NO VIDA KRISTON
Difindi Normas di Moral di Jeova
Jeova Deus stabilisi normas di moral pa pekaduris. Pa kila, i dikreta kuma kasamenti i un union permanenti entri un omi ku un minjer. (Mat 19:4-6, 9) I kondena tudu tipu di imoralidadi seksual. (1 Kor 6:9, 10) Te mesmu i da prinsipius aserka di manera di bisti ku aparensia, pa diferensia si povu di utrus. — Lei 22:5; 1 Tim 2:9, 10.
Na mundu di aos, manga di jintis nega normas di Jeova. (Rom 1:18-32) E ta pirmiti pa opinion popular nfluensia se manera di bisti se aparensia ku se konduta. Manga di jintis ta mostra se mau manera di vivi i e ta kritika kilis ku ta tene normas diferenti delis. — 1 Ped 4:3, 4.
Suma Tustumuñas di Jeova, no dibi di difindi normas moral di Deus ku koraẑen. (Rom 12:9) Kuma ku no pudi fasil? Ku rispitu no dibi di fasi utrus kunsi ke ku Jeova ta seta. Ma tambi no pirsisa di manti normas di moral elevadu na no propi vida. Pa kila, ora ku no na kuji stilu di ropa ku aparensia, i bon pa no punta no kabesa: ‘Sera ki ña skolias ta refleti normas di Jeova o di mundu? Sera ki ña manera di bisti ku ña aparensia ta identifikan suma un kriston ku medi Deus?’ O ora ku no na kuji un programa di televison o un filmi pa jubi, i bon pa no punta no kabesa: ‘Sera ki Jeova na gosta di es programa o filmi? Kal normas di moral ki ta promovi? Sera ki ña skolias di diverson na nfrakisi ña difesas moral? (Sal 101:3) Sera ki i pudi sedu un pedra di tropesu pa ña familia o pa utrus?’ — 1 Kor 10:31-33.
Ke ku manda i muitu importanti pa no difindi normas di moral di Jeova? I ka na tarda Jesus Kristu na distrui tudu nasons i kaba ku tudu maldadi. (Eze 9:4-7) So kilis ku na fasi vontadi di Deus ku na fika. (1 Jon 2:15-17) Asin no apoia normas di moral di Jeova, pa kilis ku na oja no bon konduta pudi glorifika Deus. — 1 Ped 2:11, 12.
Ke ku ña skolia di bistimentu ku ña aparensia ta fala aserka di ña normas di moral?
MOSTRA VIDEO TORNA-TE AMIGO DE JEOVÁ — UM HOMEM E UMA MULHER, DIPUS KONSIDERA ES PURGUNTAS:
Pabia ki bon vivi di akordu ku normas di Jeova?
Ke ku manda desdi pikininu, papes dibi di kumsa sina se fijus normas di moral di Jeova?
Kuma ku jovens ku garandis pudi juda jintis benefisia di bondadi di Jeova?