Rahn me Keieu Kesempwal nan Poadopoad

Rahno iei rahn me Sises Krais ketin pwoula. Dahme kahrehda e inenen kesempwal? Kahrepe tohto mie.

En Sises ketin lelepek lao lel mehla kin kadehdehda me aramas akan kak kolokol arail lelepek ong Koht.

Pwoulahn Krais ketikihda kapai ehu ong ekei aramas en iang ih kaunda nanleng. Patehng met, e pil ritingadahng aramas tohto teikan en paiekihda mour soutuk nan sampah paradais ehu.

Pwohngo mwohn e pwoula, Sises ketin doadoahngki pilawa soumwut oh wain weitahta en wia karasaras en sapwellime meirong. E ketin padahkihong sapwellime tohnpadahk kan: “Kumwail wia met ong ni katamanpei.” (Luk 22:19) Eri ia duwe, komw pahn taman rahn kesempwal wet?

Sounkadehdehn Siohwa kan pahn perenki lukei komwi en iang irail kasarawi Kataman en Kamatalahn Sises. Pahr wet, kataman wet pahn wiawi Ni-Epeng, April 9, mwurin kihrlahn ketipin. Komw kak patohla ni wasahn kaudok en Sounkadehdehn Siohwa kan me karanih omw wasahn kousoan. Menlau tehkada rehn Sounkadehdehn Siohwa kan kuloak oh wasa me kasarawi wet pahn wiawi.