Kuma ku bu Pudi Sedu un Bon Studanti di Palabra di Deus?

Bu misti sedu fiel bas di provason suma Daniel? Daniel eraba un bon studanti di Palabra di Deus, nkluindu profesia fundu. (Dan 9:2) Sedu un bon studanti di Biblia pudi judau manti fiel. Di kal manera? I pudi omenta bu fe na kumprimentu di promesas di Jeova. (Jos 23:14) I pudi tambi omenta bu amor pa Deus, i kila na motivau fasi ke ki bon. (Sal 97:10) Ma nunde ku bu dibi di kumsa? Pensa nes suẑestons.

• Ke ku N dibi di studa? Un bon rotina di studu nklui purpara pa runions di kongregason. Leitura di Biblia di kada semana na mas benefisiau si bu toma tempu pa fasi piskisa aserka di pontus ku bu ka ntindi. Tambi, alguns disidi aprindi mas aserka di profesia di Biblia, partis di frutu di spiritu, viaẑens misionariu di apostulu Paulu, te mesmu kriason fisiku di Jeova. Si bu pensa na un purgunta di Biblia duranti dia, skirbil i dipus fasil bu prosimu asuntu di studu.

• Nunde ku N pudi oja nformason? Pa oja alguns opsons, jubi video Ferramentas de pesquisa para procurar tesouros espirituais. Pa testa bu abilidadi, fasi piskisa aserka di putensias mundial ku representadu pa limarias na Daniel kapitulu 7.

• Kantu tempu ku N dibi di studa? Pa sta ben na sintidu spiritual i importanti fasi un studu regular. Bu pudi kumsa ku studa un bokadu, i si pirsis, bu ta ba ta omenta tempu. Studa Palabra di Deus i suma koba pa buska rikesa sugundidu; mas ku bu na diskubri, mas bu na misti koba! (Dit 2:3-6) Bu diseẑu pa Palabra di Deus na omenta, i studu regular di Biblia na kontinua sedu un rotina pa bo. — 1 Ped 2:2.

KE KU LIMARIAS KU STA NA DANIEL KAPITULU 7 TA REPRESENTA?

• 

  Dan 7:4

• 

  Dan 7:5

• 

  Dan 7:6

• 

  Dan 7:7

UTRU PURGUNTA:

Kuma ku Daniel 7:8, 24 kumpri?

UTRU PISKISA:

Ke ku limarias ku sta na Apokalipsi kapitulu 13 ta representa?