KANTIKU 161
N ta kontenti fasi bu vontadi
(Salmu 40:8)
1. Na ki ora ki sai na yagu
Bu Palabra incil korson,
Bu vontadi torna purmeru
Na si vida, si ason.
Sin, bu Fiju nega pekadu,
Ma bu nomi‿i difindi.
I dau tudu sin sobra nada,
I ami N misti parsil.
(KORU)
Fasi‿u vontadi ta‿alegran.
Tudu ña forsa N dau Jeova.
La dentru mi N sinti filis.
Na bu lus N misti yanda.
Fasi‿u vontadi ta‿alegran.
N tene speransa, sin, N tene.
Bu‿amor pa mi, Jeova, N sintil.
Dia‿i noti N na ngabau.
I ta‿alegran.
2. Ciga pertu bo, o Jeova Deus,
Alegria N mas ta tene.
Dentru mi N ta sinti kontenti,
Bu Palabra N na prega.
Ku ermons sempri na ña ladu,
Mas minjor ka izisti.
Ku orgulyu, N karga bu nomi,
Desdi gos i pa sempri.
(KORU)
Fasi‿u vontadi ta‿alegran.
Tudu ña forsa N dau Jeova.
La dentru mi N sinti filis.
Na bu lus N misti yanda.
Fasi‿u vontadi ta‿alegran.
N tene speransa, sin, N tene.
Bu‿amor pa mi, Jeova, N sintil.
Dia‿i noti N na ngabau.
I ta‿alegran.
I sempri‿i na‿alegran.
(Jubi tambi Sal 40:3, 10.)