo lapalap en wehin Israel?

Pil ekei peidek kan:

1. Wadek Nempe 20:1-13, 22-29 oh Deuderonomi 29:5.

   1. Mehn kasukuhl dahieu kitail ale sang mwomwen ahn Siohwa kin apwahpwalih mehn Israel ko nan sapwtehno? (Deud. 29:5; Madiu 6:31; Ipru 13:5; Seims 1:17)

   2. Iaduwen Siohwa kin kilangwong Moses oh Aaron ara sohte kawauwihala Ih mwohn mehn Israel kan? (Nempe 20:12; 1 Kor. 10:12; Kaud. 4:11)

   3. Dahme kitail kak sukuhliki duwen mwomwen ahn Moses mwekidki kaiahn me e ale sang Siohwa? (Nempe 12:3; 20:12, 27, 28; Deud. 32:4; Ipru 12:7-11)

Poadoapoad 41

Sineik Kopper

1. Nan kilel wet, dahme pidpene tuhkeo, oh dahme kahrehda Siohwa padahkiong Moses en kihongki sineiko nin tuhkeo?

2. Iaduwen aramas akan ahr sohte kalahnganki dahme Koht wia ong irail?

3. Dahme aramas akan peki rehn Moses en wia mwurin Siohwa kadarala sineik poison pwen kaloke irail?

4. Dahme kahrehda Siohwa padahkiong Moses en wiahda emen sineik kopper?

5. Dahme kitail kak sukuhliki sang poadoapoad wet?

Pil ekei peidek kan:

1. Wadek Nempe 21:4-9.

   1. Dahme kitail kak sukuhliki sang dahme wiawiong mehn Israel ko ni arail lipahnedih koasoandi kan en Siohwa ong irail? (Nempe 21:5, 6; Rom 2:4)

   2. Mwuhr, dahme mehn Israel kan wiaiong sineik koppero, oh dahme Nanmwarki Esekaia wia? (Nempe 21:9; 2 Nan. 18:1-4)

2. Wadek Sohn 3:14, 15.

   Iaduwen kohdahn sineik koppero nin tuhke ehu me kesihnenda kin rasehng katuhkehlahn Sises Krais? (Kal. 3:13; 1 Pit. 2:24)

Poadoapoad 42

Emen Donkih Lokaia

1. Ihs Pelak, oh dahme kahrehda e ilekilahng Pelaam en kohla reh?

2. Dahme kahrehda nein Pelaam donkih mwohndi nan ahlo?

3. Dahme donkiho ndaiong Pelaam?

4. Dahme tohnlengo ndaiong Pelaam?

5. Dahme wiawi ni en Pelaam song en kariala mehn Israel ko?

Pil ekei peidek kan:

1. Wadek Nempe 21:21-35.

   Dahme kahrehda Israel kalowehdi Nanmwarki Sihon, nanmwarkien mehn Amor kan, oh Nanmwarki Ok, nanmwarkien Pasan? (Nempe 21:21, 23, 33, 34)

2. Wadek Nempe 22:1-40.

   Dahme kamwekid Pelaam en song en kariala mehn Israel kan, oh mehn kasukuhl dah kan kitail kak sukuhliki sang met? (Nempe 22:16, 17; Lepin Padahk 6:16, 18; 2 Pit. 2:15; Sud 11)

3. Wadek Nempe 23:1-30.

   Mendahki Pelaam dene me ih emen tohnkaudok en Siohwa, iaduwen ah wiewia kan kasalehda me met likamw? (Nempe 23:3, 11-14; 1 Sam. 15:22)

4. Wadek Nempe 24:1-25.

   Iaduwen poadoapoad en Paipel wet kin kakehlailihala atail pwoson me kupwuren Siohwa pahn pweida? (Nempe 24:10; Aiseia 54:17)

Poadoapoad 43

Sosua Wiahla Kaun

1. Nan kilel wet, ihs ohl riemen me kesikesihnen limwahn Moses?

2. Dahme Siohwa padahkiong Sosua?

3. Dahme kahrehda Moses doudahla pohn kadoken Dohl Nepo, oh dahme Siohwa mahsanih ong ih?

4. Moses sounpahr depe ni ahnsou me e mehla?

5. Dahme kahrehda aramas kan nsensuwedla, ahpw ia kahrepen irail en peren?

Pil ekei peidek kan:

1. Wadek Nempe 27:12-23.

   Pwukoa toutou dahieu me Sosua alehdi sang Siohwa, oh iaduwen e sansalda duwen Siohwa kin apwahpwalih sapwellime aramas akan rahnwet? (Nempe 27:15-19; Wiewia 20:28; Ipru 13:7)

2. Wadek Deuderonomi 3:23-29.

   Dahme kahrehda Siohwa sohte mweidohng Moses oh Aaron en pidelong nan Sapwen Inou, oh dahme kitail kak sukuhliki sang met? (Deud. 3:25-27; Nempe 20:12, 13)

3. Wadek Deuderonomi 31:1-8, 14-23.

   Iaduwen ahn Moses mahsen en kemwurumwur kan ong mehn Israel ko kin kasalehda me e, ni aktikitik, alehdahr kaweid me kohsang Siohwa? (Deud. 31:6-8, 23)

4. Wadek Deuderonomi 32:45-52.

   Iaduwen atail en mwekidki Mahsen en Koht nan atail mour? (Deud. 32:47; Lipai 18:5; Ipru 4:12)

5. Wadek Deuderonomi 34:1-12.

   Mendahki Moses sohte uhdahn kilang Siohwa, dahme Deuderonomi 34:10 kin kasalehda duwen ah kin ehuiong Siohwa? (Eks. 33:11, 20; Nempe 12:8)

Poadoapoad 44

Rehap Ekihla Lipahrok Kan

1. Iawasa Rehap kin mih ie?

2. Ihs ohl riemen nan kilel wet, oh dahme kahrehda ira mihmi nan Seriko?

3. Dahme nanmwarki en Seriko kehkehlikiong Rehap en wia, oh dahme Rehap sapengki?

4. Iaduwen Rehap sewese ohl riemeno, oh dahme e peki ira en wia?

5. Inou dahieu lipoahrok riemen wia ong Rehap?

Pil ekei peidek kan:

1. Wadek Sosua 2:1-24.

   Iaduwen Siohwa kapwaiada sapwellime inou me kileledi nan Eksodus 23:28 ni ahnsou me mehn Israel kan kalohwehdi Seriko? (Sosua 2:9-11)

2. Wadek Ipru 11:31.

   Iaduwen mehn kahlemeng mwahu en Rehap kin kasalehda kesempwalpen pwoson? (Rom 1:17; Ipru 10:39; Seims 2:25)

Poadoapoad 45

Kotehla Pillap Sordan

1. Soangen manaman dahieu Siohwa wiahda pwe mehn Israel en kak kotehla Pillap Sordan?

2. Wiewiahn pwoson dahieu me mehn Israel kan anahne wia pwehn kotehla Pillap Sordan?

3. Dahme kahrehda Siohwa padahkiong Sosua en pwekada takai laud 12 sang nan kepin pillap?

4. Dahme wiawi ni ahnsou me samworo kan douda sang nan Sordan?

Pil ekei peidek kan:

1. Wadek Sosua 3:1-17.

   1. Nin duwen me poadoapoad wet kin kasalehda, dahme kitail anahne wia ma kitail men ale sapwellimen Siohwa sawas oh kupwurmwahu? (Sosua 3:13, 15; Lepin Padahk 3:5; Seims 2:22, 26)

   2. Dahme wiawiong Pillap Sordan ni ahnsou me mehn Israel kan kotehla oh pidelong nan Sapwen Inou, oh iaduwen met kin kasarawihala mwaren Siohwa? (Sosua 3:15; 4:18; Mel. 66:5-7)

2. Wadek Sosua 4:1-18.

   Ia kahrepen irail ale takai 12 ko sang nan Pillap Sordan oh pwilikihdi nan Kilkal? (Sosua 4:4-7)

Poadoapoad 46

Kehl en Seriko

1. Dahme Siohwa padahkiong sounpei kan oh samworo kan en wia erein rahn weneu?

2. Dahme ohl akan pahn wia ni kaisuh en rahno?

3. Sang ni ahmw kilang nan kilel wet, dahme wiawiong kehl en Seriko?

4. Dahme kahrehda sahl weitahta mweteudi sang wenihmwtok?

5. Dahme Sosua padahkiong sounpei kan en wia ong aramas akan oh arail kahnimwo, ahpw dahme irail pahn wia ong silper, kohl, kopper, oh mete?

6. Dahme Sosua padahkiong lipoahrok riemen en wia?

Pil ekei peidek kan:

1. Wadek Sosua 6:1-25.

   1. Iaduwen ahn mehn Israel oko pidahki Seriko ni keisuhn rahn rasehng en Sounkadehdehn Siohwa kan arail doadoahk en kalohk nan imwin rahn akan? (Sosua 6:15, 16; Aiseia 60:22; Madiu 24:14; 1 Kor. 9:16)

   2. Ia mwomwen kokohp me ntingdi nan Sosua 6:26 pweida sounpahr 500 samwa mwuri, oh dahme met kin padahkiong kitail duwen sapwellimen Koht mahsen? (1 Nan. 16:34; Aiseia 55:11)

Poadoapoad 47

Emen Lipirap Nan Israel

1. Nan kilel wet, ihs ohlo me saripidi dipwisou kesempwal kan me kohsang Seriko, oh ihs irail me sewese ih?

2. Dahme kahrehda tiahk me Ekan oh ah peneinei wia inenen suwed mehlel?

3. Dahme Siohwa mahsanih ni ahnsou me Sosua idek reh kahrepe mehn Israel kan lohdi nan mahwin nan Ai?

4. Mwurin Ekan oh ah peneinei wisikdohng Sosua, dahme wiawiong irail?

5. Dahme kitail sukuhliki sang kadeik me kohwong Ekan?

Pil ekei peidek kan:

1. Wadek Sosua 7:1-26.

   1. Dahme ahn Sosua kapakap kan kin kasalehda duwen ah kin ehuiong Sounwiepeo, Siohwa? (Sosua 7:7-9; Mel. 119:145; 1 Sohn 5:14)

   2. Dahme mehn kahlemeng suwed en Ekan kasalehda, oh iaduwen met kin wia mehn kasukuhl ehu ong kitail? (Sosua 7:11, 14, 15; Lepin Padahk 15:3; 1 Tim. 5:24; Ipru 4:13)

2. Wadek Sosua 8:1-29.

   Soangen pwukoa dahieu emen emen kitail kin pwukoahki ong mwomwohdisohn Kristian rahnwet? (Sosua 7:13; Lipai 5:1; Lepin Padahk 28:13)

Poadoapoad 48

Mehn Kipion Loalokong Kan

1. Iaduwen mehn Kipion kan kin weksang mehn Kenan ko me mihmi karanih irail?

2. Nin duwen me sansal nan kilel wet, dahme mehn Kipion wia, oh pwekihda?

3. Soangen inou dahieu Sosua oh kaunen mehn Israel kan wia ong mehn Kipion kan, ahpw rahn siluh mwuri dahme irail diarada?

4. Dahme wiawi ni ahnsou me nanmwarki kan sang kahnimw teikan rong me mehn Kipion ko wiahda inou en popohl rehn mehn Israel ko?

Pil ekei peidek kan:

1. Wadek Sosua 9:1-27.

   1. Pwehki Siohwa a ketin kaweidih wehin Israel en “kemehla tohn sahpw oko koaros,” soangen irair dah me Siohwa kasalehda ni a kupwurki irail en kapitala mehn Kipion kohte? (Sosua 9:22, 24; Madiu 9:13; Wiewia 10:34, 35; 2 Pit. 3:9)

   2. Ni en Sosua kolokol ah inou me e wia ong mehn Kipion kan, iaduwen e wia mehn kahlemeng mwahu ong Kristian akan rahnwet? (Sosua 9:18, 19; Madiu 5:37; Episos 4:25)

2. Wadek Sosua 10:1-5.

   Iaduwen pokon kalaimwun rahnwet kin kahlemengih mehn Kipion kan, oh pwehki met, soahng dah kan pahn lelohng irail? (Sosua 10:4; Sekaraia 8:23; Madiu 25:35-40; Kaud. 12:17)

Poadoapoad 49

Ketipin Sohte Mwekid

1. Nan kilel wet, dahme Sosua ndinda, oh ia kahrepe?

2. Iaduwen Siohwa ketin sewese Sosua oh nah sounpei ko?

3. Nanmwarki depe me Sosua kalowehdi, oh ia wereien met?

4. Dahme kahrehda Sosua nehkpeseng sapwen Kenan?

5. Sosua sounpahr depe ni ahnsou me e mehla, oh dahme wiawi ong aramas akan mwurin ah mehla?

Pil ekei peidek kan:

1. Wadek Sosua 10:6-15.

   Sang ni atail wehwehki me Siohwa kahrehong ketipin oh maram en sohte mwekid pwehn sewese mehn Israel kan, met kin kihong kitail soangen pepehm en likilik dahieu rahnwet? (Sosua 10:8, 10, 12, 13; Mel. 18:3; Lepin Padahk 18:10)

2. Wadek Sosua 12:7-24.

   Ihs me kahrehong irail en kak kalowehdi nanmwarki 31 nan Kenan, oh ia kahrepe met ah wia mehkot kesempwal ong kitail? (Sosua 12:7; 24:11-13; Deud. 31:8; Luk 21:9, 25-28)

3. Wadek Sosua 14:1-5.

   Iaduwen sahpw akan nehnehpeseng nanpwungen keinek en Israel kan, oh dahme met kin kasalehda duwen sohso kan nan Paradais? (Sosua 14:2; Aiseia 65:21; Esekiel 47:21-23; 1 Kor. 14:33)

4. Wadek Sounkopwung 2:8-13.

   Duwehte dahme Sosua kin wia nan Israel, ihs rahnwet me kin sewese aramas en dehr peiweisang de lahlahwe padahk mehlel? (Sounkopwung 2:8, 10, 11; Madiu 24:45-47; 2 Des. 2:3-6; Taitus 1:7-9; Kaud. 1:1; 2:1, 2)

Poadoapoad 50

Lih Kommwad Riemen

1. Ihs irail sounkopwung kan, oh ia eden ekei irail?

2. Soangen pwukoa tohrohr dahieu me Deporah ahneki, oh dahme met kin pidada?

3. Ni ahnsou me Nanmwarki Sapin oh nah kaunen sounpei, Sisera, pilahn en kalowehdi Israel, dahme Siohwa kamwekid Deporah en padahkiong Sounkopwung Parak, oh ihs me pahn ale adamwahu ki kana wet?

