NO VIDA KRISTON

Kal Tempu ku N Pudi Sirbi Mas Suma Pioneru Ausiliar?

Vison di templu di Ezekiel ta mostra kuma povu di Jeova na fasi ofertas di livri vontadi. Kuma ku kada un di nos pudi partisipa na fasi sakrifisius di lovor? — Eb 13:15, 16.

Un bon manera di fasi kila i sirbi suma pioneru ausiliar. Anu di sirvisu di 2018 tene manga di misis ku tene sinku sabadu ku dumingu. Es ta juda spesialmenti kilis ku ta tarbaja pa e partisipa mas na ministeriu na fins di semana. Alen di kila, publikaduris pudi kuji entri 30 o 50 ora na mis di marsu ku abril tambi duranti mis ki na ten visita di superintendenti di sirkuitu.

Ke gora si no situason ka pirmitinu sedu pioneru ausiliar? No pudi sforsa pa minjoria kualidadi di no ministeriu i te mesmu omenta no oras. Kualker ku sedu no situason, pa amor pa Jeova motivanu da no minjor duranti anu di sirvisu di 2018! — Ose 14:2.

Sabina Hernández pui kaneta na boka i na sina petison pa pioneru ausiliar — Kuma ku N pudi kopia zelu di Sabina Hernández?

MOSTRA VIDEO COM JEOVÁ, EU POSSO FAZER QUASE TUDO, I DIPUS RUSPUNDI ES PURGUNTAS:

Ke ku motiva Sabina pa i fasi mas na sirvisu di Jeova?
Kuma ku izemplu di Sabina nkoraẑau?
Duranti anu di sirvisu di 2018, kal mis o misis ku bu pudi sirbi suma pioneru ausiliar?