Dahme Paipel Mahsanih?

Koht kin ketin sapeng kapakap koaros?

KE PAHN NDA ME E KIN KETIN SAPENG KAPAKAP EN . . .

• Aramas koaros

• Ekei aramas

• Sohte ahn emen

DAHME PAIPEL MAHSANIH

“E kin ketiket limwahn irail kan . . . me kin likweriong ni mehlel.”​—Melkahka 145:18.

DAHME KITAIL PIL KAK SUKUHLKIHSANG PAIPEL?

• Koht kin ketin pohnsehse kapakap en irail kan me kin uhwongada ih. (Aiseia 1:15) Ahpw, re kak “kapwungala mahs” soahng kan reh ni ar wekidala arail wiewia kan.​—Aiseia 1:18.

• Pwe Koht en ketin sapeng kapakap ehu, e anahne pahrekiong sapwellime koasoandi kan me dierek nan Paipel.​—1 Sohn 5:14.

Kitail anahne kapakap ni mwomwen soandihn paliwar ehu?

EKEI ARAMAS KIN KAMEHLELE me re anahne kelepwikihdi, poaridi, de kihpene pehrail kan ni ahnsou me re kin kapakap. Ia omw madamadau?

DAHME PAIPEL MAHSANIH

Koht kin ketin kupwurki kapakap en irail kan me kin mwohndi de kesihnenda de poaridi de kelehpwikihdi. (1 Kronikel 17:16; Mark 11:25; Esra 10:1; Wiewia 9:40) E sohte ketin koasoanehdi soangen soandihn paliwar ehu ni ahnsou me kitail kin kapakap.

DAHME KITAIL PIL KAK SUKUHLKIHSANG PAIPEL?

• Koht kin ketin karonge irail me aktikitik kan.​—Melkahka 138:6.

• Ke kak doadoahngki lokaia sohte lipilipil de kapakap loalomw.​—2 Kronikel 6:32, 33; Nehmaia 2:1-6.