4. Iaduwen Sael kasalehda me e wia lih men me kommwad oh eimah?

5. Dahme wiawi mwurin Nanmwarki Sapin kamakamala?

Pil ekei peidek kan:

1. Wadek Sounkopwung 2:14-22.

   Iaduwen mehn Israel kan kahrehong Siohwa en ketin engiengda pahrail, oh dahme kitail kak sukuhliki sang met? (Sounkopwung 2:20; Lepin Padahk 3:1, 2; Esekiel 18:21-23)

2. Wadek Sounkopwung 4:1-24.

   Soangen mehn kasukuhl dah kan me pid pwoson oh kommwad me lih Kristian kan rahnwet kak sukuhliki sang mehn kahlemeng mwahu en Deporah oh Sael? (Sounkopwung 4:4, 8, 9, 14, 21, 22; Lepin Padahk 31:30; 1 Kor. 16:13)

3. Wadek Sounkopwung 5:1-31.

   Iaduwen koul en kana me Parak oh Deporah koulki kak wia mwomwen kapakap me pid duwen mahwen en Armakedon me pahn wiawi ni ahnsou kohkohdo? (Sounkopwung 5:3, 31; 1 Kronikel 16:8-10; Kaud. 7:9, 10; 16:16; 19:19-21)

Poadoapoad 51

Ruhd oh Naomi

1. Dahme kahrehda Naomi mih nan sapwen Moap?

2. Ihs Ruhd oh Orpah?

3. Dahme Ruhd oh Orpah wia ni ahnsou me Naomi padahkiong ira, irahn pwurala nan uhdakara?

4. Ihs Poas, oh iaduwen e kin sewese Ruhd oh Naomi?

5. Ia eden nein Poas oh Ruhd neira seri, oh dahme kahrehda kitail anahne tamatamanki seri menet?

Pil ekei peidek kan:

1. Wadek Ruhd 1:1-17.

   1. Soangen koasoi kaselel dahieu me Ruhd wia me kin kasalehda eh limpoak mehlel? (Ruhd 1:16, 17)

   2. Iaduwen madamadau en Ruhd kin kasansalehda duwen madamadau en “sihpw teikan” ni ahr kin kilangwong irail me keidi kan nin sampah rahnwet? (Sohn 10:16; Sek. 8:23)

2. Wadek Ruhd 2:1-23.

   Ni ahl dah kei me Ruhd kin wia mehn kahlemeng mwahu ong lih pwulopwul kan nan rahnwet? (Ruhd 2:17, 18; Lep. Pad. 23:22; 31:15)

3. Wadek Ruhd 3:5-13.

   1. Ia madamadau en Poas ni ah kin kilang me Ruhd kin pwungki en pwoudiki ih sang en rapahki ohl me pwulopwul sang ih?

   2. Dahme kitail kin sukuhliki sang ahn Ruhd madamadau duwen limpoak mehlel? (Ruhd 3:10; 1 Kor. 13:4, 5)

4. Wadek Ruhd 4:7-17.

   Iaduwen Kristian ohl akan nan rahnwet kak alasang Poas? (Ruhd 4:9, 10; 1 Tim. 3:1, 12, 13; 5:8)

Poadoapoad 52

Kidion oh Nah Ohl 300

1. Iaduwen oh dahme kahrehda irail mehn Israel akan kin mihla nan ahnsou apwal ehu?

2. Dahme kahrehda Siohwa padahkiong Kidion me nohn tohtohla aramas akan me mih nan nah pwihn en sounpei?

3. Ohl depe me luhwe mwurin Kidion padahkiong ohl masapwehk ko en pwurala ni imwarail kan?

4. Sang ni ahmw kilang nan kilel wet, kawehwehda iaduwen Siohwa kin kamalaulauwiahla nein Kidion sounpei kan lao irail lel sounpei 300 te.

5. Iaduwen Kidion kin koasoanehdi nah ohl 300, oh iaduwen Israel kana?

Pil ekei peidek kan:

1. Wadek Sounkopwung 6:36-40.

   1. Iaduwen Kidion kin tehk mwahu duwen kupwuren Siohwa?

   2. Rahnwet, iaduwen kitail kak diarada kupwuren Siohwa? (Lep. Pad. 2:3-6; Mad. 7:7-11; 2 Tim. 3:16, 17)

2. Wadek Sounkopwung 7:1-25.

   1. Mehn kasukuhl dahieu kitail sukuhliki sang ohl 300 me kin mwasamwasahn oh me weksang irail ohl akan me kin soukautih? (Sounkopwung 7:3, 6; Rom 13:11, 12; Ep. 5:15-17)

   2. Nin duwen irail ohl 300 kin sukuhl sang ni ahr kin kilikilang Kidion, eri, iaduwen kitail kak pil sukuhl sang ni atail kin kilikilang Kidion Lapalap, Sises Krais? (Sounkopwung 7:17; Mad. 11:29, 30; 28:19, 20; 1 Pit. 2:21)

   3. Iaduwen Sounkopwung 7:21 kin sewese kitail en perenki papah Siohwa sohte lipilipil pwukoa dah me kitail kin ahneki nan sapwellimen Siohwa pwihn? (1 Kor. 4:2; 12:14-18; Seims 4:10)

3. Wadek Sounkopwung 8:1-3.

   Ni atail kin kapwungala pein atail nanpwungsuwed rehn emen brother de sister, dahme kitail kak sukuhlikih sang Kidion ni ah kin kapwungala kahpwal ieu me pwarada nanpwungen ih oh mehn Epraim kan? (Lep. Pad. 15:1; Mad. 5:23, 24; Luk 9:48)

Poadoapoad 53

Ahn Sepda Inou

1. Ihs Sepda, oh e kin momour nan soangen ahnsou dah?

2. Dahme Sepda inoukiong Siohwa?

3. Dahme kahrehda Sepda nsensuwedla ni ahnsou me e pwurala imwe mwurin ah kalowehdi mehn Ammon kan?

4. Dahme nein Sepda serepein nda ni ahnsou me e esehda duwen inou me ah pahpa wiahda?

5. Dahme kahrehda aramas akan kin poakong nein Sepda serepein?

Pil ekei peidek kan:

1. Wadek Sounkopwung 10:6-18.

   Pwehki mehn Israel akan kin kalapw salelepek ong Siohwa, mehnia kaweid kitail anahne en kapwaiada? (Sounkopwung 10:6, 15, 16; Rom 15:4; Kaud. 2:10)

2. Wadek Sounkopwung 11:1-11, 29-40.

   1. Dahme kahrehda kitail ese me ni ahnsou me Sepda toukihda nah serepein en wia “meirong isihs ehu,” met sohte kin wehwehki me e isikala nah serepein ni ah wia meirong wet? (Sounkopwung 11:31; Lip. 16:24; Deud. 18:10, 12)

   2. Ni ahl dahieu me Sepda kihda nah serepein nin duwen meirong ehu?

   3. Dahme kitail kak sukuhliki sang madamadau en Sepda ong ah inou me e wiahda ong Siohwa? (Sounkopwung 11:35, 39; Ekl. 5:4, 5; Mad. 16:24)

   4. Iaduwen nein Sepda serepein kin wia mehn kahlemeng mwahu ieu ong irail Kristian pwulopwul kan me kin nantiong en iang doadoahk en kalohk kaukaule? (Sounkopwung 11:36; Mad. 6:33; Pil. 3:8)

Poadoapoad 54

Ohl Me Keieu Kehlail

1. Ia eden ohl me keieu kehlail sangete mahs lel met, oh ihs me ketikihong ih ah kehl?

2. Ehu ahnsou, dahme Samson wia ong laion laud emen, me ke kilang nan kilel wet?

3. Mehkot rir dahieu me Samson padahkiong Delailah nan kilel wet, oh pwehki met wiawi, iaduwen mehn Pilisdihn kan parokedi Samson?

4. Ia mwomwen Samson kemehla ah imwintih mehn Pilisdihn 3,000 ni rahn me e mehla?

Pil ekei peidek kan:

1. Wadek Sounkopwung 13:1-14.

   Iaduwen Manoha oh ah pwoud kin wia mehn kahlemeng mwahu ieu ong pahpa oh nohno kan en apwalih neirail seri kan? (Sounkopwung 13:8; Mel. 127:3; Ep. 6:4)

2. Wadek Sounkopwung 14:5-9 oh 15:9-16.

   1. Poadoapoad kan en Samson ni ah kemehla mahn laion emen, kamweidpeseng sahl me sansalih peh ko, oh doadoangki tihn dilin aupahn ahs emen pwen kemehla ohl kid kin kasansalehda dah duwen sapwellimen Siohwa ngehn sarawi?

   2. Iaduwen ngehn sarawi kin sewese kitail rahnwet? (Sounkopwung 14:6; 15:14; Sek. 4:6; Wie. 4:31)

3. Wadek Sounkopwung 16:18-31.

   Iaduwen Samson lohdi pahn werek suwed, oh dahme kitail kak sukuhliki sang met? (Sounkopwung 16:18, 19; 1 Kor. 15:33)

Poadoapoad 55

Emen Kisin Pwutak Papahong Koht

1. Ia eden kisin pwutak nan kilel wet, oh ihs aramas teikan?

2. Dahme Annah kapakapki ehu rahn ni eh pwarado ni tehnpas en Siohwa, oh iaduwen Siohwa sapengki ah kapakap?

3. Samuel sounpar depe ni ahnsou me e tepida papah nan tehnpas en Siohwa, oh dahme ah nohno kin wia ong ih ni ehu ehu sounpar?

4. Ia eden nein Ihlai pwutak kan, oh soangen ohl dah kei ira?

5. Iaduwen Siohwa mahsen ong Samuel, oh dahme Siohwa padahkiong ih?

6. Dahme Samuel wiahla ni ahnsou me e laudla, oh dahme wiawi ni ahnsou me e mahlahr?

Pil ekei peidek kan:

1. Wadek 1 Samuel 1:1-28.

   1. Mehn kahlemeng dahieu ong irail kaun en peneinei kan me Elkanah kihda ni ah kin kahluwa ah peneinei nan kaudok mehlel? (1 Sam. 1:3, 21; Mad. 6:33; Pil. 1:10)

   2. Dahme kitail kak sukuhliki sang mehn kahlemeng en Annah ni ah kin lel kahpwal ieu? (1 Sam. 1:10, 11; Mel. 55:22; Rom 12:12)

2. Wadek 1 Samuel 2:11-36.

   Iaduwen Ihlai kin kesempwaliki nah pwutak kan laud sang ah kin kesempwaliki Siohwa, oh iaduwen met pahn kak wia mehn kaweid ong kitail? (1 Sam. 2:22-24, 27, 29; Deud. 21:18-21; Mad. 10:36, 37)

3. Wadek 1 Samuel 4:16-18.

   Mehnia rong kansensuwed pahieu kin kohdahsang nan mahweno, oh ni ahnsou me Ihlai rong duwen met, dahme wiaiong ih?

4. Wadek 1 Samuel 8:4-9.

   Iaduwen Israel kansensuwediahla Siohwa, oh iaduwen kitail kak ni lelepek utungada sapwellime Wehio rahnwet? (1 Sam. 8:5, 7; Sohn 17:16; Seims 4:4)

Poadoapoad 56

Saul—Nanmwahrki Keieu en Israel

1. Nan kilelo, dahme Samuel kin wiewia, oh dahme kahrehda?

2. Dahme kahrehda Siohwa kin kupwurperenki Saul, oh soangen ohl dah ih?

3. Ia eden nein Saul pwutak, oh dahme pwutako wia?

4. Dahme kahrehda Saul pein wia meirong oh sohte awiawih Samuel en wia meirong?

5. Mehn kasukuhl dah kei kitail kak sukuhliki sang poadoapoad en Saul?

Pil ekei peidek kan:

1. Wadek 1 Samuel 9:15-21 oh 10:17-27.

   Iaduwen ahn Saul lamalam aktikitik kin sewese ih en liksang mwadang wiahda mehkot sapwung ni ahnsou me ekei ohl tepida kauwe ih? (1 Sam. 9:21; 10:21, 22, 27; Lep. Pad. 17:27)

2. Wadek 1 Samuel 13:5-14.

   Mehnia dihp me Saul wiahda nan Kilkal? (1 Sam. 10:8; 13:8, 9, 13)

3. Wadek 1 Samuel 15:1-35.

   1. Dihp laud dahieu me Sohl wiahda me pid Akak, nanmwarki en mehn Amalek kan? (1 Sam. 15:2, 3, 8, 9, 22)

   2. Iaduwen Saul song en ikidiki meteikan dihp me e wiahda? (1 Sam. 15:24)

   3. Rahnwet, mehnia kaweid kitail anahne kapwaiada ni ahnsou me emen pahn kihong kitail kaweid? (1 Sam. 15:19-21; Mel. 141:5; Lepin Padahk 9:8, 9; 11:2)

Poadoapoad 57

Koht Pilada Depit

1. Ia eden pwutak menet nan kilel wet, oh iaduwen kitail kin ese me pwutak menet kommwad?

2. Depit kin kousoan ia, oh ia eden ah pahpa oh pahpa kahlap?

3. Dahme kahrehda Siohwa kin padahkiong Samuel en kohkihla nan imwen Sehsi nan Pedlehem?

4. Dahme wiawi ni ahnsou me Sehsi kahrehla nah pwutak isimen rehn Samuel?

5. Ni ahnsou me irail kahrehla Depit rehn Samuel, dahme Siohwa padahkiong Samuel?

Pil ekei peidek kan:

1. Wadek 1 Samuel 17:34, 35.

   Iaduwen wiewia pwukat kin kasansalehda ahn Depit eimah oh likih Siohwa? (1 Sam. 17:37)

2. Wadek 1 Samuel 16:1-14.

   1. Iaduwen sapwellimen Siohwa mahsen kan nan pwuhken 1 Samuel 16:7 sewese kitail en dehr lipilipilki aramas oh dehr kasawih mwomwen aramas akan? (Wiewia 10:34, 35; 1 Tim. 2:4)

   2. Iaduwen dahme wiawiong Saul kin kasalehda me ni ahnsou me Siohwa kin ketikihsang sapwellime ngehn sarawi sang rehn emen, ngehn suwed kin kak wiliandi, de ineng kehlail en wiahda dahme sapwung? (1 Sam. 16:14; Mad. 12:43-45; Kal. 5:16)

Poadoapoad 58

Depit oh Kolaiad

1. Soangen ak kommwad dah me Kolaiad wiaiong sounpei kan en Israel?

2. Ia uwen kalaimwun en Kolaiad, oh dahme Nanmwarki Saul inoukihda e pahn kihong ohl emen me pahn kemehla Kolaiad?

3. Dahme Depit sapengki ni ahnsou me Saul ndaiong Depit me e sohte kak peiong Kolaiad pwehki e kisin pwutak men?

4. Sang dahme Depit sapengki Kolaiad, iaduwen Depit kasalehda me e kin likih Siohwa?

5. Nan kilel wet, dahme Depit doadoahngki pwen kemehla Kolaiad, oh dahme mehn Pilisdihn kan wia?

Pil ekei peidek kan:

1. Wadek 1 Samuel 17:1-54.

   1. Dahme kahrehda Depit kin eimah, oh iaduwen kitail pil kak alasang ih? (1 Sam. 17:37, 45; Ep. 6:10, 11)

   2. Dahme kahrehda Kristian akan en dehr alasang Kolaiad ahpw irail en nantihong liksang ngehn en siaipene ni ahnsou me irail kin iang mwadong? (1 Sam. 17:8; Kal. 5:26; 1 Tim. 4:8)

   3. Iaduwen mahsen kan en Depit kin kasalehda me e kin pwoson me Koht pahn ketin sewese ih? (1 Sam. 17:45-47; 2 Kron. 20:15)

   4. Iaduwen poadoapoad wet sohte kin kasalehdahte duwen mahwen ieu me kin wiawi nanpwungen wehi riau, ahpw me poadoapoad wet kin kasansalehda me mahwen wet kin wiawi nanpwungen irail koht likamw akan oh Koht mehlel, Siohwa? (1 Sam. 17:43, 46, 47)

   5. Iaduwen luwen me keidi kan kin alasang mehn kahlemeng mwahu en Depit ni ah kin likih Siohwa? (1 Sam. 17:37; Ser. 1:17-19; Kaud. 12:17)

Poadoapoad 59

Dahme Kahrehda Depit en Uhdahn Tangwei

1. Dahme kahrehda Saul kin peirinkihong Depit, ahpw iaduwen nein Saul pwutak Sonadan weksang ih?

2. Dahme wiawi rahn ehu ni ahnsou me Depit wie kesekesengki nah arpo ong Saul?

3. Dahme Saul nda me Depit anahne wia mwohn e kak pwoudki nein Saul serepein Maikel?

4. Ni ahnsou me Depit kesekesengki nah arpo ong Saul, dahme wiawi pak silipak, nin duwen ke kak kilang nan kilelo?

5. Iaduwen Maikel sewese Depit en pitsang Saul, oh dahme Depit anahne wia ni erein sounpar isuh?

Pil ekei peidek kan:

1. Wadek 1 Samuel 18:1-30.

   1. Iaduwen ahn Sonadan limpoak kehlail ong Depit kin karasaiong limpoakpene nanpwungen “sihpw teikan” oh “kisin pwihn sihpw”? (1 Sam. 18:1; Sohn 10:16; Luk 12:32; Sek. 8:23)

   2. Iaduwen pwuhken 1 Samuel 18:4 kin kasansalehda ahn Sonadan kin uhpaiong aramas me pilipilda en wia nanmwarkio, edetehn ih me dokedoke en wiliandi Saul?

