Nformason pa pape ku mame

Kal ki minjor prenda ku bo pudi da bo fijus? I ten manga di kusas ke pirsisa del, suma bo amor, orientason ku proteson. Sin duvida, prenda mas importanti ku bo pudi da elis i kuñisimentu di Jeova ku bardadis ku sta na si Palabra, Biblia. (Jon 17:3) Es kuñisimentu pudi juda bo fijus omenta se amor pa Jeova i sirbil di tudu se korson, mesmu ke pikininu inda. — Mateus 21:16.

Manga di papes ku mames nota ki mininus, ta sta mas avontadi ku lisons i ku atividadis kurtu. Pa kila, no sta kontenti di fasi es publikason, Ña Lisons di Biblia. Kada lison fasidu pa sina di un manera simplis. Gravura ku testu purparadu spesialmenti pa mininus di tris anu o menus. I tene sujestons pa atividadis. Ña Lisons di Biblia i ka un brinkedu pa mininus ba ta brinka kel. Ma, i fasidu pa bos, pa bo lei juntu ku bo fijus, i asin promovi kumunikason.

No sta sertu kuma es publikason na sedu di ajuda nkuantu bo na sina bo fijus bardadi di Biblia ‘disna di mininesa.’ — 2 Timótiu 3:14, 15.

Bo irmons,

Korpu Guvernanti di Tustumuñas di Jeova

[Foto na paẑina 3]