   3. Iaduwen ahn Saul ah peirin kak kahluwalahng ih en wiahda dihp toutou, oh kaweid dahieu kin kohwong kitail? (1 Sam. 18:7-9, 25; Seims 3:14-16)

2. Wadek 1 Samuel 19:1-17.

   Iaduwen Sonadan kin kahrehong pein eh mour en mihla nan keper ni ahnsou e mahsanih mahsen pwukat me ntingihdi nan pwuhken 1 Samuel 19:4, 5? (1 Sam. 19:1, 6)

Poadoapoad 60

Apikeil oh Depit

1. Ia eden lih me kohdohng tuhwong Depit nan kilel wet, oh soangen aramas dah ih?

2. Ihs Napal?

3. Dahme kahrehda Depit kadarala ekei nah ohl oko pwen peki rehn Napal en sewese irail?

4. Dahme Napal ndaiong nein Depit ohl oko, oh dahme Depit wia?

5. Dahme Apikeil wia pwehn kasalehda me ih lih loalokong emen?

Pil ekei peidek kan:

1. Wadek 1 Samuel 22:1-4.

   Iaduwen peneinei en Depit kin kihda mehn kahlemeng mwahu ieu ong iaduwen kitail pahn pil kak sawaspene nan pirien en Kristian? (Lep. Pad. 17:17; 1 Des. 5:14)

2. Wadek 1 Samuel 25:1-43.

   1. Dahme kahrehda Pwuhk Sarawi kin kawehwehda Napal nin duwen ohl pweipwei men? (1 Sam. 25:2-5, 10, 14, 21, 25)

   2. Dahme lih pwopwoud Kristian kan rahnwet kak sukuhliki sang mehn kahlemeng mwahu en Apikeil? (1 Sam. 25:32, 33; Lep. Pad. 31:26; Episos 5:24)

   3. Wiewia suwed riau dah kei me Apikeil sewese Depit en dehr wia? (1 Sam. 25:31, 33; Rom 12:19; Episos 4:26)

   4. Iaduwen ahn Depit kin mwekidkihda dahme Apikeil koasoia kin kak sewese ohl akan nan rahnwet en ahneki madamadau ieu me kin pahrekiong ia mwomwen Siohwa kin kilangwong lih akan? (Wiewia 21:8, 9; Rom 2:11; 1 Pit. 3:7)

Poadoapoad 61

Depit Kasapwilda Nanmwahrki

1. Dahme Depit oh Apisai wia ni ahnsou me Saul wie memeir nan wasa me nein Saul kan kin mihmi?

2. Mehnia peidek kan me Depit wia ong Saul?

3. Mwurin Depit kohkohla sang Saul, iawasa e kohla?

4. Dahme kin kahrehong Depit en pahtoukihla mehlel, oh met kamwekidada ih en ntingihdi koul kaselel ieu?

5. Sounpar depe Depit ni ahnsou me e wiahla nanmwarki nan Epron, oh ia eden ekei nah pwutak kan?

6. Ahpw mwurin met, iawasa me Depit wie kakaun nin duwen nanmwarki?

Pil ekei peidek kan:

1. Wadek 1 Samuel 26:1-25.

   1. Soangen madamadau dah me sapwellimen Depit mahsen me ntingihdier nan pwuhken 1 Samuel 26:11 kin kasalehda me pid koasoandi kan me kin kohsang rehn Koht? (Mel. 37:7; Rom 13:2)

   2. Ni ahnsou me kitail kin nantiong en kasalehda limpoak kadek ong aramas akan, ahpw irail sohte kin kalahnganki, iaduwen mahsen kan en Depit me direkda nan 1 Samuel 26:23 kak sewese kitail en ahneki madamadau pwung? (1 Nan. 8:32; Mel. 18:20)

2. Wadek 2 Samuel 1:26.

   Iaduwen Kristian akan rahnwet kak kakairada soangen “limpoak kehlail ong emenemen” nin duwen limpoakpene me Depit oh Sonadan kin ahneki? (1 Pit. 4:8; Kol. 3:14; 1 Sohn 4:12)

3. Wadek 2 Samuel 5:1-10.

   1. Sounpar depe me Depit kakaun duwen nanmwarki men, oh iaduwen ahnsou me e kin kaunda kin pwalpeseng? (2 Sam. 5:4, 5)

   2. Ia kahrepen Depit kin ketin rosorosonla, oh iaduwen met kin wia mehn kataman ong kitail rahnwet? (2 Sam. 5:10; 1 Sam. 16:13; 1 Kor. 1:31; Pil. 4:13)

Poadoapoad 62

Apwal Nan Ihmwen Depit

1. Ki sapwellimen Siohwa sawas, dahme wiawiong sahpwen Kenan?

2. Dahme wiawi ni soutik ehu ni ahnsou me Depit mih pohn kadoken imwe?

3. Dahme kahrehda Siohwa inenen engiengkihda pahn Depit?

4. Nan kilel wet, ihs me Siohwa kadarala pwen padahkiong Depit duwen dihpw me e wiahdahr, oh dahme ohl menet nda me pahn wiawiong Depit?

5. Kahpwal dah Depit lelong?

6. Ihs me uhd wiahla nanmwarki en Israel mwurin Depit?

Pil ekei peidek kan:

1. Wadek 2 Samuel 11:1-27.

   1. Iaduwen ni atail pahn soupisengki wia sapwellimen Siohwa doadoahk kin wia mwomwen mehn perepatail?

   2. Iaduwen Depit lohdiong dihpw, oh mehn kasukuhl dahieu kohwong sapwellimen Siohwa ladu kan rahnwet? (2 Sam. 11:2; Mad. 5:27-29; 1 Kor. 10:12; Seims 1:14, 15)

2. Wadek 2 Samuel 12:1-18.

   1. Mehn kasukuhl dahieu me elder kan oh pahpa oh nohno kan kak sukuhliki sang Nadan, me pid mwomwen ah kihong Depit kaweid? (2 Sam. 12:1-4; Lep. Pad. 12:18; Mad. 13:34)

   2. Dahme kahrehda Siohwa kin kasalehda mahk ong Depit? (2 Sam. 12:13; Mel. 32:5; 2 Kor. 7:9, 10)

Poadoapoad 63

Nanmwahrki Loalokong Solomon

1. Dahme Siohwa mahsanihong Solomon, oh dahme e sapengki met?

2. Pwehki Siohwa kin kupwurperenki ahn Solomon pekipek, dahme Siohwa inoukihda me e pahn ketikihong ih?

3. Kahpwal laud dahieu me lih riemen peki rehn Solomon en kapwungala?

4. Nin duwen ke kilang nan kilel wet, ia mwomwen ahn Solomon kapwungala kahpwalo?

5. Ia mwomwen kaundahn Solomon, oh dahme kahrehda?

Pil ekei peidek kan:

1. Wadek 1 Nanmwarki 3:3-28.

   1. Dahme irail ohl akan me kin alehdi pwukoa kan nan sapwellimen Koht pwihn rahnwet kak sukuhliki sang mahsen en Solomon me kileledi nan 1 Nanmwarki 3:7? (Mel. 119:105; Lep. Pad. 3:5, 6)

   2. Iaduwen pekipek en Solomon kin wia mehn kahlemeng mwahu ong soahng dah kan me konehng kitail en kapakapki? (1 Nan. 3:9, 11; Lep. Pad. 30:8, 9; 1 Sohn 5:14)

   3. Pwehki Solomon kin kapwungala kahpwal me wiawi nanpwungen lih riemeno, met kin kihong kitail likilik dahieu ni ahnsou me Solomon Lapalap, Sises Krais pahn kaunda kitail ni ahnsou kohkohdo? (1 Nan. 3:28; Ais. 9:6, 7; 11:2-4)

2. Wadek 1 Nanmwarki 4:29-34.

   1. Iaduwen Siohwa sapeng ahn Solomon pekipek ong mohngiong peik ehu? (1 Nan. 4:29)

   2. Ni atail kin wadek duwen aramas akan me kin nannanti pwehki arail kin men rong mahsen erpit kan en Solomon, eri, soangen madamadau dah me konehng kitail en kin ahneki me pid onop Mahsen en Koht? (1 Nan. 4:29, 34; Sohn 17:3; 2 Tim. 3:16)

Poadoapoad 64

Solomon Kauwada Ihmwen Kaudok

1. Ia uwen werei Solomon kawada tehnpas sarawi en Siohwa, oh dahme kahrehda e inenen pweilaud?

2. Pere kesempwal depe mih nan tehnpas sarawio, oh dahme mih nan pere mas loale?

3. Dahme Solomon koasoia nan ah kapakap ni ahnsou me doadoahk en kawada tehnpas sarawio imwisekala?

4. Iaduwen Siohwa kasalehda me e kin kupwurki ahn Solomon kapakap?

5. Dahme ahn Solomon pwoud kan kin kahrehong ih en wia, oh dahme wiawiong Solomon mwurin met?

6. Dahme Siohwa angiangihkihda Solomon, oh dahme Siohwa mahsanih ong ih?

Pil ekei peidek kan:

1. Wadek 1 Kronikel 28:9, 10.

   Nin duwen mahsen kan en Depit me ntingihdi nan pwuhken 1 Kronikel 28:9, 10, dahme kitail anahne nantiong en wia ni ehu ehu rahn? (Mel. 19:14; Pil. 4:8, 9)

2. Wadek 2 Kronikel 6:12-21, 32-42.

   1. Iaduwen Solomon kin kasalehda me ihmw akan me aramas kin wiahda sohte itarohng Koht Wasa Lapalapie? (2 Kron. 6:18; Wiewia 17:24, 25)

   2. Dahme mahsen kan en Solomon me dierekda 2 Kronikel 6:32, 33 kasalehda duwen Siohwa? (Wiewia 10:34, 35; Kal. 2:6)

3. Wadek 2 Kronikel 7:1-5.

   Nin duwen nein mehn Israel akan arail kin kilang sapwellimen Siohwa lingan oh mwekidki en kapinga Ih, dahme kitail kak wia rahnwet ni ahnsou me kitail kin doudouloale sapwellimen Siohwa kapai kan, me e kin ketikihong sapwellime aramas akan? (2 Kron. 7:3; Mel. 22:22; 34:1; 96:2)

4. Wadek 1 Nanmwarki 11:9-13.

   Iaduwen mour en Solomon kin kasansalehda duwen kesempwalpen atail kin lelepek lel ni imwi? (1 Nan. 11:4, 9; Mad. 10:22; Kaud. 2:10)

Poadoapoad 65

Wehio Nenepesang

1. Ia eden ohl riemen nan kilel wet, oh ihs ira?

2. Dahme Ahaisah wia ong ah likou reirei me e likilikouwio, oh ia wewehn ah kin wia met?

3. Dahme Solomon song en wia ong Seropoam?

4. Dahme kahrehda aramas akan kasapwilada Seropoam en wiahla nanmwarki en keinek eiseko?

5. Dahme kahrehda Seropoam wiahda kou kohl riemen, oh sohte pwand dahme wiawiong sahpwo?

6. Dahme wiawiong keneik riau en Wehio oh sapwellimen Siohwa imwen kaudoko nan Serusalem?

Pil ekei peidek kan:

1. Wadek 1 Nanmwarki 11:26-43.

   Soahngen aramas dah Seropoam, oh dahme Siohwa inoukihong ih ma e pahn kolokol sapwellimen Koht kosonned akan? (1 Nan. 11:28, 38)

2. Wadek 1 Nanmwarki 12:1-33.

   1. Sang ahn Rehopoam wiewia suwed kan, dahme pahpa oh nohno kan oh elder kan kak sukuhliki en dehr doadoahngki arail manaman ni ahl sapwung? (1 Nan. 12:13; Ekl. 7:7; 1 Pit. 5:2, 3)

   2. Ihs me irail me pwulopwul kan kak sohpeiwong en ale kaweid ni arail pahn wiahda pilipil kesempwal kan nan arail mour? (1 Nan. 12:6, 7; Lep. Pad. 1:8, 9; 2 Tim. 3:16, 17; Ipru 13:7)

   3. Dahme kahrehda Seropoam kawada wasahn kaudok ong kou kohl riemeno, oh iaduwen met kin kasalehda ah sohte kin pwoson Siohwa? (1 Nan. 11:37; 12:26-28)

   4. Ihs me kahrehong keinek eisek en wehio en uhwong kaudok mehlel? (1 Nan. 12:32, 33)

Poadoapoad 66

Sesepel—Lih Nanmwahrki Suwed

1. Ihs Sesepel?

2. Dahme kahrehda Nanmwarki Ehap eh pahtoula ehu rahn?

3. Dahme Sesepel wia pwen kihsang Napod ah mwetin wain, pwen uhd kihong ah pwoud, Ehap?

4. Ihs me Siohwa kadarala pwen kaloke Sesepel?

5. Nin duwen ke kilang nan kilel wet, dahme wiawi ni ahnsou me Sehu leledo ni imwen Sesepel?

Pil ekei peidek kan:

1. Wadek 1 Nanmwarki 16:29-33 oh 18:3, 4.

   Ia uwen suwed en irair en Israel ni ahnsou me Nanmwarki Ehap wia kakaun? (1 Nan. 14:9)

2. Wadek 1 Nanmwarki 21:1-16.

   1. Iaduwen Napod kasalehda eimah oh lelepek ong Siohwa? (1 Nan. 21:1-3; Lip. 25:23-28)

   2. Sang mehn kahlemeng en Ehap, dahme kitail sukuhliki duwen dadaurete pahn atail kapwunod kan? (1 Nan. 21:4; Rom 5:3-5)

3. Wadek 2 Nanmwarki 9:30-37.

   Dahme kitail kak sukuhliki sang ngoang me Sehu kasalehda ni ah kin wia kupwuren Siohwa? (2 Nan. 9:4-10; 2 Kor. 9:1, 2; 2 Tim. 4:2)

Poadoapoad 67

Sehosapad Liki Siohwa

1. Ihs Sehosapad, oh e memour ni ahnsou dah?

2. Dahme kahrehda mehn Israel kan masapwehkadahr, oh dahme pali laud en irail wia?

3. Ia sapwellimen Siohwa pasapeng ong ahn Sehosapad kapakap?

4. Dahme Siohwa kahrehong en wiawi mwohn mehn Israel kan lel wasahn mahwin?

5. Dahme kitail kak sukuhliki sang Sehosapad?

Pil ekei peidek kan:

1. Wadek 2 Kronikel 20:1-30.

   1. Iaduwen Sehosapad kasalehda dahme sapwellimen Koht ladu kan me lelepek pahn wia ma irail lelohng irair kan me kak kauwehla arail pwoson? (2 Kronikel 20:12; Mel. 25:15; 62:1)

   2. Pwehki Siohwa kin ahnsou koaros ketin doadoahngki pwihn en aramas teio, mehnia pwihn en aramas e kin ketin doadoahngki rahnwet? (2 Kron. 20:14, 15; Madiu 24:45-47; Sohn 15:15)

   3. Ni ahnsou me Koht pahn kahrehong “mahwen en Rahn Lapalap en Koht, Wasa Lapalahpie” en tepida, iaduwen atail irair kan pahn duwehte ahn Sehosapad? (2 Kron. 20:15, 17; 32:8; Kaud. 16:14, 16)

   4. Duwehte mehn Lipai kan, dahme pioneer kan oh misineri kan kin wia rahnwet pwehn utungada doadoahnk en kalohk? (2 Kron. 20:19; Rom 10:13-15; 2 Tim. 4:2)

Poadoapoad 68

Pwutak Riemen Me Pil Pwurehng Mour

1. Ihs aramas silimen nan kilel wet, oh dahme wiawiong kisin pwutako?

2. Dahme Elias kapakapki oh peki rehn Siohwa me pid duwen pwutako, oh dahme wiawi mwurin eh kapakap?

3. Ia eden ohlo me wia sewespen Elias?

4. Dahme kahrehda emen lih me kin kousoan nan Sunem luhke Elaisa en kohdo ni imweo?

5. Dahme Elaisa wia, oh dahme wiawiong seri me mehlahro?

6. Soangen manaman dah me Siohwa sapwellimaniki, nin duwen me sansal sang ah doadoahngki Elias oh Elaisa?

Pil ekei peidek kan:

1. Wadek 1 Nanmwarki 17:8-24.

   1. Dahme wiawi me kasonge ahn Elias peik oh pwoson? (1 Nan. 17:9; 19:1-4, 10)

   2. Dahme kahrehda kitail kak ndahki me pwoson en liohdien Sarepad me kehlail mehlel? (1 Nan. 17:12-16; Luk 4:25, 26)

   3. Iaduwen dahme wiawiong liohdien Sarepad kasalehda mehlelpen mahsen en Sises me kileledi nan Madiu 10:41, 42? (1 Nan. 17:10-12, 17, 23, 24)

2. Wadek 2 Nanmwarki 4:8-37.

   1. Dahme lihen Sunem padahkiong kitail me pid duwen apwalih meteikan? (2 Nan. 4:8; Luk 6:38; Rom 12:13; 1 Sohn 3:17)

   2. Ni ahl dah kan kitail kak kasalehda kadek ong sapwellimen Koht ladu kan rahnwet? (Wiewia 20:35; 28:1, 2; Kal. 6:9, 10; Ipru 6:10)

Poadoapoad 69

Kisin Serepein Sewese Ohl Indand Kehlail Men

1. Nan kilel wet, dahme kisin serepeino padahkiong liho?

2. Ihs liho me mihmi nan kilel wet, oh dahme serepeino wiewia nan imwen liho?

3. Dahme Elaisa padahkiong nah ladu en ndaiong Naaman, oh dahme kahrehda Naaman mwakarada?

4. Dahme wiawi ni ahnsou me Naaman rong kaweid en nah laduo?

5. Dahme kahrehda Elaisa sohte alehda ahn Naaman kisakis, ahpw dahme Kehasai uhd wia?

6. Dahme wiawiong Kehasai, oh dahme kitail kak sukuhliki sang met?

Pil ekei peidek kan:

1. Wadek 2 Nanmwarki 5:1-27.

   1. Iaduwen mehn kahlemeng mwahu en serepein en Israel kangoange me pwulopwul kan rahnwet? (2 Nan. 5:3; Mel. 8:2; 148:12, 13)

   2. Dahme kahrehda e kesempwal en tamataman wiewiahn Naaman ni ahnsou me kitail kin ale kaweid me kohsang Paipel? (2 Nan. 5:15; Ipru 12:5, 6; Seims 4:6)

   3. Dahme kitail kak sukuhliki ni ahnsou me kitail kapahrekihpene wiewiahn Elaisa oh wiewiahn Kehasai? (2 Nan. 5:9, 10, 14-16, 20; Madiu 10:8; Wiewia 5:1-5; 2 Kor. 2:17)

Poadoapoad 70

Sonah oh Mwahmw Kalaimwun

1. Ihs Sonah, oh dahme Siohwa padahkiong Sonah en wia?

2. Pwehki Sonah sohte men kohla wasa me Siohwa padahkiong ih en kohla ie, dahme Sonah wia?

3. Dahme Sonah padahkiong seilor kan en wia pwehn kauhdi melimelo?

4. Sang ni ahmw kilang kilel wet, dahme wiawi ni ahnsou me Sonah kikihrla nan pihlo?

5. Ia uwen werei Sonah mihmi nan kapehd en mwahmwo, oh dahme e wia wasao?

6. Iawasa Sonah kohla mwurin e kohsang nan mwahmw kalaimwuno, oh dahme met kin padahkiong kitail?

Pil ekei peidek kan:

1. Wadek Sonah 1:1-17.

   Ia pepehm en Sonah ong ah pwukoa en kalohk ong mehn Ninepah kan? (Sonah 1:2, 3; Lep. Pad. 3:7; Ekl. 8:12)

2. Wadek Sonah 2:1, 2, 10.

   Iaduwen dahme Sonah lelong kin pil kihong kitail koapworopwor me Siohwa pahn pil sapengki atail kapakap kan? (Mel. 22:24; 34:6; 1 Sohn 5:14)

3. Wadek Sonah 3:1-10.

   1. Kangoang dah kitail alehdi sang atail kin ese me Siohwa pousehla doadoahngki Sonah mendahki e sohte men kapwaiada ah pwukoa nin tepio? (Mel. 103:14; 1 Pit. 5:10)

   2. Dahme kitail sukuhliki sang poadoapoad en Sonah rehn mehn Ninepah kan duwen kadeikada aramas akan nan atail wasahn kalohk? (Sonah 3:6-9; Ekl. 11:6; Wiewia 13:48)

Poadoapoad 71

Koht Inoukihdi Ehu Paradais

1. Ihs Aiseia, iahd e memour, oh dahme Siohwa kasalehiong ih?

2. Ia wehwehn lepin lokaia wet “paradais,” oh dahme met kin katamankin uhk?

3. Dahme Siohwa padahkiong Aiseia en ntingihdi duwen Paradais kapwo?

4. Dahme kahrehda Adam oh Ewa katiasang ara wasa kaselel?

5. Dahme Siohwa inoukihong irail akan me kin poakong ih?

Pil ekei peidek kan:

1. Wadek Aiseia 11:6-9.

   1. Iaduwen Mahsen en Koht kin kasalehda duwen popohl me pahn wiawi nanpwungen mahn akan oh aramas akan nan sampah kapwo? (Mel. 148:10, 13; Ais. 65:25; Esek. 34:25)

   2. Pweidahn kokohp en Aiseia ni pali ngehn dahieu kin wiawi nanpwungen sapwellimen Siohwa aramas akan rahnwet? (Rom 12:2; Episos 4:23, 24)

   3. Ihs me warong kaping ong wekideklahn mouren aramas akan ni ahnsou wet oh pil nan sampah kapwo? (Ais. 48:17, 18; Kal. 5:22, 23; Pil. 4:7)

2. Wadek Kaudiahl 21:3, 4.

   1. Iaduwen Iren Pwuhk Sarawi kan kin kasalehda me en Koht ketiket rehn aramas akan kin wiawi ni lokaia karasaras, a kaidehn e uhdahn ketiket nin sampah? (Lip. 26:11, 12; 2 Kron. 6:18; Ais. 66:1; Kaud. 21:2, 3, 22-24)

   2. Soangen pilen mes oh medek dahieu pahn sohlahr wiawi? (Luk 8:49-52; Rom 8:21, 22; Kaud. 21:4)

Poadoapoad 72

Koht Sewese Nanmwahrki Esekaia

1. Ihs ohl menet nan kilel wet, oh dahme kahrehda e lelong kahpwal laud?

2. Kisin likou dah kei me Esekaia pwilikihdi mwohn Koht, oh dahme Esekaia kapakapki?

3. Soangen nanmwarki dah Esekaia, oh rohng dahieu me Siohwa padahkiong ih ki soukohp Aiseia?

4. Dahme sapwellimen Siohwa tohnleng wia ong irail mehn Assiria kan, nin duwen ke kilang nan kilel wet?

5. Edetehn keinek riau en wehio kin ahneki meleilei ong ahnsoukis, dahme wiawi mwurin Esekaia mehla?

Pil ekei peidek kan:

1. Wadek 2 Nanmwarki 18:1-36.

   1. Iaduwen sounkair Rapshakeh en mehn Assiria kan kin song en kaluwetala pwoson en irail mehn Israel akan? (2 Nan. 18:19, 21; Eks. 5:2; Mel. 64:3)

   2. Ni ahnsou me Sounkadehde Siohwa kan kin tuhwong aramas me kin uhwong irail, iaduwen irail kin alasang mehn kahlemeng mwahu en Esekaia? (2 Nan. 18:36; Mel. 39:1; Lep. Pad. 26:4; 2 Tim. 2:24)

2. Wadek 2 Nanmwarki 19:1-37.

   1. Iaduwen sapwellimen Siohwa aramas akan rahnwet kin alasang Esekaia ni ahnsou me irail kin lelong kahpwal akan? (2 Nan. 19:1, 2; Lep. Pad. 3:5, 6; Ipru 10:24, 25; Seims 5:14, 15)

   2. Kahpwal silu dah kei me Nanmwarki Senakerip lelkihong, oh ihs me e kin rasehng? (2 Nan. 19:32, 35, 37; Kaud. 20:2, 3)

3. Wadek 2 Nanmwarki 21:1-6, 16.

   Dahme kahrehda kitail kak nda me Manaseh iei emen nanmwarki me keieu suwed me kin kakaun nan Serusalem? (2 Kron 33:4-6, 9)

Poadoapoad 73

Kaimwisekelahn Ahn Mehn Israel Nanmwahrki Mwahu

1. Sosaia sounpar depe ni ahnsou me e wiahla nanmwarki, oh dahme e tepin wia ni ahnsou me e wiahla nanmwarki ni erein sounpar isuh?

2. Dahme ke kilang Sosaia wiewia nan keieun kilelo?

3. Dahme samworo lapalap diarada ni ahnsou ohl akan kin onehda sapahl tehnpas sarawio?

4. Dahme kahrehda Sosaia tehrpeseng ah likou?

5. Rohng dahieu soukohp lih Uldah kihong Sosaia me kohsang rehn Siohwa?

Pil ekei peidek kan:

1. Wadek 2 Kronikel 34:1-28.

   1. Mehn kahlemeng mwahu dahieu me Sosaia wia ong irail akan me kin kanengamah mendahki kahpwal laud irail lelong ni ahnsou me re pwulopwul? (2 Kron. 33:21-25; 34:1, 2; Mel. 27:10)

   2. Mehnia wiewia kesempwal kan me Sosaia wia en utungada kaudok mehlel ni sounpar kawalu, kaeisek riau, oh kaeisek walu en ah kaunda? (2 Kron. 34:3, 8)

   3. Mehn kasukuhl dah kei me pid onehda sapahl atail wasahn kaudok me Nanmwarki Sosaia oh Samworo Lapalap, Ilkaia wia ong kitail? (2 Kron. 34:9-13; Lep. Pad. 11:14; 1 Kor. 10:31)

Poadoapoad 74

Emen Ohl me Sohte Masapwehk

1. Ihs ohl pwulopwul nan kilel wet?

2. Ia ahn Seremaia madamadau duwen ah pahn wiahla emen soukohp, ahpw dahme Siohwa padahkiong ih?

3. Soangen rohn dahieu Seremaia kin kaukaule padahkiong aramas akan?

4. Iaduwen samworo kan song en kauhdi Seremaia, ahpw iaduwen e kin kasalehda me e sohte kin masak irail?

5. Dahme kin wiawi ni ahnsou me mehn Israel akan sohte wekila sang ahr wiewia suwed kan?

Pil ekei peidek kan:

1. Wadek Seremaia 1:1-8.

   1. Nin duwen dahme wiawiong Seremaia, dahme kin kahrehda emen en kak warohng en papah sapwellimen Siohwa doadoahk? (2 Kor. 3:5, 6)

   2. Kangoang dahieu me mehn kahlemeng mwahu en Seremaia kihda ong irail Kristian pwulopwul kan en rahnwet? (Ekl. 12:1; 1 Tim. 4:12)

2. Wadek Seremaia 10:1-5.

   Karasaras kehlail dahieu me Seremaia doadoahngki pwen kasalehda sohte katepen likih dikedik en eni kan? (Ser. 10:5; Ais. 46:7; Apak. 2:19)

3. Wadek Seremaia 26:1-16.

   1. Ni ahnsou me rong kin kohda rahnwet, iaduwen luhwen me keidi kan kin kapwaiada sapwellimen Siohwa kehkehlik ong Seremaia ‘ke dehpa ekihsang irail mehkot’? (Ser. 26:2; Deud. 4:2; Wiewia 20:27)

   2. Mehn kahlemeng mwahu dahieu me Seremaia wia ong Sounkadehdehn Siohwa kan rahnwet ni ahr pahn lohkiseli sapwellimen Siohwa kadeik ong wehi kan? (Ser. 26:8, 12, 14, 15; 2 Tim. 4:1-5)

4. Wadek 2 Nanmwarki 24:1-17.

   Imwila suwed dah kei wiawi pwehki wehin Suda sapeikiong Siohwa? (2 Nan. 24:2-4, 14)

Poadoapoad 75

Pwutak Pahmen Nan Papilon

1. Ihs pwutak pahmeno nan kilel wet, oh dahme kahrehda irail mih nan Papilon?

2. Dahme Nepukadnesar koasoanehdi ong pwutak pahmeno, oh dahme e kehkehlikiong nah ladu kan en wia?

3. Pekipek dahieu me Daniel wia me pid mwenge oh nim ong pein ih oh kompoakepah silimen?

4. Mwurin irail kangete wahn tuhke ni erein rahn eisek, iaduwen mwomwen paliwar en Daniel oh kompoakepah silimeno, oh ia mwomwen paliwar en irail pwulopwul teikan?

5. Iaduwen Daniel oh kompoakepah silimeno mihla nan tehnpasen nanmwarkio, oh ni ahl dahieu irail me mwahusang samworo ko de ohl loalokong kan?

Pil ekei peidek kan:

1. Wadek Daniel 1:1-21.

   1. Ma kitail men powehdi kasongosong kan oh pein atail luwet akan, ia uwen laud kitail anahne nantiong en powehdi? (Dan. 1:8; Sen. 39:7, 10; Kal. 6:9)

   2. Ni ahl dah kei me irail pwulopwul kan en rahnwet pil kak lelong kasongosong kan en ale soahng kan me mwomwen “lingan oh kaperen”? (Dan. 1:8; Lepin Padahk 20:1; 2 Kor. 6:17–7:1)

   3. Dahme poadoapoad en mehn Ipru pwulopwul pahmeno nan Pwuhk Sarawi kin sewese kitail en wehwehki ia madamadau pwung me pid loalokong en sampah wet? (Dan. 1:20; Ais. 54:13; 1 Kor. 3:18-20)

Poadoapoad 76

Serusalem Ohlahr

1. Dahme wiawi nan Serusalem oh ong mehn Israel kan me sansalda nan kilel wet?

2. Ihs Esekiel, oh wiewia kapwuriamwei dah kei me Siohwa kasalehong ih?

3. Pwehki mehn Israel akan sohte kin wauneki Siohwa, dahme e inoukihda?

4. Dahme Nanmwarki Nepukadnesar wia mwurin mehn Israel akan uhwong ih?

5. Dahme kahrehda Siohwa mweidohng soahng suwed wet en wiawiong mehn Israel ko?

6. Iaduwen sahpwen Israel sohlahr mie aramas akan nan sahpwo, oh ia uwen werei?

Pil ekei peidek kan:

1. Wadek 2 Nanmwarki 25:1-26.

   1. Ihs Sedekaia, oh dahme wiawiong ih, oh iaduwen met kapwaiada kokohp en Pwuhk Sarawi? (2 Nan. 25:5-7; Esek. 12:13-15)

   2. Ihs me Siohwa kapwukoahki ong wiewia sapwung kan oh salelepek en mehn Israel akan? (2 Nan. 25:9, 11, 12, 18, 19; 2 Kron. 36:14, 17)

2. Wadek Esekiel 8:1-18.

   Iaduwen Kristendom kin alasang irail mehn Israel akan me kin kaudokiong ketipino oh lahlahwe kaudok mehlel? (Esek. 8:16; Ais. 5:20, 21; Sohn 3:19-21; 2 Tim. 4:3)

Poadoapoad 77

Irail Sohte Pahn Poaridi

1. Kosonned dahieu me Nepukadnesar, nanmwarki en Papilon, kihong aramas akan en kapwaiada?

2. Dahme kahrehda kompoakepahn Daniel silimeno sohte poaridiong dikedik kohl wet?

3. Ni ahnsou me Nepukadnesar mweidong mehn Ipru silimeno pil ehu ahnsou en poaridiong dikediko, iaduwen irail kin kasalehda ahr kin likih Siohwa?

4. Dahme Nepukadnesar padahkiong nah ohl akan en wia ong Sadrak, Mesak oh Apedneko?

5. Dahme Nepukadnesar kilang ni ahnsou me e kilangdihla nan kisiniei?

6. Dahme kahrehda nanmwarkio kapinga Koht en Sadrak, Mesak oh Apedneko, oh mehn kahlemeng mwahu dahieu irail wia ong kitail?

Pil ekei peidek kan:

1. Wadek Daniel 3:1-30.

   1. Soahngen madamadau dah me irail mehn Ipru pwulopwul silimeno kasalehda me pil sapwellimen Koht ladu kan koaros anahne en alasang ni ahnsou me re kin lelong kahpwal akan? (Dan. 3:17, 18; Mad. 10:28; Rom 14:7, 8)

   2. Mehn kasukuhl kesempwal dahieu me Siohwa Koht padahkiong Nepukadnesar? (Dan. 3:28, 29; 4:34, 35)

Poadoapoad 78

Inting Ni Did

1. Dahme wiawi ni ahnsou me nanmwarki en Papilon wiahda kamadipw laud ieu oh doadoahngki kep oh dahl akan me irail kihsang sapwellimen Siohwa tehnpas sarawi nan Serusalem?

2. Dahme Pelsasar ndaiong nah ohl loalokong kan, ahpw dahme irail sohte kak wia?

3. Dahme ahn nanmwarkio nohno padahkiong ih en wia?

4. Nin duwen Daniel padahkiong nanmwarkio, dahme kahrehda Koht kahrehong mwomwen pehn aramas men pwarada oh tapiada nting ni dihdo?

5. Iaduwen Daniel kawehwehda wehwehpen mahsen kan me ntingdi ni dihdo?

6. Dahme wiawi ni ahnsou me Daniel kaukawehwe nting pwukat?

Pil ekei peidek kan:

1. Wadek Daniel 5:1-31.

   1. Ia wekpeseng lemwiki Koht oh masak me Pelsasar ahneki ni ahnsou me e kilangada nting kan ni dihdo? (Dan. 5:6, 7; Mel. 19:9; Rom 8:35-39)

   2. Iaduwen Daniel kin kasalehda eimah ni ahnsou me e koasoiong Pelsasar oh nah aramas lapalap kan? (Dan. 5:17, 18, 22, 26-28; Wiewia 4:29)

   3. Ni ahl dahieu me pwuhken Daniel irelaud 5 kin kasansalehda duwen sapwellimen Siohwa kaunda unsek? (Dan. 4:17, 25; 5:21)

Poadoapoad 79

Daniel Nan Deuen Laion

1. Ihs Daraius, oh ia mwomwen e kin kilangwohng Daniel?

2. Dahme ohl peirin kei kin kahrehong Daraius en wia?

3. Dahme Daniel wia ni ahnsou me e rong duwen kosonned kapwo?

4. Dahme kahrehda Daraius inenen nsensuwed oh sohte kak meir, oh dahme e wia mahndahn rahno?

5. Iaduwen Daniel sapeng Daraius?

6. Dahme wiawiong ohl suwed oko me song en kamehla Daniel, oh dahme Daraius ntingihda ong aramas koaros nan sapwellime wehi?

Pil ekei peidek kan:

1. Wadek Daniel 6:1-28.

   1. Iaduwen pilahn mwersuwed me aramas oko wia ong Daniel kin katamankihong kitail nan atail ahnsou duwen dahme aramas akan me kin uhwong doadoahk en Sounkadehdehn Siohwa kan kin wia? (Dan. 6:7; Mel. 94:20; Ais. 10:1; Rom 8:31)

   2. Iaduwen sapwellimen Koht ladu kan en rahnwet pil kak alasang Daniel ni ahr kin peikiong “kaun en wehi kan”? (Dan. 6:5, 10; Rom 13:1; Wiewia 5:29)

   3. Iaduwen kitail kak alasang Daniel ni ah kin papah Siohwa “kaukaule”? (Dan. 6:16, 20; Pil. 3:16; Kaud. 7:15)

Poadoapoad 80

Sapwellimen Koht Aramas Mwesel Sang Papilon

1. Dahme mehn Israel kan kin wiewia nan kilel wet?

2. Iaduwen Sairus kapwaiada kokohp me Siohwa doadoahngki Aiseia en kohpadaou?

3. Dahme Sairus padahkiong irail mehn Israel akan me sohte kak pwurala Serusalem?

4. Dahme Sairus kihong aramas akan wahlahng Serusalem?

5. Ia uwen werei seiloak en mehn Israel akan en pwurala Serusalem?

6. Sounpar depe dower powe me sahpwo tehnlahr?

Pil ekei peidek kan:

1. Wadek Aiseia 44:28 oh 45:1-4.

   1. Iaduwen Siohwa kasalehda me kokohpo me pid Sairus uhdahn pahn pweida? (Ais. 55:10, 11; Rom 4:17)

   2. Dahme pweidahn kokohp en Aiseia me pid Sairus kin kasalehda duwen sapwellimen Siohwa Koht manaman en kohpada dahme pahn wiawi ni ahnsou kohkohdo? (Ais. 42:9; 45:21; 46:10, 11; 2 Pit. 1:20)

2. Wadek Esra 1:1-11.

   Ni atail pahn alasang mehn kahlemeng en irail akan me sohte kak pwurala Serusalem, iaduwen kitail kak ‘kakehlahda pehn irail akan’ me kak iang doadoahk en kalohk kaukaule? (Esra 1:4, 6; Rom 12:13; Kol. 4:12)

Poadoapoad 81

Liki Siohwa en Ketikihda Sawas

1. Aramas depe me iang seiloak sang Papilon lel Serusalem, ahpw dahme irail diarada ni arail lella wasao?

2. Dahme mehn Israel akan tepida kauwada mwurin irail lel Serusalem, ahpw dahme arail imwintihti kan tepida wia?

3. Ihs Akkai oh Sekaraia, oh dahme ira padahkiong aramas akan?

4. Dahme kahrehda Dadenai kadarala ehu kisinlikou ong Papilon, oh pasapeng dahieu me e alehdi?

5. Dahme Esra wia ni ahnsou me e rong duwen anahn en kamwahuwiahla sapwellimen Koht tehnpas sarawio?

6. Dahme Esra kapakapki nan kilel wet, oh iaduwen ah kapakap pasapengla, oh dahme met kin padahkiong kitail?

Pil ekei peidek kan:

1. Wadek Esra 3:1-13.

   Ma ehu rahn, kitail pahn mih nan ehu wasa me sohte sapwellimen Koht mwomwohdiso, dahme kitail anahne pousehla wia? (Esra 3:3, 6; Wiewia 17:16, 17; Ipru 13:15)

2. Wadek Esra 4:1-7.

   Mehn kahlemeng dahieu me Serupapel wia ong sapwellimen Siohwa aramas akan me pid ehuiong lamalam teikan? (Eks. 34:12; 1 Kor. 15:33; 2 Kor. 6:14-17)

3. Wadek Esra 5:1-5, 17 oh 6:1-22.

   1. Dahme kahrehda aramas akan me uhwong irail sohte kak kauhdi doadoahk en kauwada tehnpas sarawio? (Esra 5:5; Ais. 54:17)

   2. Iaduwen wiewia kan en irail ohl mah kan en mehn Suhs kin kangoange Kristian elder kan en pil rapahki sapwellimen Siohwa kaweid kan ni ahnsou me aramas kin uhwong irail? (Esra 6:14; Mel. 32:8; Rom 8:31; Seims 1:5)

4. Wadek Esra 8:21-23, 28-36.

   Mwohn kitail kin wia mehkot, mehnia mehn kahlemeng mwahu me Esra wia me pahn mwahu ong kitail en alasang? (Esra 8:23; Mel. 127:1; Lep. Pad. 10:22; Seims 4:13-15)

Poadoapoad 82

Mordekai oh Esder

1. Ihs Mordekai oh Esder?

2. Dahme kahrehda Nanmwarki Ahasuerus men ale emen ah pwoud kapw, oh ihs me e pilada?

3. Ihs Aman, oh dahme kahrehda e lingeringerda?

4. Mehnia kosonned wiawihda, oh dahme Esder wia mwurin Mordekai padahkiong ih en wia mehkot?

5. Dahme wiawiong Aman oh Mordekai?

6. Iaduwen mehn Israel akan pitsangehr arail imwintihti kan?

Pil ekei peidek kan:

1. Wadek Esder 2:12-18.

   Iaduwen Esder kasalehda kesempwalpen kakairada “kadek oh meleilei”? (Esder 2:15; 1 Pit. 3:1-5)

2. Wadek Esder 4:1-17.

   Nin duwen me Esdar aleier ahnsou en utungada kaudok mehlel, ahnsou dah kan pil kohwong kitail en kasalehda atail lelepek ong Siohwa? (Esder 4:13, 14; Mad. 5:14-16; 24:14)

3. Wadek Esder 7:1-6.

   Iaduwen sapwellimen Koht aramas tohto rahnwet kin duwehte Esder me kin nannanti mendahki irail ese me irail kak lelong kalokolok kan? (Esder 7:4; Mad. 10:16-22; 1 Pit. 2:12)

Poadoapoad 83

Kehl en Serusalem

1. Ia pepehm en mehn Israel akan me pid sohte kehl me kapilpene kahnimwen Serusalem?

2. Ihs Nehmaia?

3. Ia pwukoa en Nehmaia, oh dahme kahrehda ah pwukoa kesempwal?

4. Rong dahieu kin kansensuwediahla Nehmaia, oh dahme e wia?

5. Iaduwen Nanmwarki Artaserkses kasalehda kadek ong Nehmaia?

6. Iaduwen Nehmaia kosonnedi doadoahk en kauwada kehlo pwe imwintihti en mehn Israel akan en sohte kak kauhdi met?

Pil ekei peidek kan:

1. Wadek Nehmaia 1:4-6 oh 2:1-20.

   Iaduwen Nehmaia kin rapahki sapwellimen Siohwa kaweid? (Neh. 2:4, 5; Rom 12:12; 1 Pit. 4:7)

2. Wadek Nehmaia 3:3-5.

   Dahme elder kan oh ministerial servant kan kak sukuhliki sang wekpeseng mehn Tekoa oh arail “kaun akan”? (Neh. 3:5, 27; 2 Des. 3:7-10; 1 Pit. 5:5)

3. Wadek Nehmaia 4:1-23.

   1. Dahme kamwekid mehn Israel akan en pousehla kauwada kehlo mendahki irail kin lelong uhwong laud? (Neh. 4:6, 8, 9; Mel. 50:15; Ais. 65:13, 14)

   2. Ni ahl dahieu me mehn kahlemeng mwahu en mehn Israel akan kin kangoange kitail rahnwet?

4. Wadek Nehmaia 6:15.

   Pwehki kehlen Serusalem wiawihdahr ni erein sounpwong riau dahme met kin kasansalehda duwen manaman en pwoson? (Mel. 56:3, 4; Mad. 17:20; 19:26)

Poadoapoad 84

Tohnleng Men Tuhong Meri

1. Ihs liho nan kilel wet?

2. Dahme Kapriel padahkiong Meri?

3. Iaduwen Kapriel kawehwe ong Meri me e pahn naineki seri men edetehn e saikinte pwopwoud?

4. Dahme wiawi ni ahnsou me Meri mweiweitla rehn kise Elisaped?

5. Ia madamadau en Sosep ni ahnsou me e diarada me Meri liseianda, ahpw dahme kahrehda e wekidala ah madamadau?

Pil ekei peidek kan:

1. Wadek Luk 1:26-56.

   1. Dahme Luk 1:35 kasansalehda duwen dipen Adam me kin pid ni ahnsou me mour en sapwellimen Koht Ohl me kohsang nanleng uhd kohwong nan kapehden Meri? (Akkai 2:11-13; Sohn 6:69; Ipru 7:26; 10:5)

   2. Iaduwen wahu kohwong Sises mwohn e ipwidi? (Luk 1:41-43)

   3. Mehn kahlemeng dahieu me Meri wia ong Kristian akan en rahnwet me kin alehdi pwais kaselel kan en papah? (Luk 1:38, 46-49; 17:10; Lep. Pad. 11:2)

2. Wadek Madiu 1:18-25.

   Mendahki Sises sohte adanekihla Emanuel, iaduwen ah kin wia ah pwukoa nin duwen aramas emen nin sampah kin kapwaiada wehwehn Emanuel? (Mad. 1:22, 23; Sohn 14:8-10; Ipru 1:1-3)

Poadoapoad 85

Sises Ipwidi Nan Deuen Mahn

1. Ihs kisin seri pwelelo nan kilel wet, oh iawasa me Meri pwilikihdi ih?

2. Dahme kahrehda Sises ipwidi nan deuen mahn akan?

3. Nan kilel wet, ihs ohl oko me kohkohdo nan deuen mahn akan, oh dahme emen tohnleng padahkiong irail?

4. Dahme kahrehda Sises inenen kesempwal?

5. Dahme kahrehda Sises iei sapwellimen Koht Ohl?

Pil ekei peidek kan:

1. Wadek Luk 2:1-20.

   1. Dahme Sihsar Akustus wia pwehn kapwaiada kokohp ehu me pid duwen ipwidien Sises? (Luk 2:1-4; Maika 5:2)

   2. Iaduwen aramas emen kak iangala pwihno me “Koht kin ketin kupwuramwahwih”? (Luk 2:14; Mad. 16:24; Sohn 17:3; Wiewia 3:19; Ipru 11:6)

   3. Ma irail silepen sihpw en Suda kan ahneki kahrepe mwahu en perenkihda ipwidien Sounkomouro, kahrepe laud sang met dahieu me irail sapwellimen Koht ladu kan en rahnwet kin ahneki? (Luk 2:10, 11; Episos 3:8, 9; Kaud. 11:15; 14:6)

Poadoapoad 86

Ohl Kei Idawehn Ehu Usu

1. Ihs ohl pwukat nan kilel wet, oh dahme kahrehda emen irail idihlahng usu marain ehu?

2. Dahme kahrehda Nanmwarki Erod mwakarada, oh dahme e wia?

3. Iawasa usu maraino kahkahrelahng ie ohl pwukat, oh dahme kahrehda irail keid ni ehu ahl tohrohr oh pwurodohng nan sapwarail?

4. Koasondi dahieu me Erod wiahda, oh pwekida?

5. Dahme Siohwa padahkiong Sosep en wia?

6. Ihs me kahrehda usu kapwo en lingaling, oh dahme kahrehda e wia met?

Pil ekei peidek kan:

1. Wadek Madiu 2:1-23.

   Sises sounpar depe oh iawasa e kin kousoan ie ni ahnsou me ohl me kin pwongih usu kan kin mweiweitla reh? (Madiu 2:1, 11, 16)

Poadoapoad 87

Sises Pwulopwul Nan Ihmwen Kaudok

1. Nan kilel wet, Sises mahkier sounpahr depe, oh e mihmi iawasa?

2. Dahme Sosep iangahki ah peneinei kin wia sounpahr koaros?

3. Mwurin keieun rahn arail mweselwei sang Serusalem pwehn pwurala Nasared, dahme kahrehda Sosep oh Meri pwurala Serusalem?

4. Iawasa Sosep oh Meri diarada Sises, oh dahme kahrehda irail me mihmi wasao pwuriamweiki?

5. Dahme Sises ndaiong ah nohno, Meri?

6. Iaduwen kitail kak kahlemengih Sises ni atail kin sukuhliki duwen Koht?

Pil ekei peidek kan:

1. Wadek Luk 2:41-52.

   1. Mendahki Kosonned en Moses kehkehlikiong ohl kante en iang towehda kasarawi kan me kin wiawi nan pahr koaros, soangen mehn kahlemeng mwahu dahieu me Sosep oh Meri wia ong pahpa oh nohno kan rahnwet? (Luk 2:41; Deud. 16:16; 31:12; Lepin Padahk 22:6)

   2. Iaduwen Sises ketikihda mehn kahlemeng mwahu ong me pwulopwul kan rahnwet ni e kin uhpahiong oh peikiong ah pahpa oh nohno? (Luk 2:51; Deud. 5:16; Lepin Padahk 23:22; Kol. 3:20)

2. Wadek Madiu 13:53-56.

   Ia eden irail uhdahn rien Sises pwutak kan me kileledi nan Paipel, oh soangen pwukoa dah kan me riemen ahneki nan mwomwohdiso en Kristian? (Madiu 13:55; Wiewia 12:17; 15:6, 13; 21:18; Kal. 1:19; Seims 1:1; Sud 1)

Poadoapoad 88

Sohn Pepdaisiehla Sises

1. Ihs ohl riemen me mihmi nan kilel wet?

2. Dahme wiawi ni ahnsou aramas emen kin pepdais?

3. Soangen aramas dah me Sohn kin kalap pepdaisih?

4. Ia kahrepe tohrohr me kahrehda Sises pekihki rehn Sohn en pepdaisihala ih?

5. Iaduwen Koht ketin kasalehda me E kupwurperenki Sises a pepdaisla?

6. Dahme wiawi ni ahnsou me Sises kohla wasakis kelepwla erein rahn 40?

7. Ia eden ohl kan me wiahla keieun ahn Sises werek kan, de tohnpadahk kan, oh soangen manaman dahieu me Sises tepin wia?

Pil ekei peidek kan:

1. Wadek Madiu 3:13-17.

   Soangen mehn kahlemeng mwahu dah Sises wia me pid pepdaislahn sapwellime tohnpadahk kan? (Mel. 40:7, 8; Madiu 28:19, 20; Luk 3:21, 22)

2. Wadek Madiu 4:1-11.

   Iaduwen en Sises doadoahngki Mahsen en Koht ni koahiek kin kangoange kitail en onop Paipel kaukaule? (Madiu 4:5-7; 2 Pit. 3:17, 18; 1 Sohn 4:1)

3. Wadek Sohn 1:29-51.

   Sohn Sounpepdais kin kangoange nah tohnpadahk kan en kilangwohng ihs, oh iaduwen kitail kak kahlemengih ih rahnwet? (Sohn 1:29, 35, 36; 3:30; Madiu 23:10)

4. Wadek Sohn 2:1-12.

   Iaduwen keieun manaman me Sises wiahda kasalehda me Siohwa sohte kin kolokol mehkot mwahu sang sapwellime ladu kan? (Sohn 2:9, 10; Mel. 84:11; Seims 1:17)

Poadoapoad 89

Sises Kamwakelehda Ihmwen Kaudok

1. Dahme kahrehda aramas akan kin netiki mahn pwukat nan tehnpas sarawi?

2. Dahme kahrehda Sises mwakarkihda?

3. Sang ni ahmw kilang kilel wet, dahme Sises wia, oh soangen kehkehlik dahieu me e kihong ohl akan me netinetki mwuroi ko?

4. Ni ahnsou me werek kan en Sises kilang dahme Sises wia, dahme irail tamanda?

5. Ia eden wehio me Sises kekeid loale ni ahnsou me e pahn pwurala Kalilih?

Pil ekei peidek kan:

1. Wadek Sohn 2:13-25.

   Pwehki Sises mwakarkihda ah kilang irail me netiki mahn akan nan tehnpas sarawi, soangen madamadau dahieu kitail konehng ahneki me pid duwen netiki mehkot nan Kingdom Hall? (Sohn 2:15, 16; 1 Kor. 10:24, 31-33)

Poadoapoad 90

Iang Lih Ni Pwarer

1. Dahme kahrehda Sises kommoal limwahn pwarer ehu nan Samaria, oh dahme e ndaiong liho me mihmi mwo?

2. Dahme kahrehda liho pwuriamwei, oh dahme Sises ndaiong ih, oh pwekihda?

3. Soangen pihl dahieu me liho lemeleme me Sises koasoakoasoia, ahpw ia uhdahn wehwehn pihl wet me Sises koasoakoasoia?

4. Dahme kahrehda liho pwuriamweiki dahme Sises wehwehki duwen ih, oh iaduwen Sises ese soahng pwukat duwen liho?

5. Dahme kitail kak sukuhliki sang poadoapoad wet me pid duwen liho me Sises tuhwong ni pwarero?

Pil ekei peidek kan:

1. Wadek Sohn 4:5-43.

   1. Ni atail pahn kahlemengih mehn kahlemeng mwahu en Sises, soangen madamadau dah me e pwung en ahneki ong aramas me kohsang wasakis de tikida wasakis weksang kitail? (Sohn 4:9; 1 Kor. 9:22; 1 Tim. 2:3, 4; Taitus 2:11)

   2. Soangen kapai en ngehn dah kan emen kin alehdi ni ah wiahla sapwellimen Sises tohnpadahk men? (Sohn 4:14; Aiseia 58:11; 2 Kor. 4:16)

   3. Iaduwen kitail kak kasalehda atail kalahngan duwehte lihen Samariao me kin ngoangki ehukihong meteikan dahme e sukuhliki? (Sohn 4:7, 28; Madiu 6:33; Luk 10:40-42)

Poadoapoad 91

Sises Padahk Pohn Dohl

1. Nan kilel wet, iawasa Sises mih ie ni e wia padapadahk, oh ihs me mwomwohd limwahn Sises?

2. Ia eden irail wahnpoaron 12 ko?

3. Mehnia wehi me Sises kin padapadahngki duwe?

4. Dahme Sises padahkiong aramas akan en kapakapki?

5. Dahme Sises padahngki duwen atail wiewia kan ong meteikan?

Pil ekei peidek kan:

1. Wadek Madiu 5:1-12.

   Ni ahl dah kan kitail kak kasalehda me kitail kin nsenohki atail anahn en pali ngehn? (Madiu 5:3; Rom 10:13-15; 1 Tim. 4:13, 15, 16)

2. Wadek Madiu 5:21-26.

   Iaduwen Madiu 5:23, 24 kin kasalehda me atail nanpwung mwahu rehn riatail ni pali ngehn kin pidada atail nanpwung mwahu rehn Siohwa? (Madiu 6:14, 15; Mel. 133:1; Kol. 3:13; 1 Sohn 4:20)

3. Wadek Madiu 6:1-8.

   Ia ekei ahl en liksansalamwahu me Kristian akan anahne liksang? (Luk 18:11, 12; 1 Kor. 4:6, 7; 2 Kor. 9:7)

4. Wadek Madiu 6:25-34.

   Dahme Sises padahngki duwen atail anahne likih Siohwa ong atail anahn en paliwar kan? (Eks. 16:4; Mel. 37:25; Pil. 4:6)

5. Wadek Madiu 7:1-11.

   Dahme karasaras me kileledi nan Madiu 7:5 padahkiong kitail? (Lepin Padahk 26:12; Rom 2:1; 14:10; Seims 4:11, 12)

Poadoapoad 92

Sises Kapwourda me Mehlahr

1. Ihs pahpahn serepeino nan kilel wet, oh dahme kahrehda ohlo oh ah pwoud pahtouki?

2. Dahme Sairus wia ni ahnsou me e diarada Sises?

3. Dahme wiawi ni ahnsou me Sises kohkohlahng imwen Sairus, oh dahme emen soun wah rohng padahkiong Sairus?

4. Dahme kahrehda aramas me mihmi ni imwen Sairus kouruhrki Sises?

5. Dahme Sises wia mwurin e alehda semen serepeino oh iangahki ah nohno oh sapwellime wahnpoaron silimen oh kahrehla irail nan pereo me serepeino mihmi?

6. Pil ihs me Sises kaiasada, oh dahme met kin kasalehda?

Pil ekei peidek kan:

1. Wadek Luk 8:40-56.

   Iaduwen Sises kasalehda limpoak ong liho me soumwahu en mehn warmwowi, oh dahme Kristian elder kan rahnwet kak sukuhliki sang met? (Luk 8:43, 44, 47, 48; Lipai 15:25-27; Madiu 9:12, 13; Kol. 3:12-14)

2. Wadek Luk 7:11-17.

   Dahme kahrehda aramas me arail peneinei de kompoakparail mehlahr kak diar mehn kamweit nan mahsen kan en Sises ong liohdi men nan Nain? (Luk 7:13; 2 Kor. 1:3, 4; Ipru 4:15)

3. Wadek Sohn 11:17-44.

   Iaduwen Sises kasalehda me e mwahu en mwahiei ni en emen me ke poakohng mehla? (Sohn 11:33-36, 38; 2 Samuel 18:33; 19:1-4)

Poadoapoad 93

Sises Kamwenge Aramas Tohto

1. Dahme wiawiong Sohn Sounpepdais, oh ni ahnsou me Sises rong met, ia pepehm en Sises?

2. Iaduwen Sises kamwenge aramas akan me idawehnla ih, oh ia uwen laud en mwenge me luhwehdi?

3. Dahme kahrehda masapwehkada ni luhkepen pwong, oh dahme wiawiong Piter?

4. Nan pil ehu ahnsou, iaduwen Sises eh kamwengehda aramas kid kei?

5. Dahme kahrehda e pahn mwahu ni ahnsou me Sises pahn kaunda sampah nin duwen nanmwarki men me Koht pilada?

Pil ekei peidek kan:

1. Wadek Madiu 14:1-32.

   1. Nan pwuhken Madiu 14:23-32 kin kasalehda duwen irair dah kan me Piter ahneki?

   2. Iaduwen Pwuhk Sarawi kasalehda me Piter mahla ni pali ngehn oh solahr kin mwadang lingeringer duwehte mahs? (Madiu 14:27-30; Sohn 18:10; 21:7; Wiewia 2:14, 37-40; 1 Pit. 5:6, 10)

2. Wadek Madiu 15:29-38.

   Iaduwen Sises kasalehda ah kesempwaliki sawas en anahn en paliwar me Seme kin ketikihda? (Madiu 15:37; Sohn 6:12; Kol. 3:15)

3. Wadek Sohn 6:1-21.

   Iaduwen Kristian kan rahnwet kak idawehn mehn kahlemeng mwahu en Sises me pid duwen madamadau pwung ong wehi kan? (Sohn 6:15; Madiu 22:21; Rom 12:2; 13:1-4)

Poadoapoad 94

E Kin Poakong Kisin Seri Kan

1. Dahme wahnpoaron kan akamaiki ni ahnsou me irail ahpwtehn pwurasang ehu sapsapal reirei?

2. Dahme kahrehda Sises likwerih emen kisin pwutak oh padahkiong ih en kesihnenda mwohn wahnpoaron ko?

3. Ni ahl dahieu wahnpoaron kan anahne sukuhliki en duwehte seri kan?

4. Sounpwong kei mwuri, iaduwen Sises kin kasalehda me e poakong seri kan?

Pil ekei peidek kan:

1. Wadek Madiu 18:1-4.

   Dahme kahrehda Sises kin doadoahngki karasaras kan ni ahnsou me e kin padahk? (Madiu 13:34, 36; Mark 4:33, 34)

2. Wadek Madiu 19:13-15.

   Soangen irair dah kan me seri kan kin kasalehda me kitail kak alasang ma kitail men ale kapai kan en Wehio? (Mel. 25:9; 138:6; 1 Kor. 14:20)

3. Wadek Mark 9:33-37.

   Dahme Sises padahkiong sapwellime tohnpadahk kan duwen nantihong ahneki manaman pohn meteikan? (Mark 9:35; Madiu 20:25, 26; Kal. 6:3; Pil. 2:5-8)

4. Wadek Mark 10:13-16.

   Dahme kasalehda me aramas oh seri mengeiong en keiong mpen Sises, oh dahme Kristian elder kan kak sukuhliki sang mehn kahlemeng mwahu en Sises wet? (Mark 6:30-34; Pil. 2:1-4; 1 Tim. 4:12)

Poadoapoad 95

Duen Sises Ah Kin Padahk

1. Peidek dahieu emen ohl idek rehn Sises, oh pwekihda?

2. Ekei ansou, dahme Sises kin doadoahngki ni ah kin padahk, oh dahme kitail sukuhlikiehr duwen mehn Suhs oh mehn Samaria kan?

3. Nan soi me Sises kasalehda, dahme wiawiong ohlen Suhs men me kohkohdihla Seriko pohn ahlo?

4. Dahme wiawi ni ahnsou me samworo en Suhs men oh mehn Lipai men pil keid nan ahlo?

5. Nan kilel wet, ihs me sewese ohlen Suhs me kamakamdahro?

6. Mwurin Sises kaimwisekela soio, peidek dahieu e wia, oh iaduwen ohlo sapengki ah peideko?

Pil ekei peidek kan:

1. Wadek Luk 10:25-37.

   1. Iaduwen Sises a sohte kin kihda pasapeng inen ong ohl emen me samanih Kosonnedo, ahpw e uhd kin kihda irair akan me kin kahrehong en medemedewe ire kan me pid ah peideko? (Luk 10:26; Madiu 16:13-16)

   2. Iaduwen Sises doadoahngki karasaras kan en sewese irail sounrongorong kan en powehdi arail lipilipilki aramas? (Luk 10:36, 37; 18:9-14; Taitus 1:9)

Poadoapoad 96

Sises Kamwahuiahla oh Kakehleda Me Soumwahu

1. Dahme Sises kin wia ni e kin kakahnseli wasa kan?

2. Dahme Sises padahkiong sapwellime wahnpoaron kan sounpahr siluh mwurin ah pepdaisla?

3. Ihs irail aramas akan nan kilel wet, oh dahme Sises wia pwehn sewese liho?

4. Dahme kahrehda en Sises pasapeng ong uhwong kan me kaunen lamalam akan kin wia kahrehong irail en namenekla?

5. Ni ahnsou me Sises oh sapwellime wahnpoaron ko lelahng likin Seriko, dahme Sises wia ong ohl maskun riemen me kin peki sawas sang aramas teikan?

6. Dahme kahrehda Sises kin wiahda manaman kan?

Pil ekei peidek kan:

1. Wadek Madiu 15:30, 31.

   Soangen manaman kaselel dah en Siohwa me Sises kin kasalehda, oh iaduwen met pahn kamwekid atail wehwehki duwen sapwellimen Siohwa inou kan me pid sampah kapw? (Mel. 37:29; Aiseia 33:24)

2. Wadek Luk 13:10-17.

   Pwehki Sises e wiahda manaman kapwuriamwei kan ni rahn en Sapad, iaduwen met kin kasalehda duwen kamaiou me e pahn wahdohng tohnsampah ni a pahn kaunda sampah erein Pahr Kido? (Luk 13:10-13; Mel. 46:9; Madiu 12:8; Kol. 2:16, 17; Kaud. 21:1-4)

3. Wadek Madiu 20:29-34.

   Iaduwen poadoapoad wet kin kasalehda me Sises sohte kin mweidong ah kedirepw en kahrehong en sohte sewese aramas akan, oh dahme kitail kak sukuhliki sang met? (Deud. 15:7; Seims 2:15, 16; 1 Sohn 3:17)

Poadoapoad 97

Sises Ketido Duen Nanmwahrki

1. Ni en Sises lelahng kisin kahnimw limwahn Serusalem, dahme Sises padahkiong sapwellime tohnpadahk kan en wia?

2. Nan kilel wet, dahme wiawi ni ahnsou me Sises karanihala kahnimw en Serusalem?

3. Dahme seri kan wia ni ahnsou me irail kilang Sises kakehleda me maskun oh mwoator?

4. Dahme Sises mahsanih ong samworo ko me mwakarada?

5. Iaduwen kitail kak duwehte seri kan me kapinga Sises?

6. Dahme sapwellimen Sises tohnpadahk kan men ese?

Pil ekei peidek kan:

1. Wadek Madiu 21:1-17.

   1. Iaduwen mwomwen ahn Sises pedolong nan Serusalem nin duwen Nanmwarki men kin weksang kaunen sounpei en Rom kan ni ahnsou irail kin pwurodo sang ahr kana nan mahwen kan? (Madiu 21:4, 5; Sek. 9:9; Pil. 2:5-8; Kol. 2:15)

   2. Mehn kasukuhl dahieu me irail me pwulopwul kan kak sukuhliki sang pwutak en Israel kan me arail lokaia kan pwarada nan pwuhken Melkahka 118 ni ahnsou me Sises pedolong nan tehnpas sarawio? (Madiu 21:9, 15; Mel. 118:25, 26; 2 Tim. 3:15; 2 Pit. 3:18)

2. Wadek Sohn 12:12-16.

   Ia wehwehn en aramas ako arail doadoahngki tehn paini oh kapinga Sises? (Sohn 12:13; Pil. 2:10; Kaud. 7:9, 10)

Poadoapoad 98

Pohn Dohl en Olip

1. Nan kilel wet, mehnia ohl me Sises, oh ihs me iang ih?

2. Dahme irail samworo kan song en wia ong Sises nan tehnpaso, oh dahme e ndaiong irail?

3. Dahme wahnpoaron ko idek rehn Sises?

4. Dahme kahrehda Sises padahkiong sapwellime wahnpoaron kan duwen dahme pahn wiawi nin sampah ni ahnsou me e pahn kakaun nanleng nin duwen Nanmwarki men?

5. Dahme Sises mahsanih pahn wiawi mwohn e pahn kihsang suwed kan koaros nan sampah?

Pil ekei peidek kan:

1. Wadek Madiu 23:1-39.

   1. Edetehn iren Paipel kan kin kasansalehda me kitail kak kasalehda wahu ong irail me ahneki daidel kan nan koperment, ahpw dahme mahsen en Sises nan pwuhken Madiu 23:8-11 kasalehda duwen doadoahngki daidel kan nan mwomwohdisohn Kristian? (Wiewia 26:25; Rom 13:7; 1 Pit. 2:13, 14)

   2. Dahme Parisi kan doadoahngki pwen song en kauhdi aramas akan en wiahla Kristian, oh iaduwen kaun en pelien lamalam kan nan atail ahnsou kin pil alasang Parisi kan? (Mad. 23:13; Luk 11:52; Sohn 9:22; 12:42; 1 Des. 2:16)

2. Wadek Madiu 24:1-14.

   1. Iaduwen kesempwalpen irairen dadaur kin sansalda nan pwuhken Madiu 24:13?

   2. Dahme mahsen pwukat “lel ni imwi” nan Madiu 24:13 kin wehwehki? (Mad. 16:27; Rom. 14:10-12; 2 Kor. 5:10)

3. Wadek Mark 13:3-10.

   Mehnia mahsan kan nan pwuhken Mark 13:10 kin kasalehda duwen karuwaru en wia doadoahk en kalohki Rongamwahu, oh iaduwen mahsen pwukat en Sises kin kak kamwekid kitail? (Rom. 13:11, 12; 1 Kor. 7:29-31; 2 Tim. 4:2)

Poadoapoad 99

Nan Pere Powe

1. Nan kilel wet, dahme kahrehda Sises oh sapwellime wahnpoaron 12 mihmihki nan pere laudo powe?

2. Ihs ohlo me mwesemwesel, oh dahme e pahn wia?

3. Mwurin Sak en Passa nekier, sak en kataman kesempwal dahieu me Sises tepiada wia?

4. Passa kin katamankin mehn Israel akan duwen ahnsou dah, oh dahme sak kesempwal wet kin katamankin sapwellimen Sises tohnpadahk kan?

5. Mwurin Sak en Soutik en Kauno, dahme Sises padahkiong sapwellime tohnpadahk kan, oh dahme irail wia?

Pil ekei peidek kan:

1. Wadek Madiu 26:14-30.

   1. Iaduwen Madiu 26:15 kin kasalehda me Sudas uhdahn pein nsenki en pangala Sises?

   2. Kahrepe riau dah me sapwellimen Sises nta kakerkerkihdi? (Mad. 26:27, 28; Ser. 31:31-33; Ep. 1:7; Ipru 9:19, 20)

2. Wadek Luk 22:1-39.

   Ni ahl dahieu Sehdan pedolong nan Sudas? (Luk 22:3; Sohn 13:2; Wiewia 1:24, 25)

3. Wadek Sohn 13:1-20.

   1. Nin duwen pwuhken Sohn 13:2 mahsanih, kitail kak kapwukoahki Sudas ong dahme e wia, oh mehn kasukuhl dahieu me irail sapwellimen Koht ladu kan kak sukuhliki sang met? (Sen. 4:7; 2 Kor. 2:11; Kal. 6:1; Seims 1:13, 14)

   2. Karasaras kaselel dahieu me Sises ketikihda? (Sohn 13:15; Mad. 23:11; 1 Pit. 2:21)

4. Wadek Sohn 17:1-26.

   Ia wehwehn ni ahnsou me Sises kapakapki sapwellime tohnpadahk kan en “wiahla ehu”? (Sohn 17:11, 21-23; Rom. 13:8; 14:19; Kol. 3:14)

Poadoapoad 100

Sises Nan Mwetuwel

1. Iawasa Sises oh sapwellime wahnpoaron kan kohla ie mwurin arail pidoi sang pere powe, oh dahme e padahkiong irail en wia?

2. Dahme Sises kilang ni ahnsou me e pwurala wasa me wahnpoaron kan mie, oh pak depe met wiawi?

3. Ihs me pedelong nan mwetuwelo, oh dahme Sudas Iskariod wia, nin duwen ke kilang nan kilel wet?

4. Dahme kahrehda Sudas metik Sises, oh dahme Piter wia?

5. Dahme Sises mahsanih ong Piter, ahpw dahme kahrehda Sises sohte peki rehn Koht en kadarodo tohnleng kan?

Pil ekei peidek kan:

1. Wadek Madiu 26:36-56.

   1. Iaduwen ahl me Sises kin kaweidih sapwellime tohnpadahk kan kin wia mehn kahlemeng mwahu ong irail Kristian elder kan nan rahnwet? (Mad. 20:25-28; 26:40, 41; Kal. 5:17; Ep. 4:29, 31, 32)

   2. Ia madamadau en Sises ong doadoahngki dipwisoun mahwen kan ong aramas teikan? (Mad. 26:52; Luk 6:27, 28; Sohn 18:36)

2. Wadek Luk 22:39-53.

   Ni ahnsou me tohnleng emen pwarada mwohn Sises nan mwetuwel en Kedsemane pwen kakehlahda ih, eri, met kin wehwehki me pwoson en Sises tepida luwetala? Kawehwe. (Luk 22:41-43; Ais. 49:8; Mad. 4:10, 11; Ipru 5:7)

3. Wadek Sohn 18:1-12.

   Iaduwen Sises perehla sapwellime tohnpadahk kan sang rehn aramas akan me kin uhwong ih, oh dahme kitail kak sukuhliki sang met? (Sohn 10:11, 12; 18:1, 6-9; Ipru 13:6; Seims 2:25)

Poadoapoad 101

Sises Kamakamala

1. Ihs me keieu pwukoahki kamakamalahn Sises?

2. Dahme wahnpoaron oko wia ni ahnsou me kaun en pelien lamalam akan parokehdi Sises?

3. Dahme wiawi nan ihmwen Kaiapas, samworo lapalapo?

4. Dahme kahrehda Piter eri kohieila oh sengiseng?

5. Ni ahnsou me e kapwurehla Sises rehn Pailet, dahme kaun en samworo kan weriwerki?

6. Dahme wiawiong Sises mwurin souwas en Ni Elim, oh inou dahieu e wiaiong emen loallap me pil langahda nin tuhke pwoat limwahn ih?

7. Iawasa me paradais me Sises kin koasoakoasoia pahn mih ie?

Pil ekei peidek kan:

1. Wadek Madiu 26:57-75.

   Ni ahl dahieu me irail towe kan en mwoalen kopwung lapalap en mehn Suhs akan kin kasalehda me mohngiongirail me inenen suwed? (Mad. 26:59, 67, 68)

2. Wadek Madiu 27:1-50.

   Dahme kahrehda kitail kak ndahki me Sudas ah nsensuwedla sohte wehwehki me e kohluhla mehlel? (Mad. 27:3, 4; Mark 3:29; 14:21; 2 Kor. 7:10, 11)

3. Wadek Luk 22:54-71.

   Mehn kasukuhl dahieu kitail kak sukuhliki sang ahn Piter kahmahmki Sises ni pwong me re pangala oh saliedi ih? (Luk 22:60-62; Mad. 26:31-35; 1 Kor. 10:12)

4. Wadek Luk 23:1-49.

   Dahme Sises wia ni ahnsou me aramas teikan kin kopwung sapwungih ih, oh dahme kitail kak sukuhliki sang met? (Luk 23:33, 34; Rom. 12:17-19; 1 Pit. 2:23)

5. Wadek Sohn 18:12-40.

   Ni en Piter kin ahnsoukis masak aramas, ahpw mwuhr powehdi oh wiahla wahnpoaron mwahu men, dahme met kin kasalehda? (Sohn 18:25-27; 1 Kor. 4:2; 1 Pit. 3:14, 15; 5:8, 9)

6. Wadek Sohn 19:1-30.

   1. Lamalam toupahrek dahieu me Sises ahneki me pid mwenge de dipwisou kan? (Sohn 2:1, 2, 9, 10; 19:23, 24; Mad. 6:31, 32; 8:20)

   2. Iaduwen kaimwiseklahn mahsen kan en Sises mwohn e pwoula kin kasansalehda me e ketin utungada sapwellimen Siohwa kaunda? (Sohn 16:33; 19:30; 2 Pit. 3:14; 1 Sohn 5:4)

Poadoapoad 102

Sises Memour

1. Ihs liho nan kilel wet, oh ihs ohl riemeno, oh iawasa irail kin mihmi ie?

2. Dahme kahrehda Pailat padahkiong samworo ko en kadarala sounpei kan pwen silehdi sousou en Sises?

3. Dahme emen tohnleng wia ni kasiluhn rahn mwurin Sises pwoula, ahpw dahme irail samworo ko wia?

4. Dahme kahrehda ekei lih akan pwuriamweila ni ahnsou me re kohdohng ni sousou en Sises?

5. Dahme kahrehda Piter oh Sohn tangalahng ni sousou en Sises, oh dahme ira kilangada?

6. Dahme wiawiong paliwar en Sises, ahpw dahme e wia pwehn kasalehong sapwellime tohnpadahk ko me e memourte?

Pil ekei peidek kan:

1. Wadek Madiu 27:62-66 oh 28:1-15.

   Ni ahnsou me Sises iasadahr, iaduwen kaunen samworo kan, Parisi, oh pil ohl mah kan wiahda dipen lahlahwe ngehn sarawi? (Mad. 12:24, 31, 32; 28:11-15)

2. Wadek Luk 24:1-12.

   Iaduwen poadoapoad duwen iasadahn Sises kin kasalehda me Siohwa kin kilangwong lih akan nin duwen sounkadehde likilik kan? (Luk 24:4, 9, 10; Mad. 28:1-7)

3. Wadek Sohn 20:1-12.

   Iaduwen pwuhken Sohn 20:8, 9 kin sewese kitail en kanengamah edetehn kitail sohte kin wehwehki ni unsek pweidahn kokohp kan en Pwuhk Sarawi? (Lep. Pad. 4:18; Mad. 17:22, 23; Luk 24:5-8; Sohn 16:12)

Poadoapoad 103

Ong Nan Pere Ehu Me Loakedi

1. Dahme Meri ndaiong ohl emen me e leme me e wia soumwet men, ahpw dahme wiawi me kahrehong Meri en esehda me ohl menet iei Sises?

2. Dahme wiawiong tohnpadahk riemen ni ara alialu kohlahng Emmaus?

3. Soahng kapwuraimwei dahieu wiawi ni ahnsou me tohnpadahk riemeno kin padahkiong wahnpoaron teiko me ira kilangada Sises?

4. Pak depe me Sises pwarada mwohn sapwellime tohnpadahk ko?

5. Dahme Domas nda ni ahnsou me e rong me irail tohnpadahk teiko kilangada Kauno, ahpw dahme wiawi rahn waluh mwurin met?

Pil ekei peidek kan:

1. Wadek Sohn 20:11-29.

   Mahsen kan en Sises nan pwuhken Sohn 20:23 kin wehwehki me aramas akan kin ale manaman en lapwahda dipen aramas teikan? Kawehwe. (Mel. 49:2, 7; Ais. 55:7; 1 Tim. 2:5, 6; 1 Sohn 2:1, 2)

2. Wadek Luk 24:13-43.

   Iaduwen kitail kak kaunopada atail mohngiong pwehn kamehlele oh alehda padahk mehlel en Pwuhk Sarawi? (Luk 24:32, 33; Esra 7:10; Mad. 5:3; Wiewia 16:14; Ipru 5:11-14)

Poadoapoad 104

Sises Pwurala Nanleng

1. Tohnpadahk depe kilangada Sises ni ehu ahnsou, oh dahme Sises padahkiong irail?

2. Dahkot Wehin Koht, oh ia mwomwen mour nin sampah ni ahnsou me Sises pahn kakaun nin duwen Nanmwarki erein sounpar kid?

3. Rahn depe me Sises kin pwarada rehn sapwellime tohnpadahk kan, ahpw ahnsou lelehr me e anahne wia dah?

4. Mwohn Sises kohkohlahsang sapwellime tohnpadahk kan, dahme e padahkiong irail en wia?

5. Dahme wiawi nan kilel wet, oh dahme wiawiong Sises me kahrehda e solahr sansal ong irail?

Pil ekei peidek kan:

1. Wadek 1 Korint 15:3-8.

   Dahme kahrehda wahnpoaron Pohl kak, ni soh peikasal, koasoiada duwen iasadahn Sises, oh rahnwet, dahme Kristian akan pil kak, ni soh peikasal, koasoiong aramas teikan? (1 Kor. 15:4, 7, 8; Ais. 2:2, 3; Mad. 24:14; 2 Tim. 3:1-5)

2. Wadek Wiewia 1:1-11.

   Doadoahk en kalohk kohpeseng oh e lelehr iawasa, nin duwen me kohpada nan pwuhken Wiewia 1:8? (Wiewia 6:7; 9:31; 11:19-21; Kol. 1:23)

Poadoapoad 105

Awiawih Nan Serusalem

1. Nin duwen nan kilel wet kin kasalehda, dahme wiawiong sapwellimen Sises tohnpadahk kan me kin awiawih nan Serusalem?

2. Dahme aramas akan me kin kohdohng Serusalem pwuriamweiki?

3. Dahme Piter kawehwehda ong aramas akan?

4. Ia pepehm en aramas akan mwurin irail rong padahk en Piter, oh dahme e padahkiong irail en wia?

5. Aramas depe pepdaisla ni rahn en Pendekos 33 C.E.?

Pil ekei peidek kan:

1. Wadek Wiewia 2:1-47.

   1. Iaduwen mahsen kan en Piter nan Wiewia 2:23, 36 kin kasalehda me wehin Suhs pwon kin pwukoahki pwoulahn Sises? (1 Des. 2:14, 15)

   2. Iaduwen Piter wia mehn kahlemeng mwahu ni ah kin kawehwe mwahu iren Pwuhk Sarawi kan ong aramas teikan? (Wiewia 2:16, 17, 29, 31, 36, 39; Kol. 4:6)

   3. Iaduwen Piter doadoahngki keieun “kih kan en wehin nanleng,” me Sises inoukihda me e pahn ketikihong ih? (Wiewia 2:14, 22-24, 37, 38; Mad. 16:19)

Poadoapoad 106

Sapwadek Sang Imweteng

1. Mwurin souwas ehu, dahme wiawiong Piter oh Sohn ni ahnsou me ira kohla nan tehnpas sarawio?

2. Dahme Piter padahkiong ohl emen me mwoator, oh dahme Piter kihong ih me kesempwal sang mwohni?

3. Dahme kahrehda kaunen pelien lamalam akan mwakarkihda, oh dahme irail wia ong Piter oh Sohn?

4. Dahme Piter ndaiong kaunen pelien lamalam akan, oh dahme irail kalelehki wahnpoaron oko en dehr wia?

5. Dahme kahrehda kaun en pelien lamalam akan kin peirin, ahpw dahme wiawi ni ahnsou me wahnpoaron oko selidi nan imweteng ni kariapak en ahnsou?

6. Ia en wahnpoaron kan pasapeng ni arail wisikidohng mwohn Sanihdrin (Tohn Mwoalen Kopwung Lapalap)?

Pil ekei peidek kan:

1. Wadek Wiewia 3:1-10.

   Edetehn kitail sohte alehdi kehl en wiahda manaman kan nan rahnpwukat, iaduwen mahsen kan en Piter me ntingihdi nan pwuhken Wiewia 3:6 kin sewese kitail en kesempwaliki Rongamwahu en Wehio? (Sohn 17:3; 2 Kor. 5:18-20; Pil. 3:8)

2. Wadek Wiewia 4:1-31.

   Ni ahnsou me aramas kin uhwong atail doadoahk en kalohk, iaduwen kitail kak alasang riatail Kristian kan nan keieun senturi? (Wiewia 4:29, 31; Ep. 6:18-20; 1 Des. 2:2)

3. Wadek Wiewia 5:17-42.

   Iaduwen aramas akan me sohte iang Sounkadehde Siohwa kan mahs oh pil ahnsouwet kin kasalehda me re ahneki madamadau marain me pid doadoahk en kalohk? (Wiewia 5:34-39)

Poadoapoad 107

Irail Katehdi Stepen

1. Ihs Stepen, oh dahme Koht kin sewesewese ih en wia?

2. Dahme Stepen nda me kahrehong irail kaun en pelien lamalam kan en mwakarada kowahlap?

3. Ni ahnsou me ohl akan wuradekihieila Stepen likin kanihmwo, dahme irail wiaiong ih?

4. Nan kilel wet, ihs ohl pwulopwul menet me keskesihnenda limwahn likou puhp ako?

5. Mwohn e mehla, dahme Stepen kapakapkihong Siohwa?

6. Ni atail pahn kin alasang Stepen, dahme kitail anahne wia ni ahnsou aramas pahn wia suwed ong kitail?

Pil ekei peidek kan:

1. Wadek Wiewia 6:8-15.

   Wiewia widing dah kei me irail kaunen pelien lamalam kan kin doadoahngki pwen song en kauhdi doadoahk en kalohk me irail Sounkadehdehn Siohwa kan kin wia? (Wiewia 6:9, 11, 13)

2. Wadek Wiewia 7:1-60.

   1. Dahme sewese Stepen en ni koahiek utungada Rongamwahuo mwohn Sanhedrin, oh dahme kitail sukuhliki sang ah mehn kahlemeng? (Wiewia 7:51-53; Rom 15:4; 2 Tim. 3:14-17; 1 Pit. 3:15)

   2. Soangen madamadau dahieu me kitail anahne kakairada ong aramas akan me kin uhwong atail doadoahk? (Wiewia 7:58-60; Mad. 5:44; Luk 23:33, 34)

Poadoapoad 108

Pohn Ahlo Kohlahng Damaskus

1. Dahme Saul wia mwurin Stepen kamakamala?

2. Ni ahnsou me Saul kohkohlahng Damaskus, mehkot kapwuriamwei dahieu wiawi?

3. Dahme Sises padahkiong Saul en wia?

4. Kaweid dah kei me Sises kihong Ananaias, oh iaduwen Saul kak pwureng kilangada wasa?

5. Mwuhr, ahd dahieu kohwong Saul, oh doadoahk dah me e wia?

Pil ekei peidek kan:

1. Wadek Wiewia 8:1-4.

   Iaduwen kalokolok laud me lelohng mwomwohdisohn Kristian kapwo kin sewese pwoson en Kristian akan kohpeseng wasa koaros, oh dahme pil kin wiawi nan atail ahnsou? (Wiewia 8:4; Ais. 54:17)

2. Wadek Wiewia 9:1-20.

   Pwukoa siluh dah kei me Sises padahkiong Saul en wia? (Wiewia 9:15; 13:5; 26:1; 27:24; Rom 11:13)

3. Wadek Wiewia 22:6-16.

   Iaduwen kitail kak duwehte Ananaias, oh dahme kahrehda e kesempwal kitail en alasang ih? (Wiewia 22:12; 1 Tim. 3:7; 1 Pit. 1:14-16; 2:12)

4. Wadek Wiewia 26:8-20.

   Iaduwen ahn Saul kin wiahla emen Kristian kin kak kihong kangoang ong aramas akan me arail pwoud kan saikinte iangala padahk mehlel? (Wiewia 26:11; 1 Tim. 1:14-16; 2 Tim. 4:2; 1 Pit. 3:1-3)

Poadoapoad 109

Piter Tuhong Kornilius

1. Ihs ohlo me poaridi mwohn Piter nan kilel wet?

2. Dahme emen tohnleng ndaiong Kornilius?

3. Dahme Koht kasalehong Piter pohn kadoken ihmwen Saimon nan Soppa?

4. Dahme kahrehda Piter padahkiong Kornilius en dehr poaridi oh kaudokiong ih?

5. Dahme kahrehda tohnpadahk kan en mehn Suhs ako me iang Piter pwuriamweikihla?

6. Mehn kasukuhl dahieu kitail kak sukuhliki ni en Piter eh pwarek Kornilius?

Pil ekei peidek kan:

1. Wadek Wiewia 10:1-48.

   Dahme mahsen kan en Piter me mih nan pwuhken Wiewia 10:42 kasalehda duwen doadoahk en kalohki Rongamwahu en Wehio? (Mad. 28:19; Mark 13:10; Wiewia 1:8)

2. Wadek Wiewia 11:1-18.

   Soangen madamadau dahieu me Piter kasalehda ni ahnsou me sapwellimen Siohwa kaweid me pid mehn liki kan kin sansalda, oh iaduwen kitail kak alasang ih? (Wiewia 11:17, 18; 2 Kor. 10:5; Ep. 5:17)

Poadoapoad 110

Timoti—Sewespen Paul Kapw

1. Ihs mwahnakapwo me mihmi nan kilel wet, iawasa e kin kousoan ie, oh ia eden ah nohno oh nohno kahlap?

2. Dahme Timoti sapeng ni ahnsou me Paul idek reh ma e men iang ih oh Sailas kalohk rehn aramas akan nan wasa doh kan?

3. Iawasa me sapwellimen Sises tohnpadahk kan tepin adanekihla Kristian kan?

4. Mwurin Paul, Sailas, oh Timoti mwesel sang Andiok, ia eden ekei kanihmw kan me irail kohla ie?

5. Iaduwen Timoti sewese Paul, oh mehnia peidek irail me pwulopwul kan en rahnwet kak pein idek rehrail?

Pil ekei peidek kan:

1. Wadek Wiewia 9:19-30.

   Iaduwen wahnpoaron Paul kin kasalehda loalokong ni ahnsou me e kin lelohng kalokolok pwehki e kin kalohki Rongamwahu? (Wiewia 9:22-25, 29, 30; Mad. 10:16)

2. Wadek Wiewia 11:19-26.

   Iaduwen poadoapoad me ntingihdi nan pwuhken Wiewia 11:19-21, 26 kin kasalehda me sapwellimen Siohwa ngehn kin kahluwa doadoahk en kalohk wet?

3. Wadek Wiewia 13:13-16, 42-52.

   Iaduwen pwuhken Wiewia 13:51, 52 kin kasalehda me irail tohnpadahk kan sohte kin mweidong kalokolok kan en kaluweteirailla? (Mad. 10:14; Wiewia 18:6; 1 Pit. 4:14)

4. Wadek Wiewia 14:1-6, 19-28.

   Iaduwen lepin lokaia pwukat “kihong arail mour ong Siohwa” pahn kak sewese kitail en dehr nohn pwunodki ni atail kin sewese aramas kapw kan? (Wiewia 14:21-23; 20:32; Sohn 6:44)

5. Wadek Wiewia 16:1-5.

   Iaduwen ahn Timoti kin men uhpaiong koasondi en sirkumsais kin kasalehda kesempwalpen wia “soahng koaros pwehki Rongamwahu”? (Wiewia 16:3; 1 Kor. 9:23; 1 Des. 2:8)

6. Wadek Wiewia 18:1-11, 18-22.

   Dahme pwuhken Wiewia 18:9, 10 mahsanih duwen pein Sises ah kin pidada doadoahk en kalohk wet, oh likilik dahieu met kin kihong kitail rahnwet? (Mad. 28:20)

Poadoapoad 111

Pwutak Emen Meirla Pwupwedi

1. Nan kilel wet, ihs pwutak me wowonohn nan pwehlo, oh dahme wiawiong ih?

2. Dahme Paul wia ni ahnsou me e kilang me pwutako mehlahr?

3. Iawasa me Paul, Timoti, oh irail akan me kin iang ira pahn kohla ie, oh dahme wiawi ni ahnsou me irail uhdi nan Miletus?

4. Dahme soukohp Akapus padahkiong Paul, oh iaduwen kokohp en soukohp menet pweida?

Pil ekei peidek kan:

1. Wadek Wiewia 20:7-38.

   1. Iaduwen kitail kak “sohte pwukoahki mouren aramas akan,” nin duwen mahsen en Paul me ntingihdi nan pwuhken Wiewia 20:26, 27? (Esek. 33:8; Wiewia 18:6, 7)

   2. Dahme kahrehda elder kan anahne “tengediong mahsen en Koht” ni ahnsou me irail kin padapadahk? (Wiewia 20:17, 29, 30; Taitus 1:7-9; 2 Tim. 1:13)

2. Wadek Wiewia 26:24-32.

   Iaduwen Paul kin doadoahngki ah wia towe mehlel en wehin Rom pwen kapwaiada pwukoa en kalohk me e aleier sang rehn Sises? (Wiewia 9:15; 16:37, 38; 25:11, 12; 26:32; Luk 21:12, 13)

Poadoapoad 112

Sereda Pohn Ehu Deke

1. Dahme wiawiong sohpo me Paul iang ni ahnsou me e karanih deke en Krihd?

2. Dahme Paul ndaiong aramas akan me mih pohn sohpo?

3. Iaduwen sohpo eh mwerpeseng?

4. Dahme kaun en sounpei kan kaweidih aramas en wia, oh aramas depe lella ni oaroahr oh mourala?

5. Ia eden deke me re sereda ie, oh dahme wiawiong Paul ni ahnsou mesen lahng mwahula?

Pil ekei peidek kan:

1. Wadek Wiewia 27:1-44.

   Iaduwen atail likih ire kan nan Paipel kin kehlailla ni ahnsou me kitail kin wadek poadoapoad duwen ahn Paul seiloaklahng Rom? (Wiewia 27:16-19, 27-32; Luk 1:3; 2 Tim. 3:16, 17)

2. Wadek Wiewia 28:1-14.

   Ma irail tohn Malda me sohte kin kaudokiong Koht mehlel poakehla wahnpoaron Paul oh ienge ko me sereda pohn dekeo oh “inenen kadek” ong irail, Kristian kan rahnwet anahne kasalehda soangen irair dahieu oh ni ahl dahieu? (Wiewia 28:1, 2; Ipru 13:1, 2; 1 Pit. 4:9)

Poadoapoad 113

Paul Nan Rom

1. Paul kalohk ong ihs ni ahnsou me e selidi nan Rom?

2. Nan kilel wet, ihs ohl menet me mwomwohd ni tehpelo, oh dahme e wia pwen sewese Paul?

3. Ihs Epaprodaitus, oh dahme e pahn wahda ni ah pahn pwuralahng Pilipai?

4. Dahme kahrehda Paul ntingihdi kisinlikou ong kompoakpah keren Pailemon?

5. Dahme Paul wia ni ahnsou me e sapwadekela, oh mwuhr dahme wiawiong ih?

6. Ihs me Siohwa doadoahngki en ntingihdi kaimwiseklahn pwuhk kan en nan Pwuhk Sarawi, oh dahme pwuhken Kaudiahl kin padahkiong kitail?

Pil ekei peidek kan:

1. Wadek Wiewia 28:16-31 oh Pilipai 1:13.

   Iaduwen Pohl doadoahngki ah ahnsou ni ah selidi nan Rom, oh iaduwen ah pwoson kin kamwakidada mwomwohdiso en Kristian? (Wiewia 28:23, 30; Pil. 1:14)

2. Wadek Pilipai 2:19-30.

   Lokaiahn kalahngan dah kei me Pohl wiaiong Timoti oh Epaprodaitus, oh iaduwen kitail kak alasang mehn kahlemeng mwahu en Paul me pid ire wet? (Pil. 2:20, 22, 25, 29, 30; 1 Kor. 16:18; 1 Des. 5:12, 13)

3. Wadek Pailimwon 1-25.

   1. Poahsoanda pohn irair dahieu me kahrehong Pohl en kangoange Pailimwon en wia dahme pwung, oh iaduwen me kin wia mehn kahlemeng mwahu ong elder kan nan rahnwet? (Pail. 9; 2 Kor. 8:8; Kal. 5:13)

   2. Iaduwen mahsen kan en Paul nan Pailimwon 13, 14 kin kasalehda me e kin pohnese oh wauneki nsen mwakelekel en aramas teikan nan mwomwohdiso? (1 Kor. 8:7, 13; 10:31-33)

4. Wadek 2 Timoti 4:7-9.

   Duwehte wahnpoaron Paul, iaduwen kitail kak likih me Siohwa pahn kapaiahda kitail ma kitail pahn lelepek lao lel ni imwi? (Mad. 24:13; Ipru 6:10)

Poadoapoad 114

Imwin me Suwed Koaros

1. Dahme kahrehda Pwuhk Sarawi kin mahsanih duwen oahs kan me kin mihmi nanleng?

2. Ia eden mahwin en Koht me pahn kasorehla aramas suwed akan nin sampah, oh ia kahrepen mahwen wet?

3. Sang kilel wet, ihs me pahn tiehng mwowe nan mahwin wet, oh dahme kahrehda e doadoahngki ninen nanmwarki, oh ia wehwehn ah kedlas?

4. Kilang poadoapoad 10, 15, oh 33, dahme kahrehda kitail sohte kin pwuriamweikihla me Koht pahn kasorehla aramas suwed akan?

5. Iaduwen poadoapoad 36 oh 76 kin kasalehiong kitail me Koht pahn kasorehla aramas suwed akan mendahki irail kose me re kin kaudokiong ih?

Pil ekei peidek kan:

1. Wadek Kaudiahl 19:11-16.

   1. Iaduwen iren Pwuhk Sarawi kan kin ni sansal kawehwehda me Sises Krais iei soundakepen oahs pwetepwet? (Kaud. 1:5; 3:14; 19:11; Ais. 11:4)

   2. Iaduwen sapwellimen Sises likouhn liki me nta mihla powe kin wia mehn kadehde me sapwellime kana wiawi ni pwung oh unsek? (Kaud. 14:18-20; 19:13; Ais. 63:1-6)

   3. Ihs me kin iang karis en nanleng me kin idawehn Sises pohn oahs pwetepweto? (Kaud. 12:7; 19:14; Mad. 25:31, 32)

Poadoapoad 115

Ehu Paradais Kapw Sampah

1. Soahngen irair kaselel dah kei me Pwuhk Sarawi kawehwehda me kitail aramas pahn paiekihda nan Paradais sampah wet?

2. Dahme Pwuhk Sarawi inoukihong aramas akan me pahn mih nan Paradais?

3. Iahd me Sises pahn kahrehong wekidekila kaselel wet en wiawi?

4. Ni ahnsou me Sises ketiket nin sampah, dahme e wia pwehn kasalehda dahme e pahn wia ni ahnsou me e pahn wiahla Nanmwarki en Wehin Koht?

5. Dahme Sises oh irail akan me pahn iang ih kakaun nanleng pahn taman wia ni ahnsou me irail pahn kaunda sampah?

Pil ekei peidek kan:

1. Wadek Kaudiahl 5:9, 10.

   Dahme kahrehda kitail kak likih me irail akan me pahn kakaun sampah ni erein Kaunda en Pahr Kido pahn wia nanmwarki oh samworo kan me kin kadek oh mahk? (Ep. 4:20-24; 1 Pit. 1:7; 3:8; 5:6-10)

2. Wadek Kaudiahl 14:1-3.

   Ia wehwehn mwaren Sahm oh mwaren Sihmpwulo me ntinting ni temwen irail 144,000? (1 Kor. 3:23; 2 Tim. 2:19; Kaud. 3:12)

Poadoapoad 116

Iaduen Kitail Pahn Kak Mour Kohkohlahte

1. Dahme kitail anahne en ese ma kitail pahn iang mour kohkohlahte?

2. Iaduwen kitail kak sukuhliki duwen Siohwa Koht oh Sises, nin duwen kisin serepein menet oh kompoakepah kan kin wia nan kilel wet?

3. Ia pil ehu pwuhk ke kilang nan kilel wet, oh dahme kahrehda kitail anahne wadek pwuhkwet ahnsou koaros?

4. Likin atail kin sukuhliki duwen Siohwa oh Sises, dahme kitail pil anahne wia ma kitail men ale mour soutuk?

5. Mehn kasukuhl dahieu kitail sukuhliki sang Poadoapoad 69?

6. Nan poadoapoad 55, dahme mehn kahlemeng mwahu en kisin pwutako, Samuel, kin kasalehda?

7. Iaduwen kitail kak alasang mehn kahlemeng mwahu en Sises Krais, oh ma kitail pahn wia met, dahme kitail pahn kak ahneki ni ahnsou kohkohdo?

Pil ekei peidek kan:

1. Wadek Sohn 17:3.

   Iaduwen iren Pwuhk Sarawi kan kin kasalehda me loalokongkihla loalokong me pid Siohwa Koht oh Sises Krais kin wehwehki laud sang atail kin wadlikihla ire kan nan Pwuhk Sarawi? (Mad. 7:21; Seims 2:18-20; 1 Sohn 2:17)

2. Wadek Melkahka 145:1-21.

   1. Ia ekei kahrepe kan kitail ahneki ong kapinga Siohwa? (Mel. 145:8-11; Kaud. 4:11)

   2. Iaduwen Siohwa kin “kupwur mwahu ong aramas akan koaros,” oh iaduwen met pil anahne sewese kitail en karanihala ih sang mahs? (Mel. 145:9; Mad. 5:43-45)

   3. Ma kitail kin poakong Siohwa, dahme met pahn kamwekid kitail en wia? (Mel. 119:171, 172, 175; 145:11, 12, 